Lewitikas 13:29 - Nobonob Baibel

²⁹ Am aun laa, danabte, iitta ahte laa, nug gaɗappa oɗe laa igippate, iitta akkabɗuppate ele amu,

Lewitikas 13:29 Referans Kwoze

Matyu 6:23

amge na amen am nau dayeb amu, na beɗun laih laih laa oh am gatatu manak ooppa daaglag. Amunu amubia, na ootppa Kayak keekenu dabmekkutnu elele iitta daattem dayeb amu, na gatatu naunab ooppa daattem.

Maika 3:11

Jerusalemnu danab okkai ag epeɗiak henana, ag lokkumakppa eheɗ haknu ehanittak aon hetteb. Danab ah ag Jerusalemnu mana mettak danab men doɗo mattaeg, ag ippunittak madatteb. Amu danab ag Jerusalemnu propet men doɗo mattaeg, ag propet nai ahilag maditteb. Ag nau amu oh hetteb, amge ag atteb. “Ig Yawe waappa daat, ehanittak aottem,” atteb. Ag anam anana, ag inam ele atteb. “Yawe Nug ig oonigppa iite daatte? Uug nau laa ihinigppa ii bema,” aon atteb.

Aisaia 9:15

Ikki amuam ahilkad ikki danab, ahilkad danab onilkad ele. Boob amuam propet danab ahilkad, ag nai hambuppuak danab ah amelagppa mehuqtteb ele.

Aisaia 5:20

Danab ah aun aɗi, ag nau hak kobolnu, “Am kobol ena,” atteb, ag kobol enanu, “Amuam nau hak kobol,” aon atteb, ag gatatunu, “amahlak,” atteb, amahlaknu amu ag, “gatatu,” atteb, ag keeke oɗenig mua qette ele amu, ag amunu, “Ubuhi ena ele,” atteb, keeke ubuhi ena ele amu, ag amunu, “Am mua ele,” atteb, ahilagnu amu gadonnab gadon. ⌊Ag padal mekkulag.⌋

Aisaia 1:5

⌊O Israel danab ah,⌋ aɗinu ag nai tappe nak kobol tuɗidna henana oitteb? Aɗinu ag bu baula aoglagnu hetteb? Israel ag nid laa, hibguitta haaha, bu awe, mukki gaɗa laɗue ukke, beɗu laa oh ele ihi mettom, ag amubia nauhppig daatteb. Ao, Israel ag nid laa beɗu oh oɗe ele, amubia ag nauhna autna aoppig daatteb.

Sam 53:4

Amu Kayak Nug oɗ mette. “Danab ag kobol nau hetteb, ao, danab ag laa bret latte, amubia ag danab dahilad hattaeg nauhtteb, ge, danab ah ag da Kayak ii unuqiɗtteb ele amu, danab amu ag da ag bu madakkulnu iite dabmetteb?” awa oɗ mette.

2 Stori 6:29

ig Israel, ig nahipad danab ah, ig anen anen uug amu, o guittak amu doot, ig oonigppanu aun nug eppeg bahia, mettid lag imu epponana, na unuqidkku dayeb,

1 King 12:28

King Jeroboam nug anam dabmewowa, nug nuhig dabmak amunu nug nuhikkud doyak danab oɗ maatte, ag ahilag ulum nai aeg doyowa, nug golppa makau gaiɗ aɗit dottolah haatowa, nug nuhikkud danab ah amelagppa inam aum. “Ag haen oh Yawe noobppa dup nona binag mekkulagnu Jerusalem gotteb amu, ag uɗat okkai hetteb. Amge gemu ag baula appa ii gomana. Antteg! Imu am, ag Israel, ag ahilag kayak. Aa ag Isipnu diiya, omaladya uɗipiɗ. ⌊Amunu kayak aɗit imu ag noolahppa dup nona binalah meig!⌋” awa aum.

1 King 8:38

ig Israel, ig nahipad danab ah, ig anen anen uug ig oonigppa doot, ig oonigppanu aun nug eppeg bahia, mettid lag imu epponana, na unuqidkku dayeb,

Lewitikas 13:28

Amge otultul nak amu beɗu laih ele ii awom, dayom anamib aakku daatte, amemɗiag awak tatam dayom bia gemu ii daatte amu, amuam beɗu gaɗa manaknu titiɗak, gaɗa manakppan bak. Mana mettak danab nug danab amu nug Kayak ele ouqa dayaknu elele akku. Aɗinu? Amuam gaɗa manaknu duɗupa.

Lewitikas 13:30

mana mettak danab nug gaɗa oɗe amu pehetta itala anidkkuoitte. Gaɗa oɗe amu teppu ooppa noak, gaɗa uɗig lanlan, teppu iitta ele gaɗa oɗe daatteppa daatteb anidkku dayeb amu, mana mettak danab nug danab amu nug Kayak ele ouqa dayaknu elele iitta akku. Amuam gaɗappa nahig qak oɗe; am gaɗa oɗe nau ele aakku igippate, iitta akkabɗuppate beum.

Esra 9:3

Haen ag da amelppa anam aeg doyen, da dahil lamen elab, lamen nakok elab, da lamen aɗit amu aɗe patiɗaten, da ikkil uɗug, akkaɗil ele laih aɗe hiɗen, da dabmak huanaknab awen, heɗep nein daami.

Esekiel 5:1

Amu Yawe Nug nai tuɗitta aum. “Danab bekka, na qep elab, aegnab ele aon, danab ikki uɗug qep nagppa otaɗtte bia qep elab amuppa na ikkin uɗug hoin, id ele awe! Na amu hena malona amu, na amu oh aon, skelppa mena, ameg ewam me, anen anen ahilag uug am laippu anamib, na amubia ameg ewam piɗe piɗe mekkut.