Lewitikas 16:21 - Nobonob Baibel

²¹ Nug eppeg aɗit oh meeme igippa ma, nug hipunin ohnu, amu Israel danab ah dilag nai tappe nak amunu ele miagib madikku. Amuppa, nug geha danab ah dilag hipunin amu meeme igippa mekku. Nug anam hewowa, meeme amu, danab laa otippig ele, nug eppegppa meeb, nug awa atu taɗakppa appa gokku.

Lewitikas 16:21 Referans Kwoze

2 Korint 5:21

Kristus Nug eheɗ laa ii heum amge Kayak he, Nug ihinig mana mettak dayeye, Kayak Nug hipunin ihinig oh awa, laippu qagma Nug qaɗeppa me, Nug mawom. Anam amunu, gemu Kayak Nug Kristusnu uɗat okkaippa ig anikka, ihinignu, “Genab tutukku hak danab,” awa akkunu elele.

Aisaia 53:6

Ig danab ah oh ig sipsip matatun gona, padal metteb, ig amubia ib apiɗidta, matatut gomut. Ao, ig anen anen oh ig ihinig dabmak dim lamidkkunignu hemut. Ge, ig anam hemut, amu Yawe Nug ig danab ah oh, ihinig hipunin amu, Nug nuhig maɗi nid, nug amu maokkunu nuhigppa meum.

Sam 51:3

Aɗinu? Da hipunin hemi amu, da doottem. Yo, da hipunin hemi amu, da amu daul atikkunu elele iitta.

Esra 10:1

Amu Esra nug Kayak laug odppa dup noa, gateg qaun o, gomela, iɗu wanppa ma, gayaya dayeye, nug unuqittatta, nug Kayak amegppa Israel dilag hipunin miagib mattia doyeye, Israel danab, ah, nid, nid ahin ele kuɗumnab uɗin qagmena, nug talilidna daappig amunu, ag ele huana gaappig.

Rom 10:10

Amunu diig am, danab nug nuhig oo unuqagppa ⌊Jesusnu⌋ ooppa genab dootte, amuppa ⌊Kayak he,⌋ nug genab tutukku hak danab daatte. Ge, danab nug oɗeppa nuhig ooppa genab doyaknu maditte, amu ooppa genab doyak amuppa Kayak Nug danab amu eɗua aotte.

Prowerb 28:13

Aun nug hipunin nuhig tonatte, nug ena ii daama; amge aun nug hipunin nuhig miagib mattia dimadatte amu, Kayak Nug danab amunu oo gai-iitta doyaya, oo metta, ehanidtte.

Sam 32:5

Da anam hei ukke, deɗ laa da hipunin dahil mehuqe, amenppa oh miag ami. Da kobol nau dahil ii lokkummi. Da oh miagib mattien, na Yawe, na amenppa ai, na hipunin dahil uhuqna meɗae, da oolppa aab dayom am iitta meum. Sila.

Lewitikas 26:40

Dahilad danab ah ag da oɗel ii dim lamidkkulag dayeb, ag dahilnu, ‘Ihinig kekeɗ,’ dooglag dayeb, diig amunu da ahilagnu ele, ‘Dahil kekeɗ’ dookkul amunu, da heppi, ag ahilkad kekeɗ dilag wanppa gona daaglag. Anam bekku dayeb, dimppa haen kekeɗ ag ag onilag qeppeg neebeb, dahilad ag ahilag hipuninnu bu elele aona, amu ag ahilag hipunin amu, ag mamelkad aɗi ele dilag hipunin, amuam ag da kekeɗ meɗan, da ippunadminu oo metta ii uuak kobol ii dim lamidppig ele, ag hipunin amu miagib madippeg amu,

Eksodas 29:10

Na amu oh hena, na makau gaiɗ main, da meɗakkutnu daatte amu, na makau amu aon, dahil mettid haknu peh lag danab ah appa qagmetteb ele, ag lag amu odppa doppeg, Aron, nug bekkod ele ag eppelag makau igippa meig!

Lewitikas 5:5

Amunu aun nug ib amu ohppanu ib laappa hipunin heeb, beɗuppa aab ele daakku amu, nug hipunin miagib madikkuoitte.

Lewitikas 1:4

Nug amu hewowa, nug eppeg doɗ makau dawai igippa meeb, Yawe Nug doɗ amunu, am danab amu ou daatte antta aokku. Yawe Nug antteb, haen mana mettak danab nug doɗ amuppa mana mettak hette amu, danab amunu eheɗ haknu nob nau doɗ amu tiigppa iitta meeb elele medakku.

Lewitikas 16:20

Aron nug Oo Gunnab Ele, mettid haknu peh lag danab ah appa qagmetteb ele, qaɗab ele Kayaknu neekkakppa oppiaawak daaglagnu keeke oh ha mala amu, nug meeme bau daatte awa, qaɗab guguitta wakku.

Lewitikas 16:22

Meeme nug danab ah dilag hipunin oh amu mawa, atu taɗakppa, appa gokku. Mawa ukkeb, danab nug appa uuitteb oikku.