Lewitikas 1:3 - Nobonob Baibel

³ Am laa ⌊nug ofa mameg,⌋ nug manaknu ofa hekkunu haaha, nug makau awa dotte dayeb, Yawe Nug mana mettak amunu ena doya aokkunu amu, ofa mameg nug makau dawai laa beɗuppa eheɗ laa iitta ele awa doa, nug Yawe gumitta ukka, mettid haknu peh lag danab ah appa qagmetteb ele, nug lag amu odppa, Yawe medakkuoitte.

Lewitikas 1:3 Referans Kwoze

Duteronomi 15:21

Amge doɗ tatam amu, ag beɗulagppa eheɗ laa daakku dayeb, amuam baeg nau autaut oiyakte, ameg gaɗuakte, o iitta ag beɗulagppa eheɗ laa ele dayeb amu, diig amunu ag Yawe, ahilag Kayak, ag nuhignu aib mana mettak heppig.

Hibru 9:14

amge gemu, ig Kayak bauklel ele waappa daat Nug oɗe dim lamidkkunignu ig Kristus tiigppa genab oppiaawak daagnignu elelenab. Aɗinu? Kristus Nug beɗuppa eheɗ laa iittanab, Nug Kayak Ouɗi hanhan daatte ele, nuhig ɠagattagppa, Nug nukka Nug beɗu, mana mettak bia, Kayak mettom amunu, Nug tiig ig beɗunigib ii ihom. Iitta! Ig Kayak bauklel waappa daat, nuhig uɗat hekkunignu Nug tiigppa ihinig hak nau, hak amuam danab mauhakppa omaladna gotteb amu, am hak nau amu oh uhuqa mekkak daatteb.

Eksodas 12:5

Amu ag anen anen doɗ sipsip gaiɗ laa, o meeme dawai laa, maɗ laippu awak ele, ag amu laa tituaneg! Ag doɗ sipsip, o meeme nug beɗu enaib daatte tituaneg! Laa nug beɗu ihi mettak ele, o nug eppeg baeg keeke kaliak ele, o beɗuppa uug aɗi laa daatte ele amu, ag doɗ amubia aib aoppig.

Epesus 5:27

amu Kristen tamaniak Nug noobppa enanagnab, dubuttid, o keeke nau laa ele iitta, enanag, oppiaawak, ooppa kaliak laa iitta ele, ba dayebeb aokkunu, Kristus Nug bau dayak nuhig uua mauhom.

Duteronomi 17:1

Ag makau okkai ebehi ele, o sipsip oɗe mak ele, o makau okkai ebehi ele, o sipsip ag beɗulagppa eheɗ ele, ag amu aon main, Yawe, ahilag Kayak, Nug aib medappig. Nug anamnu amu, Nug ooppa uuaknab dootte amunu, ag anam aib heppig.

Hibru 7:26

Mana mettak ikki danab anam nug ig ehanigkkunu daakkunu am enanag. Nug am oppiaawak, ooppa kaliak laa iitta. Nug oppiak ele, hipunin danab bia ele iitta. Nug onig attannab tak daatte.

Epesus 2:18

Amunu ig ameg aɗit amu, ig oh Kristusnu uɗat okkaippa, Kayak Ouɗi laippunu ehanittakppa, ig oh Mame toppa gokkunignu elele.

Genesis 22:8

Aisak anam a amu, Abraham nug aum. “O mam, Kayak Nug nukka Nug manaknu ofa, Nug amunu sipsip nag metakku,” awa aum. Nug anam awa a amu, aa gopiɗ.

Jon 1:36

Ag anam daanna, Jon nug Jesus eɗitta ugekke antta, nug aum. “Antteɗ! Umu am Kayaknu Sipsip Nag,” awa aum.

2 Korint 9:7

Ag anen anen oh ahilag dabmakppa, ag akka ag oolag tutukku elele anidna, ahilag dabmakppa gane mattaglagnu dabmak aon, matteg! Danab laa nug keeke oo qeebeb, ehanittak keeke maama, dabmak nuhigppa, “Ag ɠagattag wagai mena heppig amunu, da mattami,” ii dabmema. Iitta. Kayak Nug danab nug oo gamag ahehe, ehanittak keeke laa medatte, Nug nuhignu ooppa ena dootte.

Malakai 1:14

Aun laa nug sipsip dawai enanag mana meɗakkunu nai anan qakkom dayebeb, nug nau laa awa, mana meɗakku am enate? Iitta! nug eheɗ laa awaknu anak waappa daakku! Aɗinu? Da am king okkai; wanppan wan ohnu danab ah ag dahilnu ebehilag oh bodoetta le mekkunu daatteb!” Yawe Nukka Ɠagattag Oh Ele Nug anam atte.

Esekiel 20:40

Amu Naɗi Yawe Nug atte. “Aɗinu ⌊ag heppeg, da onil oppiaawak ele laa dilag neekkakppa nauhak ii daama⌋? Deɗ amu uɗieb amu, ag Israel, ag dahil qauko dahilnu tituanak daatte ele, qauko amuam Israelnu qauko okkainab, ag appa da waalppa daan, ag da oɗel dim lamidkkulag. Ag appa anam heppeg, da ag doyatte diiadkkul. Qauko amuppaib ag doɗ main meɗaglagnu, ag keeke dahil daakkunu hamu meɗaglagnu, ag keeke dahilnu tituanak daatteb ele manan meɗaglagnu haknunab appi dooglag.

Sam 110:3

Deɗ na kekeɗ nahip eɗadkkutnu banelag gokkut amu, nahipad ban danab ag gamag ahak doon, dim lamidkkulag. Ao, nahipad ban danab ag nid bau kuɗum, ɠagattag ele, ag genab nahipnu tituanak daatteb amu, ag na dim lamidkkulagnu buttuanab ahan daaglag.

Sam 40:8

O dahil Kayak, nahip dabmaknab awak aɗi daatte amu, da amu hekkulnu ool daatte. Yo, nahip ɗo amu, da oolppa memi daatte”.

Namba 29:13

Deɗ digmakppa ag aab aɗunu ofa hekkulag. Mana mettak amunu muttuɗignu Yawe Nug ooppa ena dookkunu, ag makau gaiɗ 13 laa, sipsip dawai aɗit, sipsip gaiɗ 14 maɗ laippu awak ele, doɗ oh beɗulagppa eheɗ laa iitta ele amu aon, Yawe gumidna wana, Nug mettaglag. Amuam manaknu ofa aakku.

Lewitikas 3:1

Am laa nug laippu dayaknu ofa hekkunu haaha, nug makau awa dotte dayeb, nug makau dawai laa, o makau anig laa awa, mana mettak hekku. Amu nug doɗ awa, Yawe gumitta doa, nug medatte amu, nug laa beɗuppa eheɗ laa iitta ele awa dokku.

Eksodas 24:5

Dimppa nug he, Israel dilag nid danab bau laala ag gona, ag makau gaiɗ, manaknu ofa, laippu dayaknu ofa ele daaglagnu manadna, Yawe medappig.

Genesis 22:13

Engel anam a, Abraham eɗua neekke ukke, sipsip dawai qeqeɗi ad eppegppa aolak dayeye antta awa, manaknu ofa daakkunu mana, Kayak mettom. Sipsip amu nug Aisak ou dayaya, abenab awom.

Jon 10:9

Da am od daattem. Laa nug dahilppa doa, aɗ ooppa nokku amu, nug Padal ii maknu ehanittak awa daakku. Nug ooppa doa, eɗua dimittim ukka, ee antta lakku.

Luk 1:35

Anam a amu, engel nug oɗeppa awa aum. “Geha Kayak Ouɗi nahip-ppa uɗieb, Kayak Attannab Laa Oh Eɗattak, nuhig ɠagattag na tonidkku amunu, na nid oppiaawak ele menukkut amu, ag nuhignu, ‘Kayak Bekka,’ aona akkulag.

Aisaia 1:11

Am Yawe Nug inam awa atte. “Ag doɗ kuɗum main meɗatteb, amge da amunu ool ii hette. Ag sipsip dawainu manaknu ofa hena, amu doɗ ittag huanak ele, ag doɗ amu ittag main meɗatteb, amge da matu elele aomi; da baula aokkulnu ool iinab daatte. Ag makau dawai, sipsip gaiɗ, meeme dawai ele manadna meɗaglagnu henana, ag baalag otaɗattegeg, tiilag nette, amge da tiilag amunu oolppa ena ii doottem.

Eksodas 32:6

Nug anam a, wagɗe deɗ amuppa amu, danab ah ag manaknu ofanu doɗ manadna, ⌊dottog amu⌋ mettona, ag laippu dayaknu ofanu doɗ ele manadna ⌊dottog amu⌋ medappig. Danab ah ag ofa amu mettona, ag ee, le ele lawona, ag ahan gona, ahi uɗa nak ele goɗappig.

Eksodas 29:42

Mana mettak amu, amuam manaknu ofa, amu buɗub buɗub doobob, ag amu hanhan maɗ ohppa anamib haknu daakku. Ag hanhan da Yawe, da noolppa, dahil mettid haknu peh lag danab ah appa qagmetteb ele, peh lag amu odppa ag anam hekkulag. Aben amuppa amu, da na ele qagmeɗa, da na ele nai mattignih amu,

Eksodas 29:18

na sipsip dawai amu oh qaɗabppa main, da meɗe! Amuam da, Yawe, da meɗaknu manaknu ofa. Ao, amuam da, Yawe, da meɗaknu aab aɗunu ofa. Mana mettak amunu muttuɗignu da, Yawe, da oolppa ena doottem.

Genesis 22:2

Abraham anam a amu, Kayak nug amegppa aum. “Na nahip nid laippunab, Aisak, na nuhignu oot mauhtte ele amu, na nug aon, wan atu onig Moria gona, appa qauko laa da na ippunidkkul, amuppa na nugppa manaknu ofa he!” awa aum.

Genesis 8:20

Ag nona malaeg, Noa nug qaɗab qa, nug doɗ, ai ele iɗu iɗu oh mana mettaknu elele, nug amu laippu laippu diiatta, manaknu ofa daaglagnu manatta, Yawe mettom.

Sekaraia 13:7

Yawe Nukka Ɠagattag Oh Ele Nug atte. “Qep elab, na ahan, dahil sipsip gumak danab qe! Ge, qep elab, na danab da gukkuiɗak daatte ele qe! Qep elab am sipsip gumak danab qeeb amu, sipsip, ⌊dahilad danab ah amu,⌋ ag oolna, matatun gokkulag. Anam, amge da dahiladnab sipsip gumak danab sipsip nakkud bekkadtte bia atognoadkkul.

Namba 23:3

Aa makau dawai, sipsip dawai ele mana mettak hewoya amu, Balam nug Balak amegppa aum. “Na inam manaknu ofa nahip guman daappe, da dakka am laih wakkul. Da anam wain daappi, Yawe geha da gumiɗa nekkutai. Nug gumiɗa na, Nug aɗi keeke laa ippuniɗkku amu, da na amenppa akkul,” awa aum. Balam nug anam awowa, nug qauko laa attannab haɗaettak amuppa teum.

2 Korint 8:12

Danab nug layag ehanitta, keeke medatte, nug ele kobol amunu oo huan daatte dayeb, Kayak kobol amunu elele ena dootte. Kayak Nug danab nug nuhig keeke aɗi aɗi ele, amu ohnu aakku dabmaama, danab amunu kobol amu hettoɗidtte. Danab nug keeke nakokib amge nug laa ehanadkkunu nuhig keekeppanu nakok madatte amu, Kayak noobppa am danab keeke kuɗum ele am nug laa ehanadkkunu nuhig keekeppanu keeke kuɗum madatte bia daatte.

Jon 10:7

amunu, Jesus Nug nai laa mattiaya aum. “Da genabnab genab ag amelagppa attem. Da am ⌊hab aabppa ukkaknu⌋ od oɗe, sipsip ag aɗ ooppa nokkulagnu od oɗeppa notteb, amubia.

Namba 23:19

Danab ag hambubutteb, amge Kayak Nug am danab iitta, amu Nug ham-ii-bubutte. Ao, danab ag ahilag dabmak baolitteb, amge Nug am danab bekka iitta, amu nug nuhig dabmak ii baolitte. Yawe Nug keeke hekkunu atte amu, Nug hette. Nug keeke hekkunu nai ana qagatte amu, Nug genab anamib aakku hette.

Lewitikas 17:9

nug mettid haknu peh lag danab ah appa qagmetteb ele, ag lag amu odppa Yawe mettaknu ii awa watte amu, nug Israel oolagppanu geɗittak daakkuoitte.

Lewitikas 4:23

Haen nug hipunin heum doya amu, nug meeme dawai laa, eheɗ laa beɗuppa iitta ele amu awa, nug hipunin heumnu mana mettak hekkunu wakkuoitte.

Eksodas 35:5

Ag keeke aɗatteb oolagppanu amu, ag aun aɗi ag ofa laa gemu Yawe mettaglagnu oolag daatte, ag danab ah amu ag amu aon metteg! Keeke ag Nug mettaglagnu daatteb am inam: gol, silwa, bras,

Eksodas 29:4

Amu dimppa na Aron bekkod ele omaladna gona, dahil mettid haknu peh lag danab ah appa qagmetteb ele, na ag lag amu odppa maadna heppe, ag le layeg!

Lewitikas 17:4

amge nug doɗ amu awa, mettid haknu peh lag danab ah appa qagmetteb ele, nug lag amu odppa, Yawe gumitta, doɗ amu mana, Yawe medakkunu ii uɗitte dayeb, nug am danab laa nug hipunin okkai ha, layag qe mauhtte, hipunin amubia hekku. Nug aɗi heum ele, amuam danab laa qe mauhak bia heum amunu, nug Israel oolagppanu geɗittak daakkuoitte.

Lewitikas 16:7

Anam hewowa, nug meeme dawai aɗit diiata, nug mettid haknu peh lag danab ah appa qagmetteb ele, nug lag amu odppa, Yawe noobppa maatkku.

Lewitikas 8:21

Amge Moses nug tatam gamagppan keeke, amuam oo, biig, uɗuag, keeke amubia, amu baekkud ele oh leppa ihalattowa, nug qaɗabppa sipsip dawai amu oh manaknu ofa ha manom. Amuam Yawe mettaknu aab aɗunu ofa aakku. Mana mettak amunu muttuɗignu, Yawe Nug ooppa ena dootte. Imu oh amu Yawe Nug Moses anam hekkununab aum bia heum.

Lewitikas 8:18

Moses anam hewowa amu, nug sipsip dawai laa, manaknu ofa haknu awa, Yawe gumitta wana, Nug mette, Aron, nug bekkod ele ag eppelag igippa meppig.

Lewitikas 7:16

Amge aun laa nug nai genab ana qakkaknu ofa hekkunu, o laa ɗo hamu mettaknu ofa hekkunu doɗ awa watte amu, doɗ teppu amu, deɗ amuppa lanaknu; amge laih laa daakku dayeb, wagɗeb deɗ amuppa lanaknu elele.

Eksodas 38:1

Amu ag ad akasia aon, manaknu ofa haknu qaɗab, elab nuhig am 2 mita, 20 sentimita ele, emaitak nuhig am ele 2 mita, 20 sentimita ele, amu attan nuhig am 1 mita, 30 sentimita ele, ag qaɗab amu heppig. Elab nuhig am emaitak nuhigbiaib dayom.

Eksodas 36:3

Nug e, ag uɗieg, Moses nug danab ah keeke Yawe mettaglagnu, mettid haknu peh lag hekkulagnu aon uɗippig ele amu, nug keeke amu oh danab amu eppelagppa meum. Nug eppelagppa me, am Israel danab ah ag tuɗidna, deɗ oh buttua, ɗo hamu mettaknu ofa amu hena, akkan uɗin, Yawe medattappig.

Eksodas 35:29

Am Israel danab ah, ag oolag heum ele amu, ag keeke amu oh ɗo hamu mettaknu ofa hena, aon uɗin, Yawe medappig. Yawe Nug Moses oɗeppa ag uɗat digdig hekkulagnu ag amelagppa aum amunu, ag uɗat amunu keeke amu oh aon uɗippig.

Eksodas 35:21

am aun aɗi ag Mosesnu nai amu doon, ag oolag he, ahilag dabmak ele ag oolag ye, ag Moses aum bia hena, keeke digdig ofa daakkunu Yawe mettaglagnu aon doppig. Keeke ag aon doppig ele amu, keeke amuam mettid haknu peh lag danab ah appa qagmetteb ele, peh lag amu haknu, amuppa uɗat hekkulagnu keeke haknu, amu mana mettak danab dilag lamen haknu ele. Lamen amuam Yawenu tituanak daatteb.

Namba 23:30

Balam nug anam a amu, Balak nug, nug aum bia ha, Balak nug makau gaiɗ, amu sipsip dawai ele qaɗab anen anenppa manattom.

Duteronomi 12:27

Ag manaknu ofa hena, ag Yawe, ahilag Kayak, ag nuhig qaɗabppa teppu, tiig ele oh manan mettaglagoitte. Aria, mana mettak hak laa amu, ag amunu tiig am, Yawe, ahilag Kayak, nuhig qaɗab daugppa gokkaɗkkulag, amge teppu amunu ag lakkulagnu elele.

Namba 23:27

Balam nug anam a amu, Balak nug Balam amegppa aum. “Doppe, da na awitte, aben laappa ukkei, appatai Kayak Nug na dahilnu ag eheɗ laa awaknu anak waappa daaglagnu nai akkutnu oo ena dookkutai,” awa aum.

Lewitikas 1:10

Am laa nug manaknu ofa hekkunu haaha, nug doɗ aɗppanu sipsipte, o meemete laa awa dotte amu, nug sipsip dawai laa, o meeme dawai laa, beɗuppa eheɗ laa iitta ele awa dokkuoitte.

Lewitikas 4:15

Appa amu, tamaniak ikki danab ag Yawe noobppa eppelag makau gaiɗ amu igippa mewona, Yawe noobppa baag otaɗkkulagoitte.

Lewitikas 6:8

Amu Yawe Nug Moses amegppa aum.

Lewitikas 17:8

Yawe Nug Moses amegppa, nug anam akkunu ana, nug ele amegppa aum. “Na inam ele appe doyeg!” awa aum. ⌊Nug anam a amu, Moses nug ag amelagppa aum.⌋ “Ɗo imuam Israel danab, wan laihnu danab, ag uɗin, ag oolagppa daatteb ele, ag oh tonadtte. Am aun laa nug manaknu ofa, o mana mettak laa ha,

Namba 15:3

ag anen anen deɗ laala aab aɗunu ofa henana, Yawe mettaglagnu doɗ aon, Nug gumidna wana, Nug mettaglag. Ag mana mettak hena, doɗ maippeppeg, muttuɗig teebeb, Yawe Nug mana mettak amunu muttuɗignu ooppa ena dookku. Doɗ laala amu makau, laala amu sipsip, o iitta meeme. Mana mettak amuam manaknu ofa, o iitta mana mettak laala daaglag. Mana mettak amuam nai genab ana qakkaknu ofatai, o iitta mana mettak amuam ɗo hamu mettaknu ofatai, o iitta mana mettak amuam hobul dayaknu haen epeɗiaknu ofatai. Amge ag aɗi mana mettak aon, Yawe gumidna wana mettaglag amu, auntai laa nug anam hette amu, nug ee aegnu ofa ele awa, Yawe gumitta ukka medakku. Mana mettak amu haknu am 1 kilogram plaua enanag, 1 lita goɗen ele kabolia, mana Kayak medakku.

Namba 15:8

Ag makau gaiɗ laappa Yawenu manaknu ofa hekkulagtai, o iitta ag makau amuppa nai genab ana qakkaknu ofa hekkulagtai, o iitta ag laippu dayaknu ofa hekkulagtai.

Esekiel 40:39

Oo amuppa amu balal waɗele daatteb; aɗit am oo laihppa daattep, aɗit laa am laih daattep. Amu ag balal amuppa manaknu ofanu doɗ teppu, ib etta hipunin haknu ofanu doɗ teppu, amu eheɗ haknu ofanu doɗ teppu ele meppig.

Lewitikas 4:3

Laa amu hekku, nug mana mettak ikki danab daatte dayeb, nug Israel oh ag hipunin hekkulagnu elele daatteb bia hipunin hekku dayeb, nug Yawe toppa makau gaiɗ laa, ib etta hipunin haknu ofa daakkunu, beɗuppa eheɗ laa iitta ele amu awa, Yawe gumitta ukka, Nug medakuoitte.

Lewitikas 4:32

Am laa nug ib etta hipunin haknu ofa hekkunu haaha, nug sipsip awa dotte dayeb, nug sipsip balat eheɗ laa beɗuppa iitta ele, amuppa hekkuoitte.

Lewitikas 5:15

“Aun nug Yawe ippunittomnu oo metta ii uuak kobol ii dim lamitta, nug ii doyaya ib apiɗitta, aɗi keeke laa, amu Yawenu tituanak daatte amu, nug Yawe medakkunu daatte ii medatte, nug hipunin aakku hette. Laa anam hekku amu, nug aakku hipunin heum daakku amunu, nug sipsip dawai laa eheɗ haknu ofa haknu awa, Yawe toppa wakkuoitte. Doɗ amu nug beɗuppa eheɗ laa iitta ele daakku, amu doɗ amu nug doɗ ena laa silwappa daden metteb, am nuhig noob am, amubia daakkuoitte. Silwa amunu uug am, mana mettak lagnu melemel bia dayaɗ! Amuam eheɗ haknu ofa aakku.

Lewitikas 5:18

Nug anam hewowa, haen nug eheɗ heum doya amu, nug sipsip dawai, eheɗ haknu ofa hekkunu awa wakkuoitte. Doɗ amu nug beɗuppa eheɗ laa iitta ele daakku, amu doɗ amu nug doɗ ena laa silwappa daden metteb, am nuhig noob am amubia daakkuoitte. Mana mettak amuppa amu, mana mettak danab nug hipunin danab amu ii doyaya heumnu heeb, eheɗ haknu nob nau doɗ tiigppa iitta meeb elele metteb, Kayak Nug uhuqa medakku.

Lewitikas 6:2

“Laa nug Yawe ippunittomnu oo metta ii uuak kobol ii dim lamitta, hipunin imu laa qekkutai: Nug laa dilag keeke, nug atognotte ele, nug amunu hambuppuak laa hekkutai, o nug aɗi laa hekkunu ana nai qakkom, nug amunu hambubukkutai, o nug keeke laa yab aokkutai, o nug laanu keeke nai mattiak nauppa, o ib eheɗ laappa aokkutai.

Lewitikas 9:2

Nug he, ag qagmeeg, Moses nug Aron amegppa aum. “Ib etta, hipunin haknu ofa nahipnu haknu, na makau gaiɗ laa, amu manaknu ofa nahipnu haknu, na sipsip dawai laa ele, doɗ aɗit amu oh aa beɗulahppa eheɗ laa iitta ele amu, na doɗ amu diiatna, Yawe gumidna wana, Nug mette!

Lewitikas 14:10

Am deɗ laa, deɗ eblaih ewamppa amu, laa nug beɗu ena dayom ele nug sipsip gaiɗ aɗit, amu sipsip balat laippu, maɗ laippu awak ele, ag beɗulagppa eheɗ laa iitta ele, amu 3 kilogram plaua enanag olip goɗenppa kaboliak, ee aegnu ofa daakkunu, amu olip goɗen kap aɗit ele diia, wakkuoitte.

Lewitikas 23:12

Deɗ amuppaib ag sipsip gaiɗ maɗ laippu awak ele, beɗuppa eheɗ laa iitta ele amu, ag doɗ amuppa manaknu ofa Yawenu hekkulagoitte;

Lewitikas 23:18

Bret amu ele ouqak amu, ag sipsip gaiɗ eblaih aɗit ele maɗ laippu awak ele, beɗulagppa eheɗ laa iitta ele amu, makau gaiɗ laippu, amu sipsip dawai aɗit ele diin, Yawe gumidna wana, Nug mettaglag. Amuam Yawenu manaknu ofa aakku. Ee aegnu ofa, amu wain gokkaɗaknu ofa ele amu, Yawe Nug ag haen anen anenppa manan mettaglagnu aum amu, ag amu ele heig! Mana mettak amuam aab aɗunu ofa aakku. Mana mettak amunu muttuɗignu, Yawe Nug ooppa ena dootte.

Namba 19:2

“Da Yawe, da ag Israel, ag ɗo imu dim lamidkkulagnunab attem. Aa apeɗ, Israel danab ah ag makau balat laa, ag na, Moses, ag na mettaglagnu aon uɗieg! Makau balat amuam kokoɗ, nug beɗuppa eheɗ laa iitta daakkuoitte. Amu ele, nug keeke eeɗkkunu nug doɗnu duugppan tuqai nug duugppa ii qakkak ele daakkuoitte.

Namba 28:11

Yawe Nug anam anana amu, Nug tuɗitta aum. ⌊“Na Israel danab ah amelagppa, ag hekkulagnunab inam appe doyeg!” awa aum. Nug anam a amu, Moses nug Israel amelagppa inam aum.⌋ “Kalam anen anen dilag deɗ 1ppa amu, ag makau gaiɗ aɗit, sipsip dawai laippu, sipsip gaiɗ eblaih aɗit ele maɗ laippu awak, ag amu aon, Yawe gumidna wana, manaknu ofa hena, Nug metteg! Doɗ amu oh ag beɗulagppa eheɗ laa iitta.

Namba 28:19

Deɗ amuppa amu, ag Yawenu aab aɗunu ofa hena, amunu doɗ aon, Yawe gumidna wana, Nug metteg! Amuam manaknu ofa daakku. Ag mana mettak amu hekkulagnu amu, ag doɗ imu main, Nug mettaglag: makau gaiɗ aɗit, sipsip dawai laippu, sipsip gaiɗ maɗ laippu awak ele eblaih aɗit ele. Amu oh ag beɗulagppa eheɗ laa iitta.

Namba 28:31

Ag mana mettak amu henana, ag wain gokkaɗaknu ofa ele hekkulag. Ag manaknu ofa hanhan hetteb amu henana, ee aegnu ofa ele oh hena, ag mana mettak amu hena, ag imu ele oh hekkulag. Doɗ laippu laa beɗu nauhak laa ele daamanu dabmena autna aweg!” awa aum.

Namba 29:2

Yawe Nug mana mettak amunu muttuɗignu ooppa ena dookkunu, ag makau gaiɗ laippu laa, sipsip dawai laippu, sipsip gaiɗ eblaih aɗit ele maɗ laippu awak, doɗ oh beɗulagppa eheɗ laa iitta ele amu, ag amu manan, Yawe mettaglag. Amuam manaknu ofa aakku.

2 Stori 29:32

Danab ah ag manaknu ofa hena Yawe mettaglagnu amu, ag makau dawai 70, sipsip dawai 100, sipsip gaiɗ 200 ele diin uɗippig. Doɗ amu oh amu, ag manaknu ofa hekkulagnu akkan uɗippig.

2 Stori 35:12

Amu Lewi buɗubppan mana mettak danab iitta, ag amu hewona, ag sipsip, meeme ele amu laih atten atten manaknu ofa dayaknu Israel danab ah ag amu manadna, Yawe mettaglagnu otiadna, ag Israelnu baekkudppa anen anen dilag okkai madappig. Ag Moses bukppa yom bia, amu oh heppig. Makau eleppa ag anam heppig.