Lewitikas 13:47 - Nobonob Baibel

^47-49 Lamennu amu, lamen laa eppegppa, o masinppa sipsip uɗigppa, o linenppa akkak, o doɗ gaɗa hamu, o aɗi keeke doɗ gaɗappa hak amu, amu oh oolagppan laappa kaala grin, o kaala kokoɗ laihppa bekku dayeb amu, amuam gi laa. Amu gi amuam gaɗa oɗe nau biatai amunu, laa nug mana mettak danab pehetta itala anidkkunu awa ukka, ippunidkkuoitte.

Lewitikas 13:47 Referans Kwoze

Jut 1:23

Laa ag aab aɗuppa daatteb bia daatteb amunu, ag ehanadna, qen oqaina diieg! Am laa ag eheɗ hetteb anadna, ag ahilagnu oolag gai-iitta doona oolag mattan ehanatteg! Amge amu henana, ag dabmena autna aonna, kobol alag ag hetteb ele, ag amunu lamen dubuttid ele bianab doonna, ag akka kobol nau amunu nau ninig ele doon, awaidna dayeg!

Kolosi 3:3

Aɗinu? Ag oolagppa genab dooppig, haen amuppa ag wan imuppan oiyak nau am uuna, gemu ag Kristusnu uɗatppa bauklel aoeg, Kristus Nug bauklel amu atognoowo, Kristus, ag ele, ag oh Kayak ouqak daatteb.

Epesus 4:22

Anam amunu, ag nai aoppig bia, ag oolag alag, nug dabmak eheɗ awa, kobol nau digdig hekkunu dabmaama, mauhkkunu hette ele, nug he, ag matu nuhig dabmak dim lamidppig ele amu, ag oiyak amu uueg!

Rom 13:12

Tuqan iitta mekkunu hette; wagɗak bekkunu miagnab daatte amunu, ig gatatunu kobol oh dimadatta, ig amahlaknu bannu bala aot beɗunigppa metu!

Esekiel 16:16

Lamen laala da mettami amu, na lamen amu aon, kayak hambuppuak mettid lag nakok amuppa bappaidna autna aona, appa na danab ele niippig. Kobol nau amu ii belo, amge na aakku heme. Kobol amuam danab ah oolagppa iinab daalo, amge na aakku heme.

Aisaia 64:6

Ig oh am oonigppa dubuttid ele na noomppa bemut daattem Keeke oh ig hetata, ihinig dabmakppa, ig kobol amunu am genab tutukku hak kobol doottem ele, keeke amu oh am lamen qatti dubuttid naunab ele bia na amenppa anidttem. Ig am ad uɗug mauɗna qaɗaiedatteb bia hettem. Ao, ulah ad uɗug bunaɗak iwale gotte, amubia hipunin ihinig he, ig iitta mettem.

Aisaia 59:6

Danab ah ag goɗim teɗ aon, lamen hekkulagnu elele iitta. Ao, danab nug goɗim teɗnu muɗippa lamen ha, beɗu tonakkunu elele iitta bia amu, Juda danab ag ahilag hak nauppa ehanittak aoglagnu elele iitta. Ag ahilag hak am nau. Ag eppelagppa laa guittak nau mauhnoak madatteb.

Lewitikas 13:46

Am gaɗa oɗe nau ele nug beɗuppa daatte, amunu haen oh nug anam daakku, haen amu oh nug Kayak ele ouqeya daaglahnu elele iitta amunu, nug aakku haen tutu dayaknu aab kalak amu dimittim daakkuoitte.

Lewitikas 13:52

Gi, gaɗa oɗe nau bia linen lamen eppegppa, o masinppa akkak, o sipsip uɗig lamen eppegppa, o masinppa akkak, o doɗ gaɗa hamu, o keeke amuppa hak, amu amuppa aakku daatte amunu, mana mettak danab nug maneb eokkuoitte. Keeke amu aab nug eweb, iitta ma auta aokkuoitte.

Lewitikas 13:59

Amuam gi, gaɗa oɗe nau bia lamen sipsip uɗigppa, o linenppa eppegppa, o masinppa akkak, o keeke laa doɗ gaɗappa hak, amuppa gi dayebeb amu, mana mettak danab nug aɗi keeke Kayaknu neekkakppa dubuttid iitta ele dayaknu, o Kayaknu neekkakppa dubuttid ele daakkunu anak ippu aakku.” Yawe Nug Moses, Aron ele amelahppa anam aum.

Lewitikas 14:55

o gi lamenppatai, o lag ooppatai bette,