Lewitikas 13:8 - Nobonob Baibel

⁸ Am mana mettak danab nug danab amu beɗuppa aegeg amu itala, aegeg am beɗu laih ele awom antta, nug danab amunu nug Kayak ele ouqa dayaknu elele iitta akku. Amuam gaɗa oɗe nau ele.

Lewitikas 13:8 Referans Kwoze

2 Pita 2:19

Hambuppuak ippunittak danab amu ag danab laa ag uhuqak aoglagnu nai anan qagatteb, amge ag aakku hipuninnu begbeg maɗi nid daatteb. Ag hipuninnu begbeg maɗi nid daattebnu diig am aɗi keeke danab laa eɗittom daatte, danab amu nug keeke amu waappa daatte ele amu, danab nug keeke amunu begbeg maɗi nid daatte.

Aposel 8:21

Na uɗat imu, ig hettem ele amu, na amu ooppa daakkutnu elele iittanab. Aɗinu? Kayak anidtte; na oot am tutukku iitta.

Lewitikas 13:3

Anam heppeg, mana mettak danab nug danab amu gaɗappa aɗi uug daatte, nug aben amu pehetta itala anidkku. Amu uɗig, gaɗappa uug daatteppa am hakkab eppak daappeg, gaɗappan uug am tebuppa noak dayeb antta amu, amuam gaɗa oɗe nau ele. Amu mana mettak danab nug danab amu nug Kayak ele ouqa dayaknu elele iitta akku.

Lewitikas 13:2

“Aun laa nug gaɗappa aeg bakte, o iitta aegeg bakte, iitta gaɗappa hekkaɗa bak elete, amuppa gaɗa oɗe nau bekkunu elele daatte dayeb amu, ag aon, mana mettak danab Aron, o iitta nug bekka aun laa nug mana mettak danab daatte, ag nug gumidna wakkulagoitte.

Lewitikas 13:7

Amge mana mettak danab nug danab amu itala antta, nug Kayak ele ouqa dayaknu elele aum, dimppa aegeg tuɗid ukkeb, beɗu laih ele aweb amu, laa aegeg ele nug eɗua mana mettak danab gumitta ukkeb, nug am gaɗa aegeg daatteppa baula pehetta itala anidkkunu gokkuoitte.

Lewitikas 13:9

Aun nug gaɗappa oɗe nau ele amu, ag nug omalna, mana mettak danab, nug danab amu beɗu pehetta itala anidkkunu gumidna gokkulagoitte.

Namba 5:2

“Na Israel haknunab nai madappe, ag aun laa nug gaɗa oɗe nau ele, o iitta beɗunu leppu nau laa nette, o iitta laa nug danab mauhe gaɗa aɗom, nug Kayak ele ouqa dayaknu elele iitta amu, ag gona, aben laih aab dimittim kalan daaglagnu maadppeg gokkulag.