Lewitikas 14:40 - Nobonob Baibel

⁴⁰ mana mettak danab nug heeb, laa ag gilil men, keeke amu qak ele amu loppaɗna aoglagoitte. Lopaɗna aona, ag aon gona maoppeg, aab okkai dimittim, aben Kayaknu neekkakppa dubuttid ele, amuppa gokku.

Lewitikas 14:40 Referans Kwoze

Revelesen 22:15

Amge baɗ mak danab, gappai danab, qe mauhak danab, kayak hambuppuak binag mak danab ele, amu laa oh ag hambuppuak kobol oolag mettan hetteb ele, ag Kayaknu aab okkai dimittim qai bia daaglag.

Revelesen 2:20

Amge eheɗ hak nahip laippu imunu da na amenppa iikku attem. Na ah Jesebel, nug nuhig haknu amu, na nug amegppa aib ii attem. Nug, ‘Da am propet ah,’ awa atte, amge nug anam ii daatte. Nug ippunittak hette, amuppa nug he, dahil maɗi nid ag gappai kobol hena, laa doɗ main kayak hambuppuak dottolkad madappig ele, ag doɗ amu ele latteb.

Revelesen 2:6

Amge kobol imuam nahip-ppa ena daatte. Na Nikolas huu, na amu dilag hak nau guhuɗidttem, da ele Nikolas aɗi dilag hak nau guhuɗidttem.

Revelesen 2:2

Da nahip hak, uɗat ɠagattag nahip, amu na uɗat amu hekkutnu ii uun, tuɗidna hettem ele amu, da doottem. Na danab nau dilag ele oot iinab hette. Amu laa ag, ‘Ig am totol danab,’ hambuppun appig amu, na ma anttak matte, ag am hambuppuak danab daatteb anidme.

Taitus 3:10

Laa ele, danab laa nug tamaniak ena loppaɗtte ele, na tolittak uɗat laippu hewona, laa ele heppe amu anam bataɗ! Amu nug baula tippaleb amu, na nug geɗitte!

Jon 15:2

Mame Nug dahilppa eppeg oh meu ii niitteb ele okkulatta geɗadtte. Eppeg laa meu niitteb ele, ag meu huana okkulagnu Nug bappaladtte.

Matyu 18:17

Aria ag nai madippeg, nug amu dilag nai ele doyak uueb amu, na Kayaknu tamaniak amelagppa akkut. Appe, amu ele nug ii doyeb amu, na nuhignu, nug am Kayaknu tamaniak ooppa ii daatte, nug am dimittim danab, anam doye!

Prowerb 22:10

Laa heeb, awa awa qettak danab qema, nug appa ii dayeb; nug mehqak, nai a ona a doak, onig he nauhak ele ii daama.

Sam 101:5

⌊Da am king⌋. Da heppi, aun laa nug nai nau nuhig mudippan layag onig heeb nauhkkunu atte amu, nug baula ii hema. Da laa ag dada hena laa eɗittaknu dabmak aotteb, ag dada kobol laala ele hetteb amu, da hadappi, ag kobol amu tuɗidna ii hemana.

Lewitikas 14:39

Am deɗ eblaih aɗitppa amu, mana mettak danab nug eɗua ukka, lag amu italkkuoitte. Keeke qak amu lag gililppa, aben laih ele awom dayeb amu,

Lewitikas 14:41

Anam heppeg, mana mettak danab nug heeb, ag lag ooppan men gilil oh kuhappeg neeb, ag aon gona maoppeg, aab okkai dimittim, aben Kayaknu neekkakppa dubuttid ele, amuppa gokkuoitte.

Lewitikas 6:11

Nug anam hewowa, nug bala meum uɗowa, nug bala hanhan mette ele amu ma, uhuɗ amu awa ukka, haen tutu dayaknu aab kalak dimittim, appa aben dubuttid iitta eleppa mekkuoitte.