Lewitikas 18:19 - Nobonob Baibel

¹⁹ Na aib ah laa kalam qeeqe, Kayak ele ouqa dayaknu elele iitta daatte amu, nug ele beɗuppa wanak hepiɗ.

Lewitikas 18:19 Referans Kwoze

Lewitikas 20:18

Am danab laa nug ah laa nug kalam qeeqe, nug ele beɗuppa wanak hekkulah dayeb, danab nug ah amu, nug Kayak ele ouqa dayaknu elele iitta dayeye, nug he, aa eheɗ hepiɗ, ah ele amu hekkulahnu ib oo ii neum amunu, aa Israel oolagppanu geɗittak daaglahoitte

Lewitikas 15:24

Am danab laa nug haen amuppa ah anam ele dayeye, nug ele niipeɗ, tiig laidkku dayeb amu, nug deɗ eblaih aɗit ele, Kayak ele ouqa dayaknu ele iitta daakku. Am niiak aben adekku danab nug amuppa niitte ele amu, niiak aben amu ele am Kayaknu neekkakppa dubuttid ele daakku.

Esekiel 22:10

Jerusalem danab ah, ag oolagppan danab laa ag mamelkad dilag ah ele niitteb, amu laa ag ah ag Kayak ele ouqa dayaknu elele iitta, ag kalam qak anidtteb ele, danab amu ag ah amu ele niitteb.

Esekiel 18:6

Nug kayak hambuppuak mettid lag nakok, nug appa ee ii lanana, nug Israel dilag kayak hambuppuak laa binag nakok laa ii mette. Nug layag wau ele ii niiyya, nug wau nug kalam qette haenppa ele ii niittep.

Lewitikas 15:19

Am haen ah nug kalam qette, nug geha Kayak ele ouqa dayaknu elele iitta, deɗ eblaih aɗit anam daakku. Aun laa nug haen amuppa beɗu lauɗidtte amu, nug Kayak ele ouqa dayaknu elele iitta dayeb ukkeb, tueb batakku.

Lewitikas 12:2

“Na Israel danab ah amelagppa nai imu appe doyeg!” awa aum. ⌊Nug anam a amu, Moses nug Israel amelagppa inam aum.⌋ “Ah laa nug oo ele daya, nug nid danab menutte amu, nug deɗ eblaih aɗit, nug kalam oɗe antta, Kayak ele ouqa dayaknu elele iitta daatte, amubia nid awak dimppa ele nug deɗ eblaih aɗit ele Kayak ele ouqa dayaknu elele iitta daakku.

Lewitikas 18:18

Na nahip ah makkegte, o appagte, na waat amge na waatnab iitta, na nug ele niiglahnu aib aome. Amge na waat nug mauhkku dayeb, na nug apag, o makkeg na waat daakkunu aokkut am nai iitta.

2 Samuel 11:4

Nug anam a, Dawit doyowa, nug nuhig ehanittak laala ag gona, ah amu omalna uɗilagnu he goppig. Nug he ukkaeg, ah ele oh uɗieg, Dawit nug ah amu ele niipiɗ. Ah amu nug ii uɗiom haenppa kalam qak nuhig male, nug Kayak ele ouqeya daaglahnu elele iitta daamanu, nug ahilag ɗo bia nug Kayak ele ouqa dayaknu elele daaglahnu babaittak oh ha malom. Dawit nug ah amu ele niioya, ah amu nug aha, eɗua nug laugppa ukkom.