Lewitikas 15:29 - Nobonob Baibel

²⁹ Am deɗ eblaih ewamppa, ah nug uppuɗil beɗulag nakok aɗit, o nug uppuɗil beɗulag okkai nag aɗit diiata, mana mettak danab toppa, mettid haknu peh lag danab ah appa qagmetteb ele, nug lag amu odppa wakkuoitte.

Lewitikas 15:29 Referans Kwoze

Lewitikas 15:28

Am haen ah amu nug leppu nak nuhig maleb amu, nug deɗ eblaih aɗit anam ameg mak daakkuoitte. Amu dimppa, nug Kayak ele ouqa dayaknu elele daakku.

Lewitikas 15:30

Am mana mettak danab nug ai laappa ib etta hipunin haknu ofa hekku, laa amu nug manaknu ofa hekku. Ib amuppa, mana mettak danab nug Yawe noobppa heeb, leppu nak iitta meum, amunu dubuttid ah amuppa daatte Kayaknu neekkakppa iitta mekkunu hak elele medakku,” aoya apiɗ.

Lewitikas 9:1

Baɗ awak dimppa, deɗ eblaih ewam amuppa, Moses nug Aron, nug bekkod, amu Israel dilag ikki danab ele onilagppa e uɗin, qagmeppig.

Lewitikas 12:6

Nid danabte, iitta nid ahte menuak, nug amunu Kayaknu neekkakppa oppiak daakkunu haen dob, amu ah nug sipsip gaiɗ maɗ laippu awak ele, manaknu ofa hekkunu awa, amu uppuɗil beɗulag okkai nag, o iitta uppuɗil beɗulag nakok laa, nuhig ib etta hipunin haknu ofa daakkunu ele awa dokkuoitte. Nug nuhig mana mettak amu, mana mettak danab toppan mettid haknu peh lag danab ah appa qagmetteb ele, nug lag amu odppa awa wakkuoitte.

Lewitikas 12:8

Am ah laa nug sipsip laa awa dokkunu elele iitta dayeb amu, nug uppuɗil beɗulag nakok aɗit, o uppuɗil beɗulag okkai nag aɗit awa dokkuoitte. Laa amu manaknu ofa haknu, laa amu ib etta hipunin haknu ofa daakku. Ib amuppa, mana mettak danab nug doɗ amu mana, Yawe metta, nug heeb, ahnu eheɗ haknu nob nau doɗ amu tiigppa iitta meeb elele medakku, amu ah amu nug Yawenu neekkakppa oppiak daakku,” awa aum.

Lewitikas 15:14

Am deɗ eblaih ewamppa amu, laa amu nug uppuɗil beɗulag nakok aɗit, o nug uppuɗil beɗulag okkai nag aɗit diia uɗikkuoitte. Nug diia uɗia, mettid haknu peh lag danab ah appa qagmetteb ele, nug lag amu odppa Yawe noobppa uɗia, nuhig mana mettak amu, mana mettak danab meɗakkuoitte.

Namba 6:10

Anam amunu deɗ eblaih ewamppa amu, nug uppuɗil beɗulag nakok aɗit, o uppuɗil beɗulag okkai nag aɗit diiata uɗia, mettid haknu peh lag danab ah appa qagmetteb ele, nug peh amu odppa, mana mettak danab medakku.

Matyu 21:12

Anam amu, Jesus Nug Kayaknu mettid lag nuhig tomppan keeke oh ele ooppa noa, Nug danab appa mana mettaknu keeke dadennu maadppig, laala daden meppig ele, Nug ag oh lamattom. Appan danab laala ag men doɗo baolippig ele amu, Nug ahilag balal huma awe, ukka na qe, am laala ag uppuɗil beɗulag nakok maatteg daden maadppig ele, Nug ahilag dayak aben ele huma awe, ukka na qeum.