Lewitikas 16:14 - Nobonob Baibel

¹⁴ Nug anam hewowa amu, nug eppeg doɗo makau gaiɗ amunu tiigppa meeb noob awa, Tituanak Nainu Kunup ameg, ameg amuam eheɗ haknu nob nau tiigppa iitta me elele medatte ippunadtte amu, nug ameg amu noobppa tauɗ qedakku. Nug anam hewowa amu, nug haen eblaih aɗit tiig amu aben Tituanak Nainu Kunup ameg noobppa daatte, aben amuppa tauɗ qedakku.

Lewitikas 16:14 Referans Kwoze

Hibru 9:25

Maɗ ohppa wan imuppa mana mettak ikki danab nug doɗ tiilag awa, lag Oo Gunnab Ele, aben amuppa qaɗabppa tauɗtte. Tiig amuam, nug tiig iitta, am doɗ tiilag. Wan imuppan mana mettak ikki danab, ahilag uɗat am anam, amge Jesus Nug amubia ii heum. Iitta. Nug nukka Nug beɗu mana mettak bia Kayak mettom amu, Nug kobol amu he, haen kuɗum hekkunu ii daatte, laippuib heum.

Hibru 9:13

Am inam bia. Ɗo alagppa danab ag Kayak ele ouqak daaglagnu elele iitta daappig amu, mana mettak danab ag meeme tiilkad, makau dawai tiilkad, amu makau balat manaeg, uhuɗ meum ele amu, ag tiig, uhuɗ amu ele aon, danab Kayak ele ouqak daaglagnu elele iitta amu qaɗelagppa tauɗeg, Kayak amegppa danab amu ag beɗulagib oppiaawak daappig,

Hibru 10:4

Aɗinu? Makau dawai, meeme ele amu, ag tiilkad am hipunin uhuqkkunu elele iittanab.

Hibru 9:7

amge mana mettak ikki danab, nugib am lag oo makkulak ooppanab, amuppa hipunin nuhig amu danab oh dilag ele doɗ tiilagppa mana mettak hekkunu maɗ laippu ooppa, haen laippuib noa hettom. Nug hamu iinab nottom. Iitta! Nug doɗ tiig awa ele gottom.

Lewitikas 8:11

Nug qaɗab haen eblaih aɗit ele tauɗ qedatta, qaɗabppan keeke oh, lenu tappiɗ, nuhig balal, baeg ele tauɗ qattom. Nug anam ha, nug keeke amu oh goɗen gokkaɗakppa tituanak haaha, nug Yawenu tituana mettak daaglagnu anam heum.

Lewitikas 4:17

Nug noa, eppeg doɗo meeb, tiig ooppa nob, taula awa, nug haen eblaih aɗit ele Yawe noobppa Oo Gun Ele, Oo Gunnab Ele makkulaknu lamen guguittak tauɗ qedakku.

Hibru 12:24

Amu ag Jesus, Nug am gamag danab, Nug nug tituana nai qakkak bau heum daatte ele amu, ag nuhigppa wappig. Kain nug Abel qe mauhom, haen amuppa Abel tiig neum, amunu nob nau mak dayom, amge Jesus ehanigkkunu he, Nug tiig neum amu, ag amuppa wappig.

Hibru 10:19

Amunu O lailad, ig Jesus tiigppa Kayaknu mettid lag Oo Gunnab Eleppa gokkunignu ib babaittak daatte; ig baɗak iitta nokkunignu elele.

Hibru 9:21

Anamib nug tiig amuppa Kayaknu mettid haknu peh lag tauɗ qetta, uɗat lag amuppa hetteb ele, amunu keeke naunau laa oh ele tauɗ aqattom.

Lewitikas 16:19

Israel ag Kayak ele ouqa dayaknu elele iitta amunu, qaɗab amu oppiaawak daakkunu, Kayaknu tituana mettak daakkunu amu, nug eppeg doɗo tiigppa meeb noob awa, nug haen eblaih aɗit qaɗab attan tauɗ qedakku.

Namba 19:4

Anam amu, mana mettak danab Eleasar nug tiig laa eppeg doɗoppa awa, nug haen eblaih aɗit ele tauɗeb, laih mettid haknu peh lag danab ah appa qagmetteb ele, lag amu ameg odppa gokku.