Lewitikas 14:22 - Nobonob Baibel

²² Am danab o ah nug Kayak ele ouqa dayaknu hette ele, nug ele uppuɗil beɗulag nakok aɗit, o uppuɗil beɗulag okkai nag aɗit, nug attem aokkunu elele daatte amu, nug diiatta dokkuoitte. Laa amuam ib etta hipunin haknu ofa haknu dayebeb, amu laa am manaknu ofa haknu daakku.

Lewitikas 14:22 Referans Kwoze

Esekiel 7:16

Danab ah aun aɗi ag ii mauhkkulag amu, ag oolna, qaukoppa gona, appa ag oh anen anen ahilag hipuninnu dabmenana, uppuɗil beɗulag nakok ele oolnu noakppa daatteb, uppuɗil amu ag oo doyak ele gaatteb, danab ah ii mauhkkulag amu, ag amubia gaaglag.

Jeremaia 48:28

Ag Moap, ag amu heppig, gemu ele hetteb amunu, gemu ag ahilkad aab uun, aben hamu, men eleppa dayeg! Ag ai uppuɗil beɗulag nakok, nug teɗ nuhig men oɗenu oɗe guguittak hette, ag amubia dayeg!

Aisaia 59:11

Ig doɗ naɗi onig bea, nug ⌊eheɗ doyaya⌋ guɗumtte, ig amubia hettem. Ig uppuɗil beɗulag nakok nug oo doyak ele gaatte amu, ig amubia gaattem. Ig nai doya mala hettoɗia epeɗia elele mettak kobol ig oonigppa bekkunu dabmetat oittem, amge kobol amu nakok laa be ii anidttem. Ao, ig laa eppelagppa ii daamtanu dabmetat oittem, amge ig ehanittak amu iinab anidttem.

Aisaia 38:14

Da ai laala, ahilag gayak oqotti teppu iitta ele, da anambia gaami. Uppuɗil beɗulag nakok laa, nug nakok gaatte, da anambia gaami. O Kayak, da gaai ukke, nahip ehanittak anidkkulnu nahipnu neekki, da amel guittom. Da uug doottem. O Naɗi, na uɗin, da ehaniɗkkutnu od medattem.

Solomonnu Ahi 2:14

“O ah dahil, na am uppuɗil beɗulag nakok laa men bai giɗoɗoppa daatte bia daattem; o iitta, na uppuɗil beɗulag nakok laa baippa gegeti ena laappa lokkuma daatte bia daattem. Na baatnu oqotti am ena, ubuhi ele; na iɗun am enanag, tuqak ele, amunu iɗun da ippuniɗe! Ao, na heppe, da na baat doye!

Sam 68:13

Gemu amu ag silwa, gol ele kuɗum ele daatteb. Ai uppuɗil beɗulag nakok nug haug silwappa tonak daatte, nug beɗu am golppa tonak daatte, anamnab aakku, ag gol, silwa ele huanak aoppig.

Lewitikas 5:7

Danab nug sipsip laa awa wakkunu elele iitta dayeb amu, nug uppuɗil beɗulag nakok aɗit, o uppuɗil beɗulag okkai nag aɗit, nug amuppa hipunin heumnu mana mettak haknu awa, Yawe toppa wakkuoitte. Ai laa am ib etta hipunin haknu ofa dayeb, laa am manaknu ofa daakku.

Lewitikas 14:21

Amge aun nug keeke iitta, diig amunu nug sipsip ewam diiatta dokkunu elele iitta amu, nug sipsip gaiɗ laippu, eheɗ haknu ofa haknu awa wakkuoitte. Am nug 1 kilogram plaua enanag olip goɗenppa kaboliak, ee aegnu ofa daakkunu, amu olip goɗen kap aɗit ele awa wakkuoitte. Aakku mana mettak danab nug eheɗ haknu ofanu sipsip nag dawai amu, aria ee aegnu ofanu ee aeg ele aɗa, nug huma epponitta mettaknu ofa hekku. Amuppa nug heeb, danab o ah amu nug Kayaknu neekkakppa oppiaawak daakku.

Lewitikas 14:24

Am mana mettak danab nug sipsip gaiɗ, eheɗ haknu ofa daakkun daatte, amu olip goɗen ele awa, Yawe noobppa huma epponitta mettaknu ofa hekku.

Lewitikas 15:14

Am deɗ eblaih ewamppa amu, laa amu nug uppuɗil beɗulag nakok aɗit, o nug uppuɗil beɗulag okkai nag aɗit diia uɗikkuoitte. Nug diia uɗia, mettid haknu peh lag danab ah appa qagmetteb ele, nug lag amu odppa Yawe noobppa uɗia, nuhig mana mettak amu, mana mettak danab meɗakkuoitte.

Namba 6:10

Anam amunu deɗ eblaih ewamppa amu, nug uppuɗil beɗulag nakok aɗit, o uppuɗil beɗulag okkai nag aɗit diiata uɗia, mettid haknu peh lag danab ah appa qagmetteb ele, nug peh amu odppa, mana mettak danab medakku.