Lewitikas 13:27 - Nobonob Baibel

²⁷ Am deɗ eblaih aɗitppa mana mettak danab nug pehetta itala antta, nug otultul nak amuam beɗu laih ele awom anidkku dayeb amu, nug danab amu nug Kayak ele ouqa dayaknu elele iitta akku. Amuam gaɗa oɗe nau ele aakku.

Lewitikas 13:27 Referans Kwoze

Lewitikas 13:2

“Aun laa nug gaɗappa aeg bakte, o iitta aegeg bakte, iitta gaɗappa hekkaɗa bak elete, amuppa gaɗa oɗe nau bekkunu elele daatte dayeb amu, ag aon, mana mettak danab Aron, o iitta nug bekka aun laa nug mana mettak danab daatte, ag nug gumidna wakkulagoitte.

Lewitikas 13:26

Amge mana mettak danab nug otultul nak amuppa beɗu uɗig hakkab ii eppak daatteb, teppu ooppa ii noak, amemɗiag awak tatam dayom bia gemu ii daatte ele anidkku dayeb amu, mana mettak danab nug danab nug gaɗa mana ukkak ele amu, nug deɗ eblaih aɗit ele awaitta, laih nukka daakkunu amegppa akku.

Lewitikas 13:28

Amge otultul nak amu beɗu laih ele ii awom, dayom anamib aakku daatte, amemɗiag awak tatam dayom bia gemu ii daatte amu, amuam beɗu gaɗa manaknu titiɗak, gaɗa manakppan bak. Mana mettak danab nug danab amu nug Kayak ele ouqa dayaknu elele akku. Aɗinu? Amuam gaɗa manaknu duɗupa.

Lewitikas 13:7

Amge mana mettak danab nug danab amu itala antta, nug Kayak ele ouqa dayaknu elele aum, dimppa aegeg tuɗid ukkeb, beɗu laih ele aweb amu, laa aegeg ele nug eɗua mana mettak danab gumitta ukkeb, nug am gaɗa aegeg daatteppa baula pehetta itala anidkkunu gokkuoitte.

Lewitikas 13:35

Amge mana mettak danab nug laa amegppa nug Kayak ele ouqa dayaknu elele aum, dimppa gaɗa oɗe amu beɗu laih aokku dayeb amu,

Lewitikas 14:39

Am deɗ eblaih aɗitppa amu, mana mettak danab nug eɗua ukka, lag amu italkkuoitte. Keeke qak amu lag gililppa, aben laih ele awom dayeb amu,