Lewitikas 16:13 - Nobonob Baibel

¹³ Appa Yawe noobppa, nug kalu ile muttuɗig enanag bette ele amu ottag attan meeb, amu kalu danab ile muttuɗig enanag bette ele kahug amu ba, Tituanak Nainu Kunup kontrak inak ele ameg, ameg amuam eheɗ haknu nob nau tiigppa iitta me elele medatte ippunadtte, Kayaknu tituanak nai tonatte amu, am ameg amu hautkku. Nug nai imu dim lamidkku dayeb amu, nug ii mauhma.

Lewitikas 16:13 Referans Kwoze

Eksodas 25:21

Anam dayebeb, da na men maha aɗit ɗo nai yaak niitte ele amu, da na amu medappi, na Tituanak Nainu Kunup ooppa inatna, ameg qeppe dayaɗ!

Eksodas 30:1

Yawe Nug anam anana, Nug baula ele inam aum. “Ag ad akasia aon, qaɗab laa, amuam kalu muttuɗig ena ele manaknu qaɗab, ag amu ele heig!

Hibru 9:24

Amuam Kristusnu mauhakppa beum. Kristus Nug Kayaknu mettid lag ooppa, danab ag eppelagppa heppig ele, Nug amu ooppa ii noum. Iitta! Nug hab aabppanab ukkom amunu, gemu Nug Kayak noobppa miag atia teum dayaya, danab ig ehanikkakka daatte.

Hibru 7:25

amunu, Nug danab ag nuhigppa Kayak gukkuidna watteb ele, Nug ag eɗua diieb, bauklel hanhan daaglagnu elele. Aɗinu? Nug hanhan ahilagnu Kayak unuqidkkunu bauklel daatte.

Namba 16:46

Anam heya amu, Moses, Aron amegppa aum. “Na bras tappiɗ nahip aon, kalu danab ile muttuɗig enanag bette ele amu ooppa inan, qaɗabnu aab ele aon, pahanab Israel danab ah daattebppa gona, eheɗ haknu noob nau amuppa iitta mekkunu na amu he! Aɗinu? Yawe Nug ahilagnu oppoɗi huana be, Nug he, oɗe nau danab kuɗum aqe mauhtteb ele aakku digma, aqe mauhtteb. Laa mauhmananu amu, na amu he!” awa aum.

Namba 16:18

Moses nug anam aum amunu, buttua danab anen anen ag bras tappiɗ ahilkad akkan, aab aɗu, amu kalu danab ile muttuɗig enanag bette ele amu inadna, ag, Moses, Aron ele oh mettid haknu peh lag danab ah appa qagmetteb ele, lag amu odppa, appa hippaidna daappig.

Lewitikas 22:9

Mana mettak danab ag aɗi kobol hekkulagnu daatteb, ag amu dim lamidkkulagoitte. Ag ii dim lamidkkulag dayeb amu, ag amunu hamu bia dooppeg, ag beɗulagppa aab dayebeb, mauhkkulag. Ag mauhmananu, na ag nau aomnanu dabmettaknu nai imu appe, mana mettak danab oh ag nai imu tutukku dim lamitteg! Da am Yawe, da hei, ag dahilnu, oppiaawak ele daatteb.

Eksodas 28:43

geha haen Aron nug bekkod ele ag dahil mettid haknu peh lag danab ah appa qagmetteb ele, ag amu ooppa nokkulag, o ag dahil qaɗab gukkuidna, lag Oo Gun Eleppa dahil ɗo maɗoɗnu uɗat hekkulagnu gokkulag amu, ag beɗulagppa aab iitta daaglagnu, da heppi mauhmananu amu, ag trosis ahilag, amu lamen laa oh waappa meig! Ɗo amuam hanhan anam dayebeb, Aron buɗub ele ag anamib heig!” awa aum.

Namba 4:15

Aria, Aron, bekkod ele ag qaɗab, balal keeke, amu keeke naunau oh dahil mettid haknu peh lag danab ah appa qagmetteb ele, ag peh amu ooppanu keeke Yawenu tituanak daatteb amu hautna malappeg, haen danab ag gokkulagnu bappaidna daanna, amu Kohat buɗubppan danab ag keeke mawadkkulag. Amge ag tuqai aakkuib aɗaglag. Ag keeke dahilnu tituanak daatteb amu iinab lauɗidmana. Ag lauɗidna amu, ag mauhkkulag. Amu Kohat buɗubppan ag keeke amu, mettid haknu peh lag ooppanu mawadkkulagnu daatte.

Duteronomi 33:10

Lewi buɗub ag nahip oo yaak nai ɗo bia Jakop buɗub ippunadtteb. Yo, ag Israel ɗo nahip ippunadtteb. Ag am kalu danab ile muttuɗig enanag bette ele na noomppa ilatteb. Ao, ag manaknu ofa kunum nahip qaɗabppa manadna medatteb.