Lewitikas 14:41 - Nobonob Baibel

⁴¹ Anam heppeg, mana mettak danab nug heeb, ag lag ooppan men gilil oh kuhappeg neeb, ag aon gona maoppeg, aab okkai dimittim, aben Kayaknu neekkakppa dubuttid ele, amuppa gokkuoitte.

Lewitikas 14:41 Referans Kwoze

Revelesen 22:15

Amge baɗ mak danab, gappai danab, qe mauhak danab, kayak hambuppuak binag mak danab ele, amu laa oh ag hambuppuak kobol oolag mettan hetteb ele, ag Kayaknu aab okkai dimittim qai bia daaglag.

1 Timoti 1:20

Kobol amunu amu Himeneus, Aleksander ele aa anam hepiɗ. Aa anam heeh, da aa tamaniak ooppanu lamati, dimittim Satan eppegppa wapiɗ daattep, amuppa aa oolah eɗueb, aa baula Kayaknu dabittak nai ii mattimyanu dabmak aoglah.

Matyu 24:51

Uɗia amu, danab okkai nug maɗi nid amu eheɗnab hettowa, awa meeb, nug hambuppuak danab ele daaglag. Appa danab ag gaanna, aelkad emalna daaglag.

Matyu 8:28

Aria, ag gona, Galili le ameg laih Gadara danab dilag wan atuppa eeɗppig. Eeɗeg, danab aɗit ouɗi nau qalatak ele, aa matmatppanu Jesus gumidya uɗiya, Nug uɗa tepiɗ. Aa dakkuɗ meya autia aopiɗ amunu, danab ag ib amuppa oiyaknu elele iitta.

Aisaia 65:4

Danab ah amu ag matmatppa danab boumattak oolagppa daatteb. Ao, ag tuqan danab ah mauhppig ele ag nai madippeg dooglagnu dabmattanna daatteb. Da ag bo teppu, doɗ laala ele ii lamananu ami, amge ag bo teppu lanana, ag doɗ laala, doɗ amu ag lamananu aib ami ele, ag amu tebuppa lewa hena, lanan daatteb.

Lewitikas 14:40

mana mettak danab nug heeb, laa ag gilil men, keeke amu qak ele amu loppaɗna aoglagoitte. Lopaɗna aona, ag aon gona maoppeg, aab okkai dimittim, aben Kayaknu neekkakppa dubuttid ele, amuppa gokku.

Lewitikas 14:42

Anam hewona amu, ag men baula men tatamnu amu abenppa mekkulagnu aon mewona, ag gilil qaɗeppa simen gililppa laittaknu laidkkulagoitte.

Lewitikas 14:45

Amunu ag lag amu loppaɗppeg neeb, ag gililnu men, simen gilil qaɗeppa mak, lag ebehi ele amu, ag keeke amu oh aben aab dimittim Kayaknu neekkakppa dubuttid ele, amuppa aon gona, agappeg gokkuoitte.

Esekiel 26:4

Kekeɗ ag uɗin, Tair aabnu aɗ loppaɗppeg, wanppa nena qeppeg, lag attan ta ukkak menppa hak daatteb ele loppaɗadppeg nekkulag. Ag anam heppeg, dimppa da Yawe, da heppi, Tairnu kinipan oh dayomppa ii dayebeb, Tair dayomppa hamu menib daakku.