Lewitikas 14:42 - Nobonob Baibel

⁴² Anam hewona amu, ag men baula men tatamnu amu abenppa mekkulagnu aon mewona, ag gilil qaɗeppa simen gililppa laittaknu laidkkulagoitte.

Lewitikas 14:42 Referans Kwoze

2 Timoti 2:2

Am nai oh dahil, da danab ah kuɗum noolagppa mattiyi doome ele amu, na danab diilag ena ele, ag am oɗe dim lamittak danab, ag laa nai amu ippunadkkulagnu elele amu, na ag amelagppa madippe doyeg!

Sam 101:6

Da danab ah ag Yawenu oo metta ii uuak kobol dim lamidtteb ele, da ag ele ihinig wanppa daagnignu ag atognoadkkul. Da heppi, laa ag Kayaknu neekkakppa oolagppa kaliak laa iitta ele amu, ag da gumiɗna daaglagnu elele daaglag.

Josua 24:15

Anam, amge ag Yawe waappa daan, Nug oɗe dim lamidkkulagnu oolag ii daatte dayeb, ag gemu aun dim lamidkkulagnu amu dabmak aweg! Ag mamelkad aɗi Mesopatemia daanna, kayak laala waalagpa daan, oɗe dim lamidppig, amute, o iitta, Amo danab, wan ag amuppa gemu daatteb ele, ahilag kayak waalagppa daan binalag mekkulagtai. Ag amu hekkulagtai, amge da, da baeladppa ele amu, ig Yawe waappa daatta, Nug oɗe dim lamidkkunig,” awa aum.

Genesis 18:19

Aɗinu? Da Abraham doottem, nug, nug bekkod, nug laugppanu ele, ag da, Yawe, ag dahil ib dim lamidkkulagnu ippunadkku. Ippuanatteb, ag kobol tutukku, amu nai doya mala hettoɗia epeɗia elele mettak kobol ele dim lamidkkulag amunu, da nuhigppa aɗi hekkulnu nai ain qakkami amu, da amu hekkul,” awa aum.

Lewitikas 14:41

Anam heppeg, mana mettak danab nug heeb, ag lag ooppan men gilil oh kuhappeg neeb, ag aon gona maoppeg, aab okkai dimittim, aben Kayaknu neekkakppa dubuttid ele, amuppa gokkuoitte.

Lewitikas 14:43

Amge keeke amu oh hak dimppa gi qak amu baula lag amuppa bekku dayeb amu,