Lewitikas 14:48 - Nobonob Baibel

⁴⁸ Mana mettak danab nug deɗ eblaih aɗitppa nug gililppa aben gi qak anidkkunu ukka, anam anidkku dayeb amu, nug anam aakku hekkuoitte. Amge simen laittak dimppa, mana mettak danab nug eɗua ukka, lag amu gililppa gi qak amu ⌊baula ii beum,⌋ aben laih ⌊ele⌋ ii ukkom anidkku dayeb amu, nug lag amu aakku Kayaknu neekkakppa dubuttid iitta akku. Aɗinu? Gi, oɗe gaɗa nau bia, keeke laa aɗa he nauhtte ele amu, gi amu aakku iitta meum.

Lewitikas 14:48 Referans Kwoze

1 Korint 6:11

Anukka ag oolagppa laala amubia oittappig, amge Kayak Nug he, hipunin ahilag iitta meum. Nug he, ag oppiaawak daatteb. Kayak Nug he, ag genab tutukku hak danab ah daatteb. Ihinig Kayak Nug amu oh Naɗi Jesus Kristus onigppa, amu nuhig Ouɗippa ele heum.

Luk 7:21

Haen amuppanab Jesus Nug danab ah kuɗum ag oɗe digdig ele amu he ena daaegeg, Nug ouɗi nau kuɗum lamattatta, ameg gaɗuak kuɗum Nug he, ag amelag oppate ag neegppig.

Mak 5:34

Nug anam a amu Jesus Nug aum. “O aɗel, na ootppa genab doome amunu, oɗe nahip iitta meum. Na maɗoɗ ele ukke! Na oɗe amunu guittak baula ii doomna,” awa aum.

Mak 5:29

Lauɗitte amu nuhig tiig nak oɗe laippun iitta me, nug amu doye,

Hosea 6:1

⌊Amu Israel ag oolag unuqagppanu da aniɗna dim lamiɗkkulagnu mattiɗna, ag akka akka akkulag.⌋ “Ahappeg, ig eɗut, Yawe waappa daatu! Aɗinu? Nug ig doɗ layag beɗu pattiɗe, huppu naunau nette bia guittak okkai naɗi mekkom, amge Nug heeb, ig ena daagnig. Genab, Nug ig bu iqe, beɗunkad ihi mettom, amge Nug ig ihinkad nau bappaidkku.

Job 5:18

Aɗinu? Kayak Nug danab bu mette, ihiud medatte, amge dimppa Nug ihiud amu itatte. Ge, Kayak Nug danab bu mette, ihiud medatte, amge Nug he, ihiud qaɗaiedatteb.

Lewitikas 14:3

Am laa nug gaɗa oɗe nau ele, nug haen tutu dayaknu aab kalak dimittim, aben amuppa ukkeb amu, mana mettak danab nug appa ukka, pehetta itala anidkku. Am mana mettak danab nug danab amu, nug beɗuppa gaɗa oɗe nau amu iitta meum antta amu,

Lewitikas 14:43

Amge keeke amu oh hak dimppa gi qak amu baula lag amuppa bekku dayeb amu,

Lewitikas 14:47

Aun aɗi ag lag amuppa daanna niitteb, o ee latteb ele, ag lamen keeke ahilkad ihaladkkulagoitte.

Lewitikas 14:49

Mana mettak danab nug lag amu heeb eɗua, Kayaknu neekkakppa oppiak ele daakkunu amu, nug heeb, laa nug ai aɗit, ad sida maha laala, muɗi kokoɗnab maha, amu hisop ad eppeg ele medakku.