Lewitikas 16:33 - Nobonob Baibel

³³ nug mana mettak Kayak medatta, Oo Gunnab Elenu, mettid haknu peh lag danab ah appa qagmetteb ele, lag amunu, qaɗabnu, mana mettak danab dilagnu, Israel danab ah oh dilagnu ele, nug ahilag eheɗ haknu nob nau iitta meeb elele medakkunu doɗ tiigppa hekku.

Lewitikas 16:33 Referans Kwoze

Lewitikas 16:16

Ib amuppa, mana mettak danab nug doɗ amu mana, Kayak medatta, nug heeb, Oo Gunnab Ele am Kayaknu neekkakppa oppiaawak daakku. Nug amu hekkunu diig am, Israel danab ag Kayak ele ouqa dayaknu elele iitta, ag hipunin henana, nai tappe nak ele hetteb amunu, ag aɗi aɗi hipunin heppig, nug amunu amu hekkuoitte. Aria, nug mettid haknu peh lag danab ah appa qagmetteb ele, nug lag amunu ele anamib hekku. Israel ag Kayak ele ouqa dayaknu elele iitta daaegeg, lag amu ag oolagppa daatte amunu, nug anam hekku.

Lewitikas 16:24

Nug aben Kayaknu tituanak daatte eleppa beɗu kunum oh le laakku. Hewowa, nug eɗua lamen nuhig laa takka, dimittim uɗia, nug manaknu ofa nuhig hewowa, nug manaknu ofa danab ah dilag hekku. Amuppa, Aron nug doɗ amu mana, Kayak medatta, eheɗ haknu nob nau nuhignu, danab ah dilagnu ele tiigppa iitta meeb elele medakkunu hekku.

Lewitikas 16:6

Am Aron nug eheɗ haknu nob nau doɗ tiigppa iitta meeb elele medakkunu hak kobol nuhignu, nug baekkudppa dilagnu ele ha, nug makau gaiɗ amu ib etta hipunin haknu ofa daakkunu mana, Yawe medakku.

Lewitikas 16:11

Amu Aron, nug makau gaiɗ amu, nuhig ib etta hipunin haknu ofa daakkunu, nug amuppa nuhignu, nug baekkudppanu ele dilag eheɗ haknu nob nau doɗ amu tiigppa iitta meeb elele medakkunu hekku amu, nug doɗ amu awa doa, baag otaɗeb mauhkku.

Esekiel 45:18

Amu Naɗi Yawe Nug inam atte. “Maɗ ohppa, kalam digmakppa, kalam amunu deɗ digmakppa amu, Israel dilag okkai nug makau gaiɗ laa, makau amu beɗuppa eheɗ laa ii daatte ele amu, nug doɗ amu mana, da meɗakku. Mana mettak amuppa amu dahil mettid lag am oppiak daakku.

Lewitikas 23:28

Ag deɗ amuppa uɗat laa iinab hemana. Amunu diig am, deɗ amuam Eheɗ haknu nob nau tiigppa iitta meeb elele medakkunu deɗ okkai. Deɗ amuppa mana mettak danab nug Yawe, ahilag Kayak, nug Nug noobppa, ahilagnu eheɗ haknu nob nau tiigppa iitta meeb elele medakkunu kobol hekku.