Lewitikas 14:10 - Nobonob Baibel

¹⁰ Am deɗ laa, deɗ eblaih ewamppa amu, laa nug beɗu ena dayom ele nug sipsip gaiɗ aɗit, amu sipsip balat laippu, maɗ laippu awak ele, ag beɗulagppa eheɗ laa iitta ele, amu 3 kilogram plaua enanag olip goɗenppa kaboliak, ee aegnu ofa daakkunu, amu olip goɗen kap aɗit ele diia, wakkuoitte.

Lewitikas 14:10 Referans Kwoze

Lewitikas 2:1

Laa nug ee aegnu ofa Yawenu hekkunu haaha amu, mana mettak amuam nug plaua enanag, amuppa hekkuoitte. Nug olip goɗen gokkaɗeb noob, kalu danab ile muttuɗig enanag bette ele, am amu daugppa mekku.

Luk 5:14

Uuitte amu Jesus Nug danab amu amegppa aum. “Na danab laa amegppa da na bappaidminu aib ame! Iitta. Na gona, na beɗun mana mettak danab ippunidna, na Mosesnu ɗo atte bia, na doɗ main, Kayak mette! Aɗinu? Danab oh ag amuppa dooglag, na oɗe amu iitta,” awa aum.

Mak 1:44

“Na danab laa amegppa da na bappaidminu aib ame. Iitta. Na gona, na beɗun mana mettak danab ippunidna, na Mosesnu ɗo atte bia na doɗ main Kayak mette! Aɗinu? Danab oh ag amuppa dooglag, na oɗe amu iitta,” awa aum. Jesus Nug anam awowa, Nug he ukkom.

Matyu 8:4

Ena daye, Jesus Nug danab amu amegppa inam aum. “Doye! Na danab laa amegppa, da na bappaidminu aib ame. Iitta. Na gona, na beɗun mana mettak danab ippunidna, na Mosesnu ɗo atte bia, na doɗ main, Kayak mette! Aɗinu? Danab oh ag amuppa dooglag, na oɗe amu ele iitta,” awa aum. Jesus Nug anam awowa, Nug he ukkom.

Lewitikas 14:21

Amge aun nug keeke iitta, diig amunu nug sipsip ewam diiatta dokkunu elele iitta amu, nug sipsip gaiɗ laippu, eheɗ haknu ofa haknu awa wakkuoitte. Am nug 1 kilogram plaua enanag olip goɗenppa kaboliak, ee aegnu ofa daakkunu, amu olip goɗen kap aɗit ele awa wakkuoitte. Aakku mana mettak danab nug eheɗ haknu ofanu sipsip nag dawai amu, aria ee aegnu ofanu ee aeg ele aɗa, nug huma epponitta mettaknu ofa hekku. Amuppa nug heeb, danab o ah amu nug Kayaknu neekkakppa oppiaawak daakku.

Lewitikas 14:15

Mana mettak danab nug anam hewowa amu, nug olip goɗen laih laa gokkaɗeb, nug eppeg naneh gottu mettom ooppa nokku.

Lewitikas 14:12

Am mana mettak danab nug sipsip gaiɗ laa, olip goɗen ele eheɗ haknu ofa daakkunu, nug Yawe noobppa doɗ amu, goɗen ele awa, nug huma epponitta mettaknu ofa hekku.

1 Pita 1:19

Ag Kristus, Kayaknu Sipsip Nag, Nug am hipunin iitta, dubuttid ele iitta, ag Nug tiig enanag, amuppa ag uhuqak amu aoppig.

Jon 6:51

Bret bauklel ele hab aabppanu uɗiom am da. Am laa nug bret imu latte amu, nug bauklel hanhan daakku. Amu ele bret da wanppan danab ah bauklel daaglagnu madakkul ele imuam, da beɗul,” awa aum.

Jon 6:33

Bret Kayak madatte ele, amuam laa hab aabppanu neum. Bret amu Nug wanppan danab ah bauklel madatte,” awa aum

Jon 1:29

Wagɗe deɗ amuppa Jesus Nug Jon gumitta uɗieye, Jon Nug antta aum. “Antteg, Kayaknu Sipsip Nag, Nug wanppan danab ah dilag hipunin uhuqtte, Nug am uukku daatte.

Namba 28:20

Amu ag makau dawai anen anen ele oohoak haknu amu, ag ee aegnu ofa ele hekkulag. Amu hekkulagnu amu, ag 3 kilogram plaua enanag, goɗen ele kaboliglag. Amu sipsip dawai ele oohoak haknu amu, ag ee aegnu ofa ele hekkulag. Amu hekkulagnu amu 2 kilogram plaua enanag, goɗen ele kaboliglag. Sipsip gaiɗ maɗ laippu awak ele oohoak haknu amu, ag anen anennu ee aegnu ofa ele hekkulag. Amu hekkulagnu, ag 1 kilogram plaua enanag, goɗen ele doɗ anen anennu kaboliglag.

Namba 6:14

Nug sipsip gaiɗ maɗ laippu awak ele, beɗuppa eheɗ laa iitta ele amu awa, manaknu ofanu, amu sipsip balat maɗ laippu awak ele, beɗuppa eheɗ laa iitta ele, nug amu ele awa, ib etta hipunin haknu ofa hekkunu, amu sipsip dawai beɗuppa eheɗ laa iitta ele laippu dayaknu ofa hekkunu, nug keeke amu oh awa, Yawe gumitta wana, Nug medakkuoitte.

Lewitikas 23:13

am ee aegnu ofa, amu ele ouqa hak daakkuoitte. Amuam 2 kilogram plaua enanag olip goɗen ele kaboliak daakku. Amuam Yawe mettaknu aab aɗunu ofa aakku. Mana mettak amunu muttuɗignu, Yawe Nug ooppa ena dootte. Amu ele ouqak, ag 1 lita wain aon, amuppa ag wain gokkaɗaknu ofa hekkulagoitte.

Lewitikas 9:1

Baɗ awak dimppa, deɗ eblaih ewam amuppa, Moses nug Aron, nug bekkod, amu Israel dilag ikki danab ele onilagppa e uɗin, qagmeppig.

Lewitikas 4:32

Am laa nug ib etta hipunin haknu ofa hekkunu haaha, nug sipsip awa dotte dayeb, nug sipsip balat eheɗ laa beɗuppa iitta ele, amuppa hekkuoitte.

Lewitikas 2:13

Am ee aegnu ofa amu, ag yu kalu ele maneg! Amuam Kayak Nug he, Nug ag ele nug tituanna nai qagappig amu, ag nai amu ag daulagppa dokkunu anam hekkulag. Ag aibnab yu kalu ee aegnu ofa hetteb, amuppa mekkulagnu daulag atiom.

Lewitikas 2:11

Ag ee aegnu ofa, Yawe mettaknu aab aɗuppa hetteb amu, ag amu oh henana, ag aib yis mena, ee aegnu ofa Yawe medappig. Aɗinu? Ag yiste, o uppuh leppute Yawe mettaknu aab aɗunu ofa mena, ofa amu hena, Yawe mettaglagnu ii daatte.

Lewitikas 1:10

Am laa nug manaknu ofa hekkunu haaha, nug doɗ aɗppanu sipsipte, o meemete laa awa dotte amu, nug sipsip dawai laa, o meeme dawai laa, beɗuppa eheɗ laa iitta ele awa dokkuoitte.

Eksodas 29:40

Amu sipsip laa ag buttua main meɗanna, amu ag 1 kilogram plaua enanag aon, 1 lita olip goɗen ena ele aon, plaua ele kabolin, ag sipsip amu ele main meɗaglag. Ag amu hena, ag 1 lita wain ele aon, wain gokkaɗaknu ofa daakkunu qaɗabppa gokkaɗppeg noaɗ!

Lewitikas 14:11

Diia wab, mana mettak danab nug danab laa Kayak ele ouqeya daaglahnu elele atte, mana mettak danab amu nug danab Kayak ele ouqeya daaglahnu bekkun daatte, aria keeke nug mana, Kayak mettaknu diia waum ele amu, nug amu oh akka, danab amu omala, mettid haknu peh lag danab ah appa qagmetteb ele, lag amu odppa, Yawe noobppa maadkku.

Namba 7:43

Keeke nug ofa ha, akka waum ele am, silwa tappiɗ laippu, nuhig uug am 1.5 kilogram, tiig amuppanu awa tauɗeb ukkaknu tappiɗ silwappa hak laippu, nuhig uug am 800 gram, gol tappiɗ laippu, uug nuhig am 110 gram, makau gaiɗ laippu, sipsip dawai laippu, amu sipsip gaiɗ laippu maɗ laippu awak ele, meeme laippu, makau okkai ebehi ele aɗit, sipsip dawai tanig ele, amu meeme dawai tanig ele, aria sipsip gaiɗ tanig ele laa maɗ laippu awak ele. Silwa tappiɗ aɗit amu oh, ahilah uug am mana mettak lagnu melemel bia daapiɗ. Eliasap nug plaua enanag goɗenppa kaboliak, amu silwa tappiɗ anen anen maate, ambeum; amuam ee aegnu ofanu dayom. Nug gol tappiɗppa kalu danab ile muttuɗig enanag bette ele me, ambeum. Makau gaiɗ, sipsip dawai, amu sipsip gaiɗ maɗ laippu awak ele, doɗ amu oh am manaknu ofanu daappig. Meeme dawai amu, doɗ amuam ib etta hipunin haknu ofanu dayom. Amu makau okkai ebehi ele aɗit, sipsip dawai tanig ele, meeme dawai tanig ele, sipsip gaiɗ tanig ele maɗ laippu awak ele, doɗ amu oh am laippu dayaknu ofanu daappig. Keeke amu Deuel bekka Eliasap, nug Yawe mettom.

Lewitikas 1:3

Am laa ⌊nug ofa mameg,⌋ nug manaknu ofa hekkunu haaha, nug makau awa dotte dayeb, Yawe Nug mana mettak amunu ena doya aokkunu amu, ofa mameg nug makau dawai laa beɗuppa eheɗ laa iitta ele awa doa, nug Yawe gumitta ukka, mettid haknu peh lag danab ah appa qagmetteb ele, nug lag amu odppa, Yawe medakkuoitte.