Lewitikas 14:14 - Nobonob Baibel

¹⁴ Am mana mettak danab nug eheɗ haknu ofa haknu doɗ tiig laa awa, laa nug Kayak ele ouqeya daaglahnu bekkun daatte amu, nug nug daug bami naɗiap amuppa mewowa, eppeg naɗiap tanigppa mewowa, amu baeg naɗiap tanig amuppa mekku.

Lewitikas 14:14 Referans Kwoze

Eksodas 29:20

na sipsip amu baag otaɗppe mauheb, tiig laa aon, Aron, nug bekkod ele daulag naɗiap bamippa mewona, eppelag naɗiap doɗo tanig amuppa mewona, amu ag baelag naɗiap doɗo tanig, amuppa ele me! Aria, tiig laa oh daatte amu, na aon, qaɗab gigin waɗele ohppa tauɗppe ukkaɗ!

2 Korint 7:1

O da gamalad, Kayak Nug ihinignu nai qakka anak amu aum amunu, ig meunignu, amu ouɗinignu dubuttid ele oh geɗidta, ig Kayaknu ebehinig oh bodoetta le mak dootta, ig meunig ohppa Kayaknu oppiaawak ele daat oitu!

Pilipai 1:20

Amu da keeke laa hekkulnu dabmak aɗe daattem, am keeke amu ele da genab hekkulnu maittak aomi daattem amu, amuam da uɗat, Kayak da hekkulnu meɗom amu, da uɗat amu eleleib hein maloya, da uɗat heminu uɗa nak laa ii doopa. Yo, da geha iikkunab, am haen oh ele, da aɗi hekkul amu, da ii baɗeɗe heinne, da amuppa Kristus Nug binag okkai medakkulnu ool naɗi daatte. Da bau daakkulte, iitta da mauhkkulte, amuam keeke okkai iitta, amge da beɗulppa keeke oh bekku ele amu, da keeke amu ohppa Kristus binag okkai medakkulnu ool daatte.

1 Korint 6:20

Aɗinu? Kayak Nug ag hipuninnu qagaiettakppanu eɗua uhuqadkkunu daden maattom amunu, ag Kayak binag mekkulagnu, ag beɗulkadppa ele Kayak binag meig!

Rom 12:1

Amunu O lailad, Kayak Nug ahilagnu keeke okkainab heum amunu, da ag akka ag danab nug doɗ mana Kayak medatte, amubia ag bau daanna, meulkad oh Nug mettaglagnu unuqadttem. Ag meulkad oh ag Kayaknu oppiaawak ele daanna, Kayak oo niitte bia ele daanna, ag Nug metteg! Ib amuppa ag genab Nug noobppa dup nona binag mettaglag.

Rom 6:19

Amu dabmak ahilag ɠagattagnab ii qeum amunu, da danab ihinig kobol laappa imu ippunadkkulnu heinne attem. Anukka ag genab tutukku hak kobol uuna, ag beɗulkad laih oh ag kobol dubuttid ele, ɗo tappe naknu kobol ele, ag amunu begbeg maɗi nid maadna, ag ɗo tappe nak kuɗum digdig, nau ahilag tuɗitta naunab gotte amu, ag kobol amu ele tuɗidna hekkulagnu heppig. Gemunu amu, ag oppiaawak danab bekkulagnu ag ag beɗulkad laih oh kobol tutukkunu begbeg maɗi nid maatteg!

Rom 6:13

Ag anen anen ag kobol nau hekkulagnu, ag beɗulkadnu laih laih oh hipunin eppegppa aib meppig. Iitta! Ag danab mauhppig eɗun hippaidppig bia daatteb amunu, ag beɗulkad laih ohppa genab tutukku hak kobol hekkulagnu, ag meulkad oh Kayak metteg!

Aisaia 1:5

⌊O Israel danab ah,⌋ aɗinu ag nai tappe nak kobol tuɗidna henana oitteb? Aɗinu ag bu baula aoglagnu hetteb? Israel ag nid laa, hibguitta haaha, bu awe, mukki gaɗa laɗue ukke, beɗu laa oh ele ihi mettom, ag amubia nauhppig daatteb. Ao, Israel ag nid laa beɗu oh oɗe ele, amubia ag nauhna autna aoppig daatteb.

1 Pita 2:5

Nug he, ag ele men bau daatte bia beegeg, Kayak Nug nuhig tamaniak, lag bia, ahilagppa hette. Amuppa ag mana mettak danab oppiaawak ele daanna, ag keeke Kayak oo niitte ele, Jesus Kristus onigppa mana mettak bia Kayak keeke amu mettaglag.

Lewitikas 14:19

Anam hewowa, nug ib etta hipunin haknu ofa hekkuoitte. Amu mana mettak danab nug mana, Kayak metta heeb, danab Kayak ele ouqeya daaglahnu bekkun daatte, nug Kayaknu neekkakppa oppiaawak daakku. Amu dimppa, mana mettak danab nug manaknu ofa haaha, doɗ baag otaɗeb mauheb,

Lewitikas 14:25

Anam ha mala, nug sipsip gaiɗ, eheɗ haknu ofa haknu baag otaɗeb mauheb, amu nug tiig laa awa, danab nug Kayak ele ouqeya daaglahnu bekkun daatte, amu daug bami naɗiap-ppa mewowa, eppeg naɗiap tanigppa mewowa, amu baeg tanig naɗiap-ppa ele mekku.

Duteronomi 24:8

Ag gaɗalagppan oɗe nau ohnu amu, ag mana mettak danab, ag ele am Lewi buɗub amu, ag amu dilag nai oh dim lamitta haknu atteb amu dim lamitteg! Da haknunab anak nai mana mettak danab mattami amu, ag amu dim lamitteg!