Lewitikas 18:2 - Nobonob Baibel

² “Na Israel danab ah da aɗi attem imu appe doyeg!” awa aum. ⌊Nug anam a amu, Moses nug Yawe oɗe awa, ag amelagppa inam aum.⌋ “Da am Yawe, ahilag Kayak.

Lewitikas 18:2 Referans Kwoze

Eksodas 6:7

Da geha heppi, ag am dahilad danab ah daappeg, da ahilag Kayak daakkul. Haen amuppa amu, ag da am Yawe, da ag Isip appa maɗi nid maɗi ah ele daappig, da amuppanu uhuqatti, ag hamu, ena daatteb dooglag.

Lewitikas 11:44

Aɗinu? ⌊Yawe Nug inam aum daatte.⌋ ‘Da am Yawe, ahilag Kayak. Da oppiaawak daattem amunu, ag dahilnu tituana meɗak daaglagnu hena, ag dahilnu, ag oppiaawak ele dayeg! Ag doɗ laa ag oolag wan qeeqe oitteb ele, ag amu aɗualadkkulag dayeb, ag da ele ouqa dayaknu elele iitta amunu, ag aib aɗualadppig.

Esekiel 20:5

Na ippunadna, na inam appe doyeg!” awa aum. Nug anam ana, Nug da ag amelagppa inam akkulnu tuɗitta aum. “Naɗi Yawe Nug inam atte. ‘Haen da Israel danab ah ag dahilad daaglagnu tituanadmi amu, haen amuppa da eppel humen, dahil nai ɠagattag qetten, da ag amelagppa, “Da am Yawe, da ahilag Kayak daattem,” ami. Ag Isip daaegeg, da amu ain, da diil ele ag ippunadmi.

Lewitikas 20:7

Da am Yawe, ahilag Kayak amunu, ag dahilnu tituana meɗak daaglagnu hena daan, ag dahilnu, oppiaawak dayeg!

Esekiel 20:7

Da amu hein, da ag amelagppa ami. “Ag anen anen oh ag kayak hambuppuak dottolkad, amu oh am uɗig wak ele amu, ag amu binalag mekkulagnu oolag okkai daatte ele amu, ag oh dottolkad amu agappeg ukkeg! Ag Isip dilag kayak hambuppuak dottolkad binalag meppeg, dubuttid nau ag oolagppa aib teum! Da am Yawe, ahilag Kayak.” Da anam ami.

Sam 33:12

Wan atunu danab ah ag ahilag Kayak am Yawe amu, ag itittak ena aoppig daatteb. Ao, danab ah aun aɗi Yawe Nug ag nuhikkudnab daaglagnu tituanattom ele amu, ag itittak ena aoppig daatteb.

Lewitikas 19:34

Ag amu dilagnu amu, ag akka ag ahilkad menuattak ena hadattebbia, ag anamib amu dilag hattan, ag akka ahilagnu oolag mauhtte bia, ahilagnu oolag mauhkkuoitte. Aɗinu? Ag ele am haen laa, Isip wanppa, wan laihnu danab ah daappig. Da am Yawe, ahilag Kayak.

Lewitikas 19:10

Amu grep meu awaknu ele aakku, grep muɗi eppegppanu ag baelag aɗu eɗun aib tuqappig, grep wanppa nena qeppig ele amu, ag aib aoppig. Grep meu, ee aeg amu ele uuppeg, daɗek dilag, wan laihnu danab ele, ahilagnu dayaɗ! Da am Yawe, ahilag Kayak.

Lewitikas 18:4

Da am Yawe, ahilag Kayak amunu, ag dahil ɗo iɗu iɗu dabmettan, pehettak dim lamidkkulagoitte.

Eksodas 20:2

“Da am Yawe, ahilag Kayak. Da ag Isip, ag appa begbeg maɗi nid daaegeg, da appanu diie, omalatti uɗippig.

Genesis 17:7

Da na, na buɗunad ele dilag Kayak daakkulnu, da heppi, nug tituana nai qakkak nai dahil, nai amu nahip-ppa, na buɗunad gemunu, dimppanu ele dilag haen oh daakku.

Lewitikas 18:1

Aria Yawe Moses amegppa aum.

Lewitikas 18:30

Amunu ag ɗo dahil dim lamidna autna aona, kobol da oolppa uuaknab doottem, danab ah wan amuppa daan hetteb ele amu, ag kobol amu laa aibnab heppig. Ag kobol amu laa heppeg, ag dahil neekkakppa dubuttid tak ele daaglagnu aib heppig. Da am Yawe, ahilag Kayak.” Yawe Nug anam aum.

Lewitikas 20:23

Am ag danab ah ag gemu wan amuppa daatteb ele, da heppi, ag Israel ag danab amu lamadkkulag. Ag kobol nau, da oolppa uuaknab doottem ele heppig amunu, da ag geɗadmi. Anam amunu, ag ahilag kobol am aib dim lamidna heppig.