Lewitikas 18:20 - Nobonob Baibel

²⁰ Na layap, nahip mudippan laippu, na nug wau ele aib beɗuppa wanak hepiɗ. Na anam hekkut dayeb amu, na Kayaknu neekkakppa dubuttid tak ele daakkut.

Lewitikas 18:20 Referans Kwoze

Lewitikas 20:10

Am danab laa nug ewau pakkua heeb, danab laa wau ele gappai hekkulah dayeb, ag ah danab ele oh aqatppeg mauhkkulahoitte.

Eksodas 20:14

Na ewau aib pakkuna gappai heme.

Hibru 13:4

Ewau dayaknu amu, ag oh amunu ena doyeg! Danab ah ele ewau daattep, aa gappai laa aib hepiɗ. Aɗinu? Kayak Nug geha ewau pakkua gappai hak danab, amu laa gappai kobol laala hetteb ele, Nug ag epeɗiadkku.

1 Korint 6:9

Ag imu iite dootteb? Danab ag nau hetteb ele amu, ag Kayaknu ɗo maɗoɗ ooppa ii daamna. Na nakka nahipnu aib hambuppume. Aun aɗi ag gappai hetteb, o aun aɗi ag kayak hambuppuak binalag metteb, o aun aɗi ag ewau pakkua gappai hak danab daatteb, o aun aɗi ag danab danabib, o ah ahib gappai aɗatteb,

Duteronomi 5:18

Na ewau aib pakkuna gappai heme.

Galesia 5:19

Ag beɗunu kobol amu ag aakku dootteb. Amu inam. Gappai kobol digdig, kobol dubuttid ele, hipaɗu ahak kobol,

Rom 2:22

Ag danab ag ewau pakkua gappai hak kobol ii hemananu atteb amunu, aɗinu ag akka ag ewau pakkua gappai hak kobol hetteb? Amu ag kayak hambuppuaknu dottolkadnu oolkadppa uuaknab dootteb amunu, aɗinu ag akka iitta aɗi dilag kayak hambuppuaknu mettid lakkanu keeke yab aotteb?

Malakai 3:5

Amu Yawe Nukka Ɠagattag Oh Ele Nug atte. “Haen amuppa da ag hettoɗiakppa maadkkul. Da danab ag onig awak heppig, danab wau uuitta ah laa ele oipiɗ, laa hambuppunna, nai hambuppuaknu, da dahil nai ɠagattag qein, nai amuam genab attem, appig ele amu, da ahilag kobol nau amunu paha mattien, naippa yaaladkkulnu daakkul. Laa ag ahilkad uɗat nid daden elele ii madappig, laa ag ah qab, gamulkad mauhppig, amu nid anilkad mamelkad mauhppig ele eheɗ hadappig, amu laa ag wan laihnu danab ag uɗin, ag oolagppa daaegeg, ag ahilagnu nai doya mala hettoɗia epeɗia elele mettak kobol ii dim lamidppig amu, da ahilag kobol nau amunu paha mattien, naippa yaaladkkulnu daakkul. Danab ah nau amu hetteb ele amu, ag dahilnu ebehilag oh bodoetta le ii mette amunu, da anam hekkul.” Yawe Nukka Ɠagattag Oh Ele Nug anam atte.

Prowerb 6:25

Nug ah iɗu tuqaknab ele, amge na amu anidna, nug ele niiglahnu beɗunppan eeɗak, na amunu aib dabmena, nug dim lamidme! Ao, nug na neekkittatta, amegppa beɗun eeɗkku, amge na nuhig dabmak amu aib dim lamidme.

2 Samuel 11:27

Nug mahitte ukke, elele te, Dawit he, nug laugppa te, aa ewau matulak aoya, ewau daayya, Batseba nug Dawitnu nid danab awom. Nug nid danab awom, amge Dawit kobol heum ele amu, Yawe Nug amunu ena ii doyom.

Duteronomi 22:25

Amge danab nug ah laa danab laa baeg aɗak ele atu laih antta, nug aɗa, wagai ma, nug ele gappai aopiɗ dayeb amu, danab amu aakkuib nug mauhkku.

Duteronomi 22:22

Danab nug danab laa wau ele gappai aopeɗ, ag anatkkulag dayeb amu, danab amu, ah amu ele oh aa mauhkkulahoitte. Kobol nau ag oolagppa daamanu, ag heppeg, aib dayom!

Namba 5:13

nug danab laa ele oiglahtai. Nug anam ha, nug gamu doomanu, nug nuhig hipunin amu lokkumeb, gamu nug hipunin heum ii dookkutai. Auntai laa ii anttom amunu, ah nug pelemppa ii teum oittetai.

Esekiel 18:6

Nug kayak hambuppuak mettid lag nakok, nug appa ee ii lanana, nug Israel dilag kayak hambuppuak laa binag nakok laa ii mette. Nug layag wau ele ii niiyya, nug wau nug kalam qette haenppa ele ii niittep.