Lewitikas 13:34 - Nobonob Baibel

³⁴ Amu deɗ eblaih aɗitppa amu, nug eɗua, danab amu gaɗa nahig qak oɗe ele, nug oɗe amu pehettak italkku. Am gaɗa oɗe amu beɗu laa ii awom, teppu ooppa ii noak anidkku dayeb amu, mana mettak danab nug Kayak ele ouqa dayaknu elele awa akku. Danab amu nug lamen nuhig mihaladkkuoitte. Nug amu ha maleb amu, Nug aakku Kayak ele ouqa dayaknu elele.

Lewitikas 13:34 Referans Kwoze

Revelesen 2:2

Da nahip hak, uɗat ɠagattag nahip, amu na uɗat amu hekkutnu ii uun, tuɗidna hettem ele amu, da doottem. Na danab nau dilag ele oot iinab hette. Amu laa ag, ‘Ig am totol danab,’ hambuppun appig amu, na ma anttak matte, ag am hambuppuak danab daatteb anidme.

Jut 1:22

Aria ag lailkad, laa ag oolagppa genab elelenab ii doon, oolag aɗit ele daatteb amu, ag amu dilagnu oolag gai-iitta doona oolag mattan ehanatteg!

1 Jon 4:1

O gamalad, propet hambuppuak kuɗum ag ihinigppanu qatin gona wan imuppa oitteb amunu, ag danab ag, “Da Kayak Ouɗi oɗe awen madittem,” atteb ele, ag amu oh dilag nai oolagppa genab aib dooppig. Iitta. Ag nai dootteb ele ag ouɗi aun laa nai maditteb ele ehanatte, ag nai maditteb, ag amu pehettan epeɗin, aun nug Kayak Ouɗippa nai maditte anidna, ahilag naiib ag oolagppa genab doyeg!

Lewitikas 13:30

mana mettak danab nug gaɗa oɗe amu pehetta itala anidkkuoitte. Gaɗa oɗe amu teppu ooppa noak, gaɗa uɗig lanlan, teppu iitta ele gaɗa oɗe daatteppa daatteb anidkku dayeb amu, mana mettak danab nug danab amu nug Kayak ele ouqa dayaknu elele iitta akku. Amuam gaɗappa nahig qak oɗe; am gaɗa oɗe nau ele aakku igippate, iitta akkabɗuppate beum.

Lewitikas 13:33

danab gaɗa oɗe ele nug beɗu uɗig oh hoiya, oɗe daatteppa aakkuib amu ii hoikkuoitte. Am mana mettak danab nug danab amu awaitta, laih nukka deɗ eblaih aɗit baula daakkunu amegppa akku.

Lewitikas 13:35

Amge mana mettak danab nug laa amegppa nug Kayak ele ouqa dayaknu elele aum, dimppa gaɗa oɗe amu beɗu laih aokku dayeb amu,