Lewitikas 13:46 - Nobonob Baibel

⁴⁶ Am gaɗa oɗe nau ele nug beɗuppa daatte, amunu haen oh nug anam daakku, haen amu oh nug Kayak ele ouqeya daaglahnu elele iitta amunu, nug aakku haen tutu dayaknu aab kalak amu dimittim daakkuoitte.

Lewitikas 13:46 Referans Kwoze

2 King 7:3

Haen amuppa Samaria aab okkainu aɗnu od okkai, od amu dimittim amu danab waɗele, ag gaɗa oɗe nau ele, ag appa daappig. Ag daanna, ag akka ahilagnu inam appig. “Aɗinu ig hamu inam daatta, mauhak haen ameg mettem?

2 King 15:5

Amu Yawe Nug he, gaɗa oɗe nau ele Usia qa, ii uuitte ukke, nug mauhom batak am anam dayom. Amunu Usia nug kingnu lag enanagnab amu uua, lag laappa ukka dayaya, nug king dayom, amge nug bekka Jotam nug kingnu uɗat amu haaha, king laug am wan ele gumeeme ukke, mameg Usia mauhom batak.

2 Stori 26:21

King Usia nug eheɗ he, Yawe Nug bu metta he, gaɗa oɗe nau nug qa, ii uuitte ukke, nug mauhom batak am anam dayom. Nug oɗe amu ele amunu, nug Yawenu mettid lakka tekkunu elele iitta, amu nug kingnu lag enappa daakkunu ele elele iitta daya, nug lag piɗe laappa dayom. Usia nug anam daya, nug king dayom, amge nug bekka Jotam nug kingnu uɗat amu haaha, king laug, am wan ele gumeeme ukke, mameg Usia mauhom batak.

Revelesen 22:15

Amge baɗ mak danab, gappai danab, qe mauhak danab, kayak hambuppuak binag mak danab ele, amu laa oh ag hambuppuak kobol oolag mettan hetteb ele, ag Kayaknu aab okkai dimittim qai bia daaglag.

Revelesen 21:27

Amu keeke oppiak iitta ele aab okkai amuppa ii noma. Laa kobol nau digdig, Kayak nug kobol amunu ooppa uuaknab dootte, amu hambuppuak kobol hette ele amu, nug ele iitta. Am laa ag onilag Sipsip Nagnu buk, amuam buk onig Bauklel Awe Onig Yaaknu Buk, buk amuppa ag onilag yaak daatte ele amu, ag aakkuib aab okkai amuppa nokkulag.

1 Timoti 6:5

danab ag ahilag dabmak augigiak ele, ag haen oh oolag laippu iitta ele oitteb. Doyak diig genabib amu, ag ii aɗatteb, oolagppa ele ii daatte. Ag oolagppa Kayak nainu, “Keeke uɗat iittappa, hamu awaknu ib aakku,” aon atteb.

2 Tesalonaika 3:14

Am laippu laa nug nai ig uɗug imuppa yaamut imu dim ii lamitteb anidna, ag danab amu dab mena, nug uuidna piɗe dayeg! Ag anam heppeg, geha nug nuhig kobol eheɗ amunu uɗa nekku.

2 Tesalonaika 3:6

O lainkad, ig Naɗi Jesus Kristus onigppa haknunab nai imu ag amelagppa attem. Ag lailkad laa bahilag iitta, ag kobol ena, ig tatam ippunadmut, ag amu ii dim lamidtteb amu, ag danab amu ele aib ouqeppig.

1 Korint 5:5

aria danab amu nug beɗu nauhkkunu, amge nug ouɗi Naɗi Jesusnu deɗppa Padal ii maknu ehanittak aokkunu, ag danab amu aon, Satan eppegppa meig!

Luk 17:12

aab laappa teete amu, danab eblaih tanig ele, ag gaɗa oɗe nau ele, ag ibppa anidppig. Ag uma piɗe uppa hippaidna daanna,

Gayak Nai 1:8

Juda danab ah ag hipunin huanak heppig amunu, ag Yawenu neekkakppa ag oolagppa dubuttid teum daatteb. Anukka laa ag Juda danab ah dilagnu, “Ag binalag ele,” anan oippig, amge Juda danab ah eheɗ heeg, laa ag ah gappai he, nuhig lamen uɗitteg, beɗu miag dayeye, ah amunu mudippan laippu ag nuhignu ena iinab dootteb, amubia ag Juda danab ah eheɗ heppig anidna, gemu ag diig amunu Juda danab ah dilagnu ena iinab dootteb. Juda danab ah ag akka akka eheɗ heppignu uɗa nak nau guittak ele doon, aiqagatteb.

Gayak Nai 1:1

O gadonnab gadon. Jerusalem appa danab ah ii daatteb bia; anukka danab ah ambak Jerusalem daappig, amge gemu appa ii daatteb bia. Anukka danab ah wan atu ohppanu Jerusalem binag meppig, amge gemu Jerusalem am ah qab bia daatte; anukka Jerusalem wan atu ohppa am onig okkai ele, kuin bia dayom, amge gemu nug begbeg maɗi nid bia daatte.

Prowerb 30:12

Laa amu, ag akka, ag ahilagnu, ag oolagppa oppiak ele daatteb dabmetteb; amge ag ihak iitta, ag dubuttid nau ele.

Lewitikas 13:47

Lamennu amu, lamen laa eppegppa, o masinppa sipsip uɗigppa, o linenppa akkak, o doɗ gaɗa hamu, o aɗi keeke doɗ gaɗappa hak amu, amu oh oolagppan laappa kaala grin, o kaala kokoɗ laihppa bekku dayeb amu, amuam gi laa. Amu gi amuam gaɗa oɗe nau biatai amunu, laa nug mana mettak danab pehetta itala anidkkunu awa ukka, ippunidkkuoitte.

Lewitikas 14:3

Am laa nug gaɗa oɗe nau ele, nug haen tutu dayaknu aab kalak dimittim, aben amuppa ukkeb amu, mana mettak danab nug appa ukka, pehetta itala anidkku. Am mana mettak danab nug danab amu, nug beɗuppa gaɗa oɗe nau amu iitta meum antta amu,

Lewitikas 23:29

Am aun laa nug deɗ amuppa, nug nukka onig ii qeeb neeb daakku amu, nug Israel oolagppanu geɗittak daakkuoitte.

2 Samuel 3:29

Joap nug hak nau amu heum amunu, nob am Yawe Nug nug, nug buɗub ele madakkunu ool daatte. Da Joap buɗub oolagppa hanhan laa nug ihi nau, ii qaɗaiedatte ele daakku, o iitta nug buɗub oolagppa hanhan laa nug gaɗa oɗe nau ele daakku, o iitta, nug buɗub oolagppa hanhan laa nug baeg nau ele daakku, o iitta nug buɗub oolagppa hanhan laa nug qep-ppa mauhkku, o iitta nug buɗub oolagppa laa nug ee iitta dayeb, enug qekkunu ool daatte,” awa aum.

Gayak Nai 4:15

Ag lamen ahilkad aɗamnanu baɗan, ag, “Ahan ukkeg! Ag Yawe ele ouqak daaglagnu elele iitta ⌊amunu ig ag ele ouqak daagnignu uuttem⌋!” aon atteb; “Ukkeg, ukkeg, ag aib aɗaigppig!” aon atteb. Ag anam eeg, diig amunu ag gonana, ag wan laalappa gona, yawaina oiyegeg, appanu laa ag ahan; “Umu amu, ag ig ele baula daagnignu elele iitta. Ag ukkeg!” aon atteb.