Lewitikas 11:40 - Nobonob Baibel

⁴⁰ Am aun laa nug doɗ amunu teppu lakku, oo iitta gaɗa mawa ukka laih mekku, nug lamen nuhig ihakkuoitte. Am nug aakku Kayak ele ouqa dayaknu elele iitta dayeb ukkeb, tueb batakku.

Lewitikas 11:40 Referans Kwoze

Esekiel 44:31

Amu aite o doɗtai, nukka mauhom, o doɗ laa qe mauhom niitte amu, mana mettak danab ag teppu amu ii lamana.” Yawe Nug anam atte.

Lewitikas 22:8

Mana mettak danab ag doɗ akka mauhppigte, o doɗ laa, doɗ dakkuɗ laa ag aqadna tuqatteg neppig amu, ag amu iinab lamana. Ag lakkulag amu, ag am Kayak ele ouqa dayaknu elele iitta daaglag. Da am Yawe.

Duteronomi 14:21

Doɗ ag akka mauhtteb amu, ag aib lappig. Ag doɗ amu wan laihnu danab, ag uɗin, ahilkad aab adekkuppa, ag oolagppa daatteb madappeg lakkulag, o ag heppeg, wan laihnu danab ag daden mekkulagnu elele. Ag akka amu aib lappignu diig am, Yawe, ahilag Kayak, Nug ahilagnu, nuhignu tituanak daatteb anadtteb. Ag meeme nag, anignu huhppa aib badippig.

Esekiel 4:14

Yawe Nug anam a, da ami. “O Naɗi Yawe, da amu hekkulnu ool ii daatte. Ee lanak dahilppa da deɗ laa eheɗ heinne, ee nahip neekkakppa dubuttid tak ele ii lami. Da amu helom amu, nahip neekkakppa da dubuttid tak ele daalom. Da nid bauppan digmak uɗie, gemu batak amu, da doɗ laa nukka mauhom, o doɗ laa layag dakkuɗ qe mauhom amu, da teppu amu nakok laa ii lami. Da doɗ ii lanaknu epeɗiak daattenu teppu laa ii lami. ⌊Da amu ii lami amunu, da ee danab dilag biiak qaɗaiettakppa manak ele lakkulnu amu, da uug nau doottem. Da uug doottem amunu, na da anam hekkulnu ii amananu oɗ medattem,⌋” awe ami.

1 Jon 1:7

Amge Nug nukka amahlakppa daatte, amubia ig amahlakppa oittem dayeb amu, ig oh nug oo laippu ele nug doya dayakppa daattem, amu Nug Bekka Jesus, Nug tiig ihinig hipunin oh mihehe, ig oppiak daattem.

1 Korint 10:21

Ag Naɗi, amu ouɗi nau ele ouqak daaglagnu elele iitta. Ge, ag Kristus, amu ouɗi nau ele laippu daaglagnu elele iitta.

1 Korint 6:11

Anukka ag oolagppa laala amubia oittappig, amge Kayak Nug he, hipunin ahilag iitta meum. Nug he, ag oppiaawak daatteb. Kayak Nug he, ag genab tutukku hak danab ah daatteb. Ihinig Kayak Nug amu oh Naɗi Jesus Kristus onigppa, amu nuhig Ouɗippa ele heum.

Sekaraia 13:1

Le dubuttid ihe, iitta mette, amubia qinob Yawe Nug heeb, Dawit buɗub, am Jerusalem danab ah ele ag hipunin iitta, beɗulagppa ele aab iitta daaglagnu ib daakku.

Esekiel 36:25

Ag wan ahilagppanab daappeg, da le oppiaawak ele awen, ahilagppa tauɗppi ag oppiaawak daaglag. Da heppi, dubuttid, da noolppa daakkun elele iitta ahilagppa laa ii daama; ag baula kayak hambuppuak dottolkad noolagppa dup nona binalag ii memana.

Aisaia 1:16

Ag nau heppig amunu, ⌊danab nug beɗu dubuttid ele le layowa, dubittid iitta daatte bia,⌋ ag oolag bappaidna, dubuttid iitta dayeg! Ag hak nau da amelppa baula aib heppig. Ag baula eheɗ aib heppig.

Namba 19:19

Am danab nug da ele ouqa dayaknu elele daatte amu, nug deɗ ewamppa, amu deɗ eblaih aɗitppa ele, nug danab nug da ele ouqa dayaknu elele iitta, nug nug le amu tauɗ qedakku. Nug anam heeb ukkeb, deɗ eblaih aɗitppa nug nug tauɗ qetteb, nug da ele ouqak dayaknu elele daakku. Danab nug da ele ouqa dayaknu elele bette amu, nug lamen iha, nug le layowa, tueb amu nug da ele ouqa dayaknu elele daakku.

Lewitikas 16:28

Laa nug keeke amu manadtte ele, nug nuhig lamen ihalatta, nug ele le laakkuoitte. Nug amu ha malowa, nug haen tutu dayaknu aab kalakppa eɗua dokkun elele.

Lewitikas 16:26

Amu laa nug hipunin mawa atu taɗakppa ukkaknu meeme amu awa ukka mekkunu otippig ele amu, nug anam ha mala, nug lamen nuhig miha, nukka le ele laakkuoitte. Anam hewowa, nug haen tutu dayaknu aab kalakppa eɗua dokkun elele.

Lewitikas 15:27

Aun laa nug ah amunu niiak aben lauɗidkku, o nug keeke laa ah nug qaɗeppa dayom ele, nug amu lauɗidkku dayeb amu, nug Kayak ele ouqa dayaknu elele iitta daakku. Nug lamen nuhig ihalatta, le ele laakkuoitte. Nug Kayak ele ouqa dayaknu elele iitta dayeb ukkeb, tueb batakku.

Lewitikas 11:28

Aun laa nug doɗ amunu laa mauhom gaɗa aɗa, maweb gokku dayeb amu, nug nuhig lamen ihadkkuoitte. Nug Kayak ele ouqa dayaknu elele iitta dayeb ukkeb, tueb batakku.

Lewitikas 11:25

Laa nug doɗ amunu laa mauhom, gaɗa aɗa maweb gokku dayeb amu, nug nuhig lamen ihadkkuoitte. Nug Kayak ele ouqa dayaknu elele iitta dayeb ukkeb, tueb batakku.

Eksodas 22:31

Ag danab ah dahilad ag, ag dahilnu, oppiaawak ele daaglagnu daatteb. Ag huu laa bia iitta amunu, ag doɗ laa, doɗ dakkuɗ laa aha qe mauhom, ag doɗ amu aib lappig. Ag aon, qai madappeg laig!

Lewitikas 11:39

Amu doɗ laala, Kayak Nug ag lakkulagnu aum ele, amu laa mauheb, aun laa nug doɗ amu gaɗa lauɗidkku amu, nug Kayak ele ouqa dayaknu elele iitta dayeb ukkeb, tueb batakku.

Lewitikas 14:46

Aun laa nug lag amu od manak dayebeb, nug lag amuppa nokku amu, nug am Kayak ele ouqa dayaknu elele iitta daakku. Nug anamib dayeb ukkeb, tueb batakku.

Lewitikas 15:15

Am mana mettak danab nug appa ai aɗit amuppa mana mettak hekku; laa amu ib etta hipunin haknu ofa, laa am manaknu ofa. Ib amuppa mana mettak danab nug doɗ amu mana, Kayak metta, nug Yawe noobppa heeb, leppu nak iitta meum, amunu dubuttid danab amuppa daatte Kayaknu neekkakppa iitta mekkunu hak am elele medakku.

Lewitikas 22:6

Am mana mettak danab laa nug ib anamppa Kayak ele ouqa dayaknu elele iitta daakku dayeb amu, nug anam dayeb ukkeb, uudokku. Nug ofa oppiaawak ele, nug amu ii lakkuoitte, ukkeb le layowa, nug lakku.