Lewitikas 16:20 - Nobonob Baibel

²⁰ Aron nug Oo Gunnab Ele, mettid haknu peh lag danab ah appa qagmetteb ele, qaɗab ele Kayaknu neekkakppa oppiaawak daaglagnu keeke oh ha mala amu, nug meeme bau daatte awa, qaɗab guguitta wakku.

Lewitikas 16:20 Referans Kwoze

Esekiel 45:20

Amu kalam amunu deɗ eblaih aɗitppa ele Israel dilag okkai nug digmakppa heum bianab eɗua, danab o ah nug ii doyaya, hipunin heumte, o nug ɗo ii doya hipunin heumte, nug aakku hipunin heum amunu, nug eɗua, beɗuppa aab iitta daakkunu nug anam hekku. Amu ib amuppa ag heppeg, da laul am dahil neekkakppa oppiaawak daakku.

Lewitikas 16:16

Ib amuppa, mana mettak danab nug doɗ amu mana, Kayak medatta, nug heeb, Oo Gunnab Ele am Kayaknu neekkakppa oppiaawak daakku. Nug amu hekkunu diig am, Israel danab ag Kayak ele ouqa dayaknu elele iitta, ag hipunin henana, nai tappe nak ele hetteb amunu, ag aɗi aɗi hipunin heppig, nug amunu amu hekkuoitte. Aria, nug mettid haknu peh lag danab ah appa qagmetteb ele, nug lag amunu ele anamib hekku. Israel ag Kayak ele ouqa dayaknu elele iitta daaegeg, lag amu ag oolagppa daatte amunu, nug anam hekku.

Revelesen 1:18

Da am laa bauklel hanhannu ele daattem. Da mauhmi, amge antte! Da bau daattem; gemu, hanhan ele. Amu danab mauhppig ele, da ahilag okkai daakkulnu onil ele.

Hibru 7:25

amunu, Nug danab ag nuhigppa Kayak gukkuidna watteb ele, Nug ag eɗua diieb, bauklel hanhan daaglagnu elele. Aɗinu? Nug hanhan ahilagnu Kayak unuqidkkunu bauklel daatte.

Kolosi 1:20

Kayak Nug wanppan keeke oh, hab aabppanu keeke oh ele heeb, ag Nug ele oolag laippu daaglagnu oo dayom. Anam oo dayom amunu, Nug Kristus ad emaitakppa mauhehe, tiig gokkaɗe, Kristus tiigppa amu Nug nuhikkud kekeɗ oh amu ebehilag okkule, maɗoɗ daatte.

2 Korint 5:19

Amu nai ihinig amu iikku. Kayak Nug Kristusnu uɗatppa danab ah oh ele oolag laippu daaglagnu ib babaitta, Nug ag ahilag hipuninnu nob madakkunu ii dabmeum. Aria Nug he, danab ah ag Nug ele oolag laippu bekkulagnu ib babaittak daatte, Nug nai amu mehuqaknu uɗat amu ig mekke hettem.

Rom 8:34

Aun nug danab ah amu hipuninnu nob nau aoglagnu akku? Auntai, laa iitta. Aɗinu? Jesus Kristus Nug nukka aakkuib mauhowa, Nug eɗua hibaitta, gemu Nug hab aabppa Kayak eppeg naɗiap-ppa dayaya, ihinignu Kayak unuqidtte.

Rom 4:25

Kayak Nug Jesus me uɗia, ihinig hipunin uhuqa megakkunu mauhom, amu ⌊ig Nug eɗua hibaittom anidta, nuhignu oonigppa genab doopput,⌋ Kayak Nug ⌊amuppa⌋ ihinignu, “Genab tutukku hak danab,” akkunu Nug he, Jesus eɗua hibaittom.

Lewitikas 8:15

Ag eppelag igippa meeg amu, aria Moses makau dawai amu baag otaɗom dimppa, qaɗab oppiak ele daakkunu, Moses nug eppeg doɗo makau amunu tiigppa me no awa, manaknu ofa haknu qaɗabnu qeqeɗi waɗele ohppa meum. Amu tiig laih dayom amu, nug amu oh qaɗab diigppa gokkaɗom. Amunu Moses nug ib amuppa tiigppa he, qaɗab am Yawenu tituana mettak daya, Yawenu neekkakppa oppiaawak dayom.

Lewitikas 6:30

Amge mana mettak danab nug doɗ laa ib etta hipunin haknu ofa daattenu tiig awa, mettid haknu peh lag danab ah appa qagmetteb ele, nug tiig amu awa, lag amu ooppa Oo Gun Eleppa ukka, mana mettak amu tiigppa nug eheɗ haknu nob nau doɗ tiigppa iitta meeb elele medakkunu hette amu, laa nug doɗ amu teppu nakok laa iinab lama. Teppu amu manappeg, ewa iitta mekkuoitte.

Lewitikas 16:19

Israel ag Kayak ele ouqa dayaknu elele iitta amunu, qaɗab amu oppiaawak daakkunu, Kayaknu tituana mettak daakkunu amu, nug eppeg doɗo tiigppa meeb noob awa, nug haen eblaih aɗit qaɗab attan tauɗ qedakku.

Lewitikas 16:21

Nug eppeg aɗit oh meeme igippa ma, nug hipunin ohnu, amu Israel danab ah dilag nai tappe nak amunu ele miagib madikku. Amuppa, nug geha danab ah dilag hipunin amu meeme igippa mekku. Nug anam hewowa, meeme amu, danab laa otippig ele, nug eppegppa meeb, nug awa atu taɗakppa appa gokku.