Lewitikas 11:24 - Nobonob Baibel

²⁴ Doɗ amu ag heppeg, ag Kayak ele ouqa dayaknu elele iitta daaglag. Aun laa nug amunu laa mauhom gaɗa lauɗidkku amu, nug Kayak ele ouqa dayaknu elele iitta dayeb ukkeb, tueb batakku.

Lewitikas 11:24 Referans Kwoze

1 Jon 1:7

Amge Nug nukka amahlakppa daatte, amubia ig amahlakppa oittem dayeb amu, ig oh nug oo laippu ele nug doya dayakppa daattem, amu Nug Bekka Jesus, Nug tiig ihinig hipunin oh mihehe, ig oppiak daattem.

Hibru 9:26

Nug laa hetteb bia helo amu Nug haen kuɗum, Kayak wan heum uɗie, gemu haen imu ele guittak awawa daalo, amge anam iitta. Haen nakok malele, Kristus Nug haen laippu aakkuib wanppa na, hipunin uhuqkkunu nukka Nug beɗu mana mettak bia Kayak mettom.

Kolosi 2:20

Ag am Kristus ele oh laippu mauhppig amunu, ag wan imuppan ɗo, ɠagattag iitta ele, ag ɗo amu uuppig dayeb, aɗinu gemu ag eɗun wan danab oitteb bia oitteb? Am aɗinu ag eɗun ɗo meu iitta amu waappa daatteb? Ɗo amuam inam.

Epesus 5:11

Gatatu uɗat, meu iitta ele, dimittim danab ag hetteb ele amu, ag anam aib heppig. Iitta. Ag gatatu uɗat am nau, ag amu miag atippeg, danab ah oh antteg!

2 Korint 6:17

Nug anam aum, amu Nug baula ele aum. “Anam amunu, ag ahan hipunin danab uuadna, ag gona, aben laih piɗe daaglag. Ag keeke Kayaknu neekkakppa dubuttid ele aib aɗappig. Am ag anam heppeg, geha da dakka ag diiatten,

1 Korint 15:33

Hambuppualadmananude dabmeig! Danab nau ag anam maditteb ele amu, ig ag ele oignig amu, geha ag ihinig dabmak heppeg kabolieb, ag oitteb bia oignig.

Aisaia 22:14

Yawe Nukka Ɠagattag Oh Ele, Nug nukka da gumiɗa na, Nug nai imu da daulppa aum. “Danab amu, ahilag hipuninnu amu, laa nug eheɗ hak amunu noob aɗi uɗat naɗippa heeb, am iitta ii mema; ukkeb, ukkeb, haen ag mauhkkulag batak.” Nai amuam Naɗi, Nug Yawe Nukka Ɠagattag Oh Ele, am nuhig nai aakku.

Lewitikas 11:31

Doɗ naunau, ag oolag wan qeeqe oitteb oolagppanu amu, doɗ naunau amu oh ag ii lamananu epeɗiak daatte. Haen aun laa nug doɗ amunu laa mauhom gaɗa aɗakku amu, nug Kayak ele ouqa dayaknu elele iitta dayeb ukkeb, tueb batakku.

Lewitikas 11:8

Ag doɗ amu teppulkad ii lamana; o iitta mauhppig, ag beɗulag ele ii lauɗadmana. Doɗ amuam ahilagnu ag ii lanaknu epeɗiak daatteb.

Lewitikas 11:23

Ag amu lakkulag, amge keeke laa oh ag haulkad ele, amu ag wanppa ele baelkad waɗeleppa oitteb ele, ag amunu oolagppa uuaknab doona, ag ii lakkulagoitte.

Lewitikas 11:25

Laa nug doɗ amunu laa mauhom, gaɗa aɗa maweb gokku dayeb amu, nug nuhig lamen ihadkkuoitte. Nug Kayak ele ouqa dayaknu elele iitta dayeb ukkeb, tueb batakku.

Lewitikas 22:4

⌊Amu Yawe Nug tuɗitta, Moses amegppa aum.⌋ “Am mana mettak danab Aron buɗub laa ag gaɗa oɗe nau ele, o ag beɗuppan leppu nau nette ele, amu he, ag Kayak ele ouqa dayaknu elele iitta, amu ag ofa Kayaknu tituanak daatteb ele, ag mana mettak amu ii lamana. Ag daappeg, mana mettak danab nug ag Kayak ele ouqa dayaknu elele ab doona, ag lakkulag. Am mana mettak danab laa nug aɗi keeke laa, keeke amuam mauhak gaɗa lauɗittomte, o keeke laa beɗu hipab leppu nak aɗom lauɗittomte, diig amunu keeke amuam Kayaknu neekkakppa dubuttid teum daatte ele, amu mana mettak danab amu nug keeke amu aɗakku dayeb, nug Kayak ele ouqa dayaknu elele iitta daakku.

Lewitikas 5:2

O iitta, aun laa nug aɗi keeke Kayaknu neekkakppa dubuttid ele daatte, amuam doɗ dakkuɗ laa ii lanaknu epeɗiak daatte gaɗate, o doɗ manan laa, ii lanaknu epeɗiak daatte gaɗate, o doɗ laa ag oolag wan qeeqe oitteb, ag ii lanaknu epeɗiak daatteb gaɗate amu, nug amu laa aɗakku dayeb, nug aakku Kayak ele ouqa dayaknu elele iitta daakku. Nug aɗom iitai dookku, amge ib amuppa nug Kayak ele ouqa dayaknu elele iitta daya, beɗuppa aab ele daakku. Amu nug doɗ dakkuɗ laa anamtai, o doɗ manan laa anamtai, o doɗ naunau wanppa oitteb laa anamtai aɗakku amu, doɗ anam amu oh ag heppeg, nug Kayak ele ouqa dayaknu elele iitta.

Lewitikas 7:21

Aun laa nug aɗi keeke Kayaknu neekkakppa dubuttid ele daatte, amuam danab Yawe ele ouqak daakkunu elele iitta, o doɗ ii lanaknu epeɗiak daatte, o aɗi keeke laa Kayaknu neekkakppa dubuttid ele, laa nug amu aɗowa, nug laippu dayaknu ofa, auntai Yawenu ha mettom ele amu, nug doɗ amu teppu laa awa lakku dayeb, nug Israel oolagppanu geɗittak daakkuoitte,” awa aum.

Lewitikas 14:46

Aun laa nug lag amu od manak dayebeb, nug lag amuppa nokku amu, nug am Kayak ele ouqa dayaknu elele iitta daakku. Nug anamib dayeb ukkeb, tueb batakku.

Lewitikas 15:5

Aun laa nug laa amunu niiak aben aɗatte amu, nug lamen nuhig mihalatta, nug le ele laakkuoitte. Anam ha, nug Kayak ele ouqa dayaknu elele iitta dayeb ukkeb, tueb batakku.

Lewitikas 15:6

Aun laa nug laa beɗuppan leppu na, keeke qeum ele, amuppa heɗep na daatte amu, nug lamen nuhig mihalatta, nug ele le laakkuoitte. Nug Kayak ele ouqa dayaknu elele iitta dayeb ukkeb, tueb batakku.

Lewitikas 15:7

Aun nug laa beɗuppan leppu nette ele nug lauɗidtte, nug nuhig lamen iha, nug le ele laakkuoitte. Nug am Kayak ele ouqa dayaknu elele iitta dayeb ukkeb, tueb batakku.

Lewitikas 15:8

Aun laa nug beɗuppan leppu nette amu, nug hunueb ukka, laa nug Kayak ele ouqa dayaknu elele laidkku dayeb amu, laa amu nug lamen nuhig mihalatta, nug ele le laakkuoitte. Nug Kayak ele ouqa dayaknu elele iitta dayeb ukkeb, tueb batakku.

Lewitikas 15:10

Aun laa nug aɗi keeke danab beɗuppan leppu nette ele dayomppa lauɗidtte amu, nug Kayak ele ouqa dayaknu elele iitta dayeb ukkeb, tueb batakku. Aun nug keeke amu maotte amu, danab amu nug lamen nuhig mihalatta, nug le ele laakkuoitte. Nug Kayak ele ouqa dayaknu elele iitta dayeb ukkeb, tueb batakku.

Lewitikas 15:11

Aun laa nug beɗuppan leppu nette ele, nug eppeg tatam ii mihowa, laa beɗu aɗatte dayeb amu, laa amu nug lamen nuhig mihalatowa, nug le ele laakkuoitte. Nug am Kayak ele ouqa dayaknu elele iitta dayeb ukkeb, tueb batakku.

Lewitikas 15:15

Am mana mettak danab nug appa ai aɗit amuppa mana mettak hekku; laa amu ib etta hipunin haknu ofa, laa am manaknu ofa. Ib amuppa mana mettak danab nug doɗ amu mana, Kayak metta, nug Yawe noobppa heeb, leppu nak iitta meum, amunu dubuttid danab amuppa daatte Kayaknu neekkakppa iitta mekkunu hak am elele medakku.

Lewitikas 15:21

Aun laa nug ah amunu niiak aben lauɗidkku dayeb amu, nug nuhig lamen mihaladkkuoitte. Nug le ele layowa, nug Kayak ele ouqa dayaknu elele iitta dayeb ukkeb, tueb batakku.

Lewitikas 15:22

Ah laa anam ele, nug keeke laa qaɗeppa heɗep na dayom ele, aun laa keeke amu lauɗidkku amu, nug lamen nuhig ihalatta, le laakkuoitte. Nug Kayak ele ouqa dayaknu elele iitta dayeb ukkeb, tueb batakku.

Lewitikas 15:23

Keeke amuam niiak balalte, o iitta dayak balalte, o keeke laa oh ele, amge laa nug keeke amu lauɗidkku dayeb amu, nug Kayak ele ouqa dayaknu elele iitta dayeb ukkeb, tueb batakku.

Lewitikas 15:27

Aun laa nug ah amunu niiak aben lauɗidkku, o nug keeke laa ah nug qaɗeppa dayom ele, nug amu lauɗidkku dayeb amu, nug Kayak ele ouqa dayaknu elele iitta daakku. Nug lamen nuhig ihalatta, le ele laakkuoitte. Nug Kayak ele ouqa dayaknu elele iitta dayeb ukkeb, tueb batakku.

Lewitikas 16:26

Amu laa nug hipunin mawa atu taɗakppa ukkaknu meeme amu awa ukka mekkunu otippig ele amu, nug anam ha mala, nug lamen nuhig miha, nukka le ele laakkuoitte. Anam hewowa, nug haen tutu dayaknu aab kalakppa eɗua dokkun elele.

Lewitikas 16:28

Laa nug keeke amu manadtte ele, nug nuhig lamen ihalatta, nug ele le laakkuoitte. Nug amu ha malowa, nug haen tutu dayaknu aab kalakppa eɗua dokkun elele.

Lewitikas 22:5

Nug aɗi diignu, nug doɗ laa ag oolag wan qeeqe oitteb laa aɗakkutai, o nug danab o ah laa Kayak ele ouqak daakkunu elele iitta aɗakkutai, o nug aɗi keeke heeb, o aɗi keeke nuhigppa beeb, diig amunu nug Kayak ele ouqak daakkunu elele iitta daakku amu, nug aakku Kayak ele ouqak daakkunu elele iitta.

Lewitikas 22:6

Am mana mettak danab laa nug ib anamppa Kayak ele ouqa dayaknu elele iitta daakku dayeb amu, nug anam dayeb ukkeb, uudokku. Nug ofa oppiaawak ele, nug amu ii lakkuoitte, ukkeb le layowa, nug lakku.

Namba 19:7

Amu dimppa mana mettak danab nug lamen nuhig iha, nug ele le laakku. Nug anam hewowa amu, nug haen tutu dayaknu aab kalakppa eɗua dokku, amge nug da, Yawe, nug da ele ouqa dayaknu elele iitta dayeb ukkeb, tueb mekku. Tueb meeb amu, nug da ele ouqa dayaknu elele.