Kolosi 3:5 - Nobonob Baibel

⁵ Amunu ag wan imunu kobol, kobol amu ag oolagppa uɗat henana daatteb ele amu, ag kobol amu oh aqappeg iitta meig! Amu da kobol imunu attem; gappai kobol, kobol dubuttid ele, kobol naunu oo ahe ittag doyak, amu baubau awaknu hik qak kobol, amuam kayak hambuppuak binag mak kobol laa aakku, kobol amu ele.

Kolosi 3:5 Referans Kwoze

Rom 8:13

Aɗinu? Ag oolag alag dim lamidkkulag amu, ag mauhkkulag, amge ag Kayak Ouɗinu ɠagattagppa beɗunu kobol dimettan, ii dim lamidkkulag dayeb, ag bau daaglag.

Galesia 5:24

Kristus Jesusnu danab oh ag oolag alag, nuhig beɗunu kobol amu oo ahak nau kobol ele oh ad emaitakppa atulppig daatteb.

Rom 6:13

Ag anen anen ag kobol nau hekkulagnu, ag beɗulkadnu laih laih oh hipunin eppegppa aib meppig. Iitta! Ag danab mauhppig eɗun hippaidppig bia daatteb amunu, ag beɗulkad laih ohppa genab tutukku hak kobol hekkulagnu, ag meulkad oh Kayak metteg!

1 Pita 2:11

O lailad, ag laihnu danab, aab diig danab iitta wan imuppa daatteb amunu, da ag beɗulagnu kobol nau, kobol amuam ag hanhan ig Kayak amegppa danab ena daamtanu wagai metteb ele amu, ag kobol amu ii hemananu dabmak maɗettak nai iikku madattem.

1 Korint 6:18

Ag gappai kobol uun qe-eɗidna oolna ukkeg! Aɗinu? Ag “Hipunin aɗitai danab hette, amuam beɗu dimittimnu keeke,” atteb, amge iitta! Laa gappai hette ele amu, hipunin amuam nug beɗu uug medatte.

Epesus 4:19

Ag aɗi hipunin hetteb amu, ag uɗa nak ii doonna, ag baɗak ele iitta amunu, ag beɗun kobol dubuttid ele digdig oh henana, ag tuɗidna naunab ele hekkulagnu dabmetteb.

2 Korint 12:21

Am da eɗue ag gumatte goppi, Kayak Nug ag matu hipunin heppig, Nug hipunin amu ippuniɗeb, ag noolagppa da uɗal nekkunu ool ii daatte. Geha da danab ah kuɗum ag hipunin digdig, kobol dubuttid ele, gappai kobol, hipaɗu ahak kobol ele heppig, ag amunu oolag ii eɗuom ele anttena amu, da amunu gaakkul, amge da anam antten gaakkulnu ool ii daatte.

Revelesen 21:8

Amge laa ag baɗanna, akka ahilagnu dabmena hak kobol dim lamidna, laa ag oolagppa genab doyak iitta, laa ag kobol nau uɗig wak hetteb ele, laa ag danab aqaeg mauhtteb, laa ag gappai kobol hetteb, laa ag baɗ mak danab, laa ag dup noa kayak hambuppuak binag mak danab, amu nai hambuppuak danab oh ele, amu oh aab ameg kalu laa huana eotte onig salpa eotteppa, ag amuppa aben aoglag. Amuam mauhak ebqak 2 aakku,” awa aum.

Rom 7:23

amge da ɗo laa ele da beɗul laih laih oh daatte anidttem. Ɗo laa amu, amuam ɗo dabmak dahilppa daatte iitta; ɗo laa amuam hipuninnu ɗo, dahilppa uɗat haaha daatte ele. Anam amu, hipuninnu ɗo am ɗo dabmak dahilppa daatte eɗidkkunu ban hette. Hipuninnu ɗo nug anam haaha, da hippaliɗe, da danab nug maniguittakppa dayaya, nuhig dabmak dim lamidkkunu elele iitta, amubia da kobol ena dim lamidkkulnu, am elele iitta.

Matyu 15:19

Kobol eheɗ imu oh dabmakppanu bette; dabmak eheɗ, danab qe mauhak kobol, ewau pakkua gappai hak kobol, gappai hak kobol digdig laa, yabhok kobol, nai genab iitta anak kobol, baeg qak kobol ele,

Revelesen 22:15

Amge baɗ mak danab, gappai danab, qe mauhak danab, kayak hambuppuak binag mak danab ele, amu laa oh ag hambuppuak kobol oolag mettan hetteb ele, ag Kayaknu aab okkai dimittim qai bia daaglag.

Jems 4:1

Aɗi keeke nug he, ⌊naippa⌋ ban hak, nug mehqak ele ahilagppa bettep? Keeke amunu amu, ag beɗulagppanu kobol digdig hekkulagnu ɠagattag dabmeegeg he, ag nai hak kobol amu hetteb.

1 Korint 6:13

Ee nug ig oonignu daatte, ig oonig nug ee aokkun daatte, amge aa oh am gemunuib. Kayak heeb, aa oh iitta mekkulah. Aria, ee nug ig oonignu daatte, ig oonig ee aokkunu daatte, amge ig beɗunig amu, ig amuppa gappai hekkunignu ii daatte. Iitta. Ig beɗunig am Naɗinu keeke, amu Naɗi Nug ig beɗunig atognotte.

Rom 6:6

Amu ig doottem, ig oonig alag, ihinig oiyak alag amuppa beum ele, nuhig ɠagattag ig duttunigmanu, ig ele hipuninnu begbeg maɗi nid ii daamtanu, Kristus ad emaitakppa mauhom, haen amuppa ihinig oiyak alag am ele appa Nug ele mauhom.

Hibru 13:4

Ewau dayaknu amu, ag oh amunu ena doyeg! Danab ah ele ewau daattep, aa gappai laa aib hepiɗ. Aɗinu? Kayak Nug geha ewau pakkua gappai hak danab, amu laa gappai kobol laala hetteb ele, Nug ag epeɗiadkku.

Hibru 12:16

Danab laa nug gappai kobol dim lamidmanu, o laa nug Esau, nug Kayaknu nuhig haknu ele uuak danab, nug nid danab tatamnu itittak ena amunu hamu doya, Jakop nug ee nakoknab, geha iikkunuib metteb, nug itittak ena amu Jakop medakkunu a mette lawowa, itittak mettom ele amu, laa nug Esau bia oimanu ele dabmeig!

1 Tesalonaika 4:3

Kayak Nug ag oppiaawak daaglagnu, ag gappai kobol ii hemananu,

1 Korint 5:1

Aria, laa ag nai laa aeg doomi amu, ag Korint ag oolagppa gappai kobol nau daatte mattieg doomi. Gappai kobol ag hetteb ele am naunab nau! Genab, iitta aɗi danab ag gappai kobol nau amubia ii hetteb. Kobol amuam danab laa nug mameg wau ele gappai aɗattep.

Rom 7:5

Amu ig oonig alag dim lamidmut haenppa amu, ɗo nug beɗunignu dabmak nau maɗette ahe, ig hipunin hemut. Kobol amu beɗunig laih naunau ohppa heehe, amuppa mauhak aakku beum.

Rom 1:29

Amu ag kobol nau digdig, kobol eheɗ digdig, baubau awaknu hik qak kobol, amu gappai hak digdig ele hetteb. Ag laanu ameg qe oolag elele ii daatte dootteb, ag layag kekeɗ metta duug wak kobol, nug mehqak kobol, layag bubuittak kobol, amu oo aeg bak kobol ele, ag kobol nau amu oh henan daatteb. Ag layagnu dimug nai mattiak kobol,

Rom 1:26

Danab ag anam eheɗ heppig amunu, Kayak danab amu uuatte, ag dubuttid kobol ooppa daappig. Ah ag danab uuadna, ag nug awak kobol tutukku uuna, danab ele iitta, ah lailkad ele gappai heppig.

1 Tesalonaika 4:5

ag iitta aɗi, ag Kayak ii dootteb ele, ag gappai hekkulagnu oo ahak nau dootteb, ag amubia ii hemananu,

1 Korint 6:11

Anukka ag oolagppa laala amubia oittappig, amge Kayak Nug he, hipunin ahilag iitta meum. Nug he, ag oppiaawak daatteb. Kayak Nug he, ag genab tutukku hak danab ah daatteb. Ihinig Kayak Nug amu oh Naɗi Jesus Kristus onigppa, amu nuhig Ouɗippa ele heum.

Kolosi 2:11

Ag Nug ele ouqeppig, amuppa amu ag gaɗa otaɗak kobolnab ag aakku aoppig. Keeke amuam gaɗanignu keeke iitta. Iitta. Ag Kristusnu ehanittakppa ag oolag alag, amuam beɗunu kobol, ag amu geɗidppig. Kristusnu kobol amuam gaɗa otaɗak kobol meunab daatte.

1 Timoti 6:10

Keeke eheɗ ohnu diig laa am enubnu oo mauhak kobol. Danab laala ag enub ele daaglagnu wagai metteb ele amu, ag aakku ooppa genab doyak kobol uuna, uug kuɗum aakku aoppig daatteb.

Hibru 13:5

Ag oolag men doɗonu aib mauhom. Keeke ag aɗatteb ele, ag amunu elele doyeg! Aɗinu? Kayak Nug aum aakku daatte. Amuam, “Da na ii uuidpa, da na ii paɗaidpa,” awa aum.

Eksodas 37:22

Keeke amu oh anamib dayom, amge ag hama aon, gol ena dubuttid iitta qenana, ag keeke amu hatteg, keeke laippuib dayom. Ag amu nukka nukka piɗe hewon, qata-ii-aqadppig.