Lewitikas 16:31 - Nobonob Baibel

³¹ Deɗ amuam sabat deɗ, am hik awaknu deɗ; ag geha deɗ amuppa ee ohnu kud mena daaglagoitte. Ɗo imu amu, ahilagnu hanhan daakku.

Lewitikas 16:31 Referans Kwoze

Lewitikas 23:32

Deɗ amuam sabat deɗ, am hik awaknu deɗ. Amu ag deɗ amuppa, ag akka onilag qeppeg nekkuoitte. Sabat deɗ amu, am kalam ebqak eblaih aɗit ele, kalam amunu deɗ eblaih waɗeleppa, tueb digmeeb ukkeb, deɗ eblaih tanig eleppa tueb batakku,” awa aum.

Aisaia 58:5

Ee lanak kud waappa dayaknu deɗ am beɗu dimittimnuib danab nug nukka onig qe naknu deɗte? Deɗ amuam danab nug qao bia duug qiieb nob, lamen heɗiag ele, amu uhuɗ ele attan niikkunu deɗ aakkuibte? Danab nug anam hette amu, kud mak amuam kud mak genabte? Da Yawe, da kud mak deɗ laippu anamnu ool hettete? Iitta!

Aisaia 58:3

Ag amu henana, ag da amelppa atteb. ‘Aɗinu ig ee ohnu kud meta daattem, amge na ii anigttem? Ao, aɗinu ig ikka, ig oninig qeut nette, amge na amunu dabmak nakok laa ii aottem?’ Ag, ag anam atteb, amge ⌊gadon, ag kaliak nau hetteb. Deɗ ag ee ohnu kud mena daatteb amu, deɗ amuppa ag dimittimnuib, da anidkkulnu hetteb⌋. Ag ee oh lamananu genab kud daatteb, amge keeke laa ag oolag hette ele, ag amu hetteb. Ag amu henana, ag ahilkad maɗi nid maɗi ah ele eheɗ hattana, uɗat huanak madatteb.

Lewitikas 25:4

amge maɗ eblaih aɗit ele, amuppa amu wan uuppeg, wan am sabatnu hik awak, anambia daakkuoitte. Sabat bia dayak, amuam Yawe binag awaknu. Ag maɗ laippu amuppa amu, ag aib keh eppaladnan, o grep dadppa grep muɗi ele bappaladppig.

Eksodas 35:2

Mettid oh amu, ag deɗ eblaih laippu ele uɗat hekkulag, amge deɗ ebqak eblaih aɗit ele amu, amuam deɗ Yawenu tituanak daakku. Am Sabat deɗ, am hik awaknu deɗ, Yawe Nug deɗ amunu, nuhignu tituanak daatte anidtte. Danab aun nug deɗ amuppa uɗat hekku amu, ag nug qeppeg mauhaɗ!

Eksodas 31:15

Mettid oh ag deɗ eblaih laippu ele uɗat hekkulag, amge deɗ ebqak eblaih aɗit ele amu, amuam Sabat deɗ, am hik awaknu deɗ. Sabat deɗnu amu, da, Yawe da deɗ amunu, dahilnu tituanak daatte anidttem. Danab aun nug Sabat deɗppa uɗat hekku amu, ag nug qeppeg mauhaɗ!

Esra 8:21

Ido aɗi ag anam heeg, ig gokkunignu daamut ele, ig le ippu danab heeg, Ahawa gotte ele daugppa daatta, ig ihinig Kayak noobppa, ig ikka ig oninig qepput nekkunu, ig Nug ehanikkeb, ig, ig bekkankad ele, ig ihinig keeke maot, ig ibppa ena oignignu oɗ mettagnignu amu, da ig oh ee ohnu kud meta daat, ig Kayak unuqidkkunignu nai ag mattami.

Daniel 10:12

Nug anam mattie, da hibaitten daai, nug tuɗitta aum. “Daniel, na aib baɗame. Aɗinu? Na digmena, diignu doyak tutukku aokkutnu henana, na nakka na nahip Kayak noobppa na onin qee neum, deɗ amuppanab Kayak Nug nahip unuqittak doya he, da ehanidkkulnu uɗikkulnu hemi,