Lewitikas 14:29 - Nobonob Baibel

²⁹ Am mana mettak danab nug goɗen laih daatte, nug laa Kayak ele ouqeya daaglahnu bekkun daatte amu, nug nug igippa gokkaɗeb nokku. Mana mettak danab nug keeke amu oh hette amu, ib amuppa amu, nug heeb, danab o ah amuam Yawenu neekkakppa oppiaawak daakku.

Lewitikas 14:29 Referans Kwoze

Lewitikas 14:18

Am mana mettak danab nug goɗen laih daatte, nug danab o ah Kayak ele ouqeya daaglahnu bekkun daatte, nug nug igippa gokkaɗeb nokku. Mana mettak danab nug keeke amu oh hette amu, ib amuppa nug Yawe noobppa eheɗ haknu nob nau iitta mekkunu heeb elele medakku.

1 Jon 5:6

Jesus Kristus Nug uɗia, leppa layattak awa ukka, ad emaitakppa mauha Nug tiigppa ig uhuqikkom. Amu le, tiig amu ele, keeke aɗit amu Nug Kayak Bekka ippunigtte. Le nug nukka ii ippunigtte. Iitta. Le tiig ele oh amu ippunigtte. Kayak Ouɗi Nug am doyak diig genabib diig amunu, Nug amunu mehuqtte.

Jon 17:19

Da dahilad imu ag da aniɗna, nahip nai pehettak dim lamidna, oppiaawak daaglagnu amu, da na oɗen tutukkunab dim lamidttem.

Lewitikas 14:20

amu nug qaɗabppa ee aegnu ofa ele oh ma, amu mana mettak danab nug mana mettak amu Kayak metta, nug amuppa eheɗ haknu nob nau iitta mekkunu heeb elele metteb, danab o ah amuam nug Kayaknu neekkakppa oppiaawak daakku, amu nug Kayak ele ouqa dayaknu elele daakku.

Lewitikas 14:28

Amu mana mettak danab nug goɗen eppeg oo nanehppa daatte amu awa, danab Kayak ele ouqeya daaglahnu bekkun daatte, amu daug bami naɗiap, amuppa mewowa, amu eppeg doɗo tanig naɗiap, amuppa mewowa, amu baeg naɗiap tanigppa mekku. Nug eheɗ haknu ofa hak, nug tiig amu ele amu heum amu, amu biaib tiig amu qaɗeppa nug goɗenppa anam hekku.

Lewitikas 14:30

Anam hak dayeb amu, mana mettak danab nug uppuɗil beɗulag nakok aɗit, o uppuɗil beɗulag okkai nag aɗit, danab o ah nug attem babaittom amu awa, mana mettak hekku.