Kolosi 4:10 - Nobonob Baibel

¹⁰ Aristarkus, nug da ele oh maniguittakppa daattep, amu Mak ele aa ag humadttep. Mak, Barnabas ele aa tiilah laippu, amu ag Maknu nai aoppig. Nug ag gumatta ukka dayeb, ag nug ele laippu dayaknu oolagppa eleleib doyeg!

Kolosi 4:10 Referans Kwoze

Pilemon 1:24

Dahilad uɗat laippu Mak, Aristarkus, Demas amu Luk ele ag na humidtteb.

2 Timoti 4:11

Luk nukkaib da ele daattep. Mak nug da uɗat hettemppa ehaniɗkkunu elele amunu, haen na uɗikkut amu, na nug aoppe, aa oh uɗieɗ!

Aposel 19:29

Ag anam aon eeg amu ewak baag naɗinab aab okkai amuppa ahehe, danab ah oh ag muttub qenana, ag ahan oh qaiqaɗ qagmak abenppa gonana, ag Gaius, Aristarkus ele aɗualatna eeɗatna ag ele oh goppig. Aa amu Makedonia danab aɗit, aa Pol ele oh oippig.

Aposel 27:2

Ig gokkunignu ahat oolta, uub laa aab Adramitiumnu laappa temut. Uub amuam Asia dilag aab okkainu aben ilon daattebppa oiyaya eeɗkkunu gokkunu daye, ig teta gomut. Aristarkus, nug am Makedonianu aab Tesalonaika ted, nug ig ele oh gomut.

Aposel 20:4

Dabmeum amunu, Beria danab Sopater, nug am Pirus bekka, amu Tesalonaika danab aɗit Aristarkus, Sekundus ele, amu Derbe danab Gaius amu Timoti amu Asia danab aɗit, Tikikus, Tropimus ele, ag oh Pol ele goppig.

Aposel 12:12

Nug anam ana, kobol beum amunu dabma, meu anam doyom, Jon Mak anig Maria, nug laugppa ukkom. Appa danab kuɗum ag qagmena, unuqidnana daappig.

1 Pita 5:13

Amu Kristen tamaniak laa ag bia Babilon daatteb, Kayak Nug tituanattom ele amu, ag ele humattak nai ahilagppa meeg gotte. Amu da bekkal Mak nug ele humattak nai me gotte.

Rom 16:7

Amu ag humittak dahil Andronikus, Junias ele mateg! Aa am da ele ig oh Juda danab amu, ig haen laippu oh maniguittakppa daamut. Totol danab ag danab aɗit amu, ag ahilahnu ena elele doyak okkai dootteb. Da Jesusnu ooppa genab doyak danab ii bein daaiyi, aa tatam Kristusnu daapiɗ.

Rom 16:2

Nug ag ele oh ag Jesusnu oolagppa genab dootteb amunu, ig Kayaknu danab ah oppiaawak ele, ig laa nug bia ehanidkkunignu doottem, amubia ag nug aon ehanidkkulagnu oɗ madattem. Nug keeke laanu oo uug dayeb, ag ehanitteg! Aɗinu? Nug danab kuɗum laa ehanattom, da ele ehaniɗom amunu, nug ag anam ehanidkkulagnu elele daatte.

Aposel 13:13

Am Pol nug danab nug ele oh oippig ele ag Papos appanu uub aon gona, Pampilianu aab laa Perga appa goppig. Teeg amu Jon Mak nug uuata, eɗua Jerusalem ukkom.

Aposel 4:36

Ag anam heegeg, danab laa appa dayom, nug onig Josep, nug am Lewi buɗubppan mana mettak danab iitta laa, nug Saiprus ted. Nug onig Josep, amge totol danab ag nug onig Barnabas ataɗppig. Onig amu diig eɗuak amu inam; heeb oolag ɠagattag qak danab.

Aposel 13:5

Saiprus goya, aa Salamis teya, appa Juda dilag nai doyak lag laalappa teya, aa Kayak nai mehuqeheh, Jon Mak nug ele oh daanna, ahilah ehanatak dayom.

Aposel 12:25

Kayaknu nai amu anam aha ugekke, Barnabas, Saul ele aa Jerusalem daayya, maɗi ahilah maloya, eɗui Antiok gokkulahnu heya, aa Jon Mak aoeh, nug ele oh goppig.

Pilemon 1:23

Epapras nug ele na humidtte. Da nug ele Kristus Jesusnu daaɗa, amu i oh maniguittakppa laippu daattep.