Doɗ ag akka mauhtteb amu, ag aib lappig. Ag doɗ amu wan laihnu danab, ag uɗin, ahilkad aab adekkuppa, ag oolagppa daatteb madappeg lakkulag, o ag heppeg, wan laihnu danab ag daden mekkulagnu elele. Ag akka amu aib lappignu diig am, Yawe, ahilag Kayak, Nug ahilagnu, nuhignu tituanak daatteb anadtteb. Ag meeme nag, anignu huhppa aib badippig.
Lewitikas 17:15 - Nobonob Baibel15 Am nai keeke haknunab daatte imu am, Israel, wan laihnu danab ele, ahilag ohnu aakku daatte. Aun nug doɗ nug nukka mauhom, o nug doɗ layag laate qe mauhom, amu lakku dayeb amu, nug lamen nuhig ihalatta, le ele laakkuoitte. Amu nug aakku Kayak ele ouqa dayaknu elele iitta dayeb ukkeb, tueb meeb batakku. Amu dimppa nug am Kayaknu neekkakppa dubuttid iitta daakku. Gade chapit la |
Lewitikas 17:15
22 Referans Kwoze
Yawe Nug anam a, da ami. “O Naɗi Yawe, da amu hekkulnu ool ii daatte. Ee lanak dahilppa da deɗ laa eheɗ heinne, ee nahip neekkakppa dubuttid tak ele ii lami. Da amu helom amu, nahip neekkakppa da dubuttid tak ele daalom. Da nid bauppan digmak uɗie, gemu batak amu, da doɗ laa nukka mauhom, o doɗ laa layag dakkuɗ qe mauhom amu, da teppu amu nakok laa ii lami. Da doɗ ii lanaknu epeɗiak daattenu teppu laa ii lami. ⌊Da amu ii lami amunu, da ee danab dilag biiak qaɗaiettakppa manak ele lakkulnu amu, da uug nau doottem. Da uug doottem amunu, na da anam hekkulnu ii amananu oɗ medattem,⌋” awe ami.
Israel danab ah ag ɗo imu alet hanhan dim lamidkkulagoitte. Danab nug le, amuam le heeb, danab nug da, Yawe, da ele ouqa dayaknu elelenu le, nug le amu tauɗtte amu, nug ele lamen nuhikkud mihakku; amu aun nug le amu, amuam le heeb danab nug da Yawe, da ele ouqa dayaknu elelenu le amu, nug amu aɗatte amu, nug geha da ele ouqa dayaknu elele iitta dayeb ukkeb, tueb meeb, nug da ele ouqa dayaknu elele daakku.
Am danab nug da ele ouqa dayaknu elele daatte amu, nug deɗ ewamppa, amu deɗ eblaih aɗitppa ele, nug danab nug da ele ouqa dayaknu elele iitta, nug nug le amu tauɗ qedakku. Nug anam heeb ukkeb, deɗ eblaih aɗitppa nug nug tauɗ qetteb, nug da ele ouqak dayaknu elele daakku. Danab nug da ele ouqa dayaknu elele bette amu, nug lamen iha, nug le layowa, tueb amu nug da ele ouqa dayaknu elele daakku.
Haen doɗ amunu laa mauha, na qa, keeke laa qaɗeppa teeb, keeke amuppa aɗi laa haknu daatte amu, keeke amuam Kayaknu neekkakppa dubuttid ele daatte. Amuam genab, keeke lamenppate, o lamen heɗiag eleppate, o doɗ gaɗappate, o iitta ad gaɗappate hak, amu ohppa anam daakku. Keeke amu le ooppa mekkulag. Keeke amuam Kayaknu neekkakppa dubuttid ele dayeb ukkeb, tueb batakku. Anam hak dimppa, keeke amu nug Kayak nuhig neekkakppa dubuttid iitta dayebeb, amu baula uɗatab mettaglagnu elele.
Piblisite