Kolosi 4:5 - Nobonob Baibel

⁵ Danab ag Nai Enanu oolagppa genab ii dootteb ele, ag Kolosi danab ag danab amu oolagppa oinna, ag akka ahilag oiyaknu dabmena autna aonna, ag uɗat ena hekkulagnu laa dayeb anidna, ag aib uuppig. Ag haen aguppanab heig!

Kolosi 4:5 Referans Kwoze

1 Tesalonaika 4:12

Ag anam hekkulag amu, geha aun laa, ag tamaniakppa ii daatteb ele, ag ag noolagppa hak ena amu ippunadppeg, ag ahilagnu ena dooglag. Amu keeke laalanu ele, ag Kristen daatteb amu, ag laa gumadna gona ii unuqadmana.

Jems 3:13

Danab laa nug ag oolagppanu nug doyak dabmak ena ele, amu diignu doyak tutukku ele daattete? Anam dayeb amu, danab laa ag amu anidkkulagnu, nug nuhig oiyak enanag baɗ! Yo, laa ag amu anidkkulagnu amu, nug ele nukka nukka binag mak kobol iittappa, kobol doyak dabmak enappanu bette amu, nug kobol amuppa danab ehanattaɗ!

Rom 16:19

Ag Rom danab ag Kayak oɗe dim lamidtteb amu, nai amu danab oh ag doon malappig daatteb amunu, da ahilagnu maɗoɗppan gamag ahak okkai doottem, amge da ag kobol enanu doyak dabmak ena ele dim lamidna kobol amu hena, kobol tutukku iittanu amu nakok laa ii helobnu ool okkai daatte.

Jems 3:17

Amge Kayaknu doyak dabmak ena ele amu, doyak dabmak ena ele amuam Kristen danab ag inam oiglagnu ippunigtte. Anuqak amu, ag oppiak ele daan oiglag. Amu dim lamittak ag maɗoɗ ikki daan, ag lailkad dilagnu oo bodoettak doon, dagom danab daan, lailkad dilagnu oolag gai-iitta doon oolag mattan ehanadna autnanab aona, ag ena hak kobol ambak hena, ag danab oh dilagppa kobol laippuib dim lamidna, ag aɗi hetteb amu, ag kobol genabppaib hekkulagnu daatteb.

Matyu 10:16

Doyeg, da ag maatti, ag sipsip wulp oolagppa gotteb bia gotteb amunu, ag dabmak tutukkunab aona, keeke heig! Amu ele ag keeke oh qinonob henana, kobol nau laa hekkulagnu aib dabmeppig.

1 Timoti 3:7

Laa ele amu danab nug Kristen tamaniaknu gumak ikki danab daakkunu oo daatte amu, nug eheɗ heeb, uɗa nak guittak ele doya, nug Satannu uhuippa nomanu nug dimittim danab, ag noolagppa danab ena daakkuoitte. Anam iitta dayeb, nug ag noolagppa ele danab ena dayaɗ!

Kolosi 3:16

Kristusnu nai enanag meu ele ag oolagppa daakkuoitte! Ag akka akka doyak dabmak ena eleppa nug ippunidnana, nug ehanittak ele heig! Ag oolagppa Kayak amegppa, “Ena hen mekkame” anana, ag sam, mettidnu ahi, amu Kayak binag maknu ahi ele etteg!

Mak 4:11

Oɗ mettaeg amu Jesus Nug aum. “Ag dahilad amu, Kayak Nug ag Kayaknu ɗo maɗoɗnu keeke diig lokkumak amu dooglagnu doyak mattom amunu, ag dootteb, amge danab laala, ag dahil nai dim ii lamidtteb, ag nai danab nug keeke danab ag dootteb ii dootteb ele ouaqata ippunadtte, nai amuppaib anidtteb.

Jems 1:5

Ag oolagppa danab laippu laa nug doyak dabmak ena ele elele iitta daatte dayeb amu, nug amunu Kayak unuqittaɗ! Nug unuqitteb, Kayak Nug doyak dabmak ena ele medakku. Kayak Nug keeke danab madatte amu, Nug elelenab madatta, Nug mettaknu nai ii hette.

1 Pita 3:1

Amubia ah ag danab ele amu, ag gamulkad waalagppa daanna, kobol enaib heig! Ag anam hekkulagnu diig am inam. Danab ahilkad oolagppanu laala ag Kayak nai ii dim lamidtteb dayeb amu, danab amu ag waalkad ag Kayak pehettak binag mena daanna, kobol oppiak ele dim lamidna oitteb anidna, anttak amuppa, ah dilag nai mattiak iittappa, ag oolag eɗueb, oolagppa genab dooglagtai.

Sam 90:12

Ig doyak dabmak ena ele daagnignu, na ig haen tutuib bau daattemnu ippunigppe doognignu oɗ medattem.

Daniel 2:8

Ag anam aeg, king nug nob matta aum. “Ag da aɗi hekkulnu dabmak awen aɗai, dabmak amuam ɠagattag eppom daatte dootteb amunu, ag heppeg, haen ukkebeb, ⌊da dabmak laa aokkulnu⌋ hetteb doottem.