Kolosi 3:23 - Nobonob Baibel

²³ Keeke oh ag hetteb amu, ag hekkulagnu ag oolag mettan heig! Amu ag, “Ig danabnu uɗat hettem,” doonna aib heppig. Iitta. Ag, “Ig Naɗinu uɗat hettem,” doonna heig!

Kolosi 3:23 Referans Kwoze

Kolosi 3:17

Ag nai madittebtai, o iitta ag uɗat hettebtai, o iitta ag aɗi keeke hetteb amu, ag Jesus onigppa Mame Kayak amegppa, “Ena heme,” anana, ag keeke amu oh Naɗi Jesus onigppaib heig!

Rom 14:8

Amunu ig bau daattem dayeb, amuam Naɗinu keeke. O ig mauhkkunig dayeb, amuam Naɗinu keeke amunu, ig bau daagnigte, o iitta ig mauhkkunigte, ig am Naɗinuib daattem.

2 Stori 31:21

Hesekaia nug aɗi keeke Kayaknu mettid lag, nug amuppa hekkunu ha, nug Kayaknu ɗo ele dim lamidkkunu ha, nug Kayak aɗi aɗi hekkunu haknunab anak nug amegppa aum ele amu, nug keeke amu ohnu Kayak antta dim lamidkkunu Nug madikkunu dabmak awa, Nug dim lamidkkunu meu ohppa ele amu heum. Hesekaia nug anam he, Kayak ehanitte, nug elelenab dayom.

Eklisiastis 9:10

Na gemu bau daattem amu, na haen imuppa aɗi uɗat hekkutnu anidkkut, na nahip ɠagattag ohppa he! Aɗinu? Na moɗppa gokkutnu oittem amu, appa danab laa nug uɗat laa ii hette, nug keeke laa hekkunu maittak ii aotte, appa doyak laa ii daatte, doyak dabmak ena ele laa ii daatte.

1 Pita 2:15

Kayak Nug ag danab dabmak tutukku iitta dilag nai, maittak iitta ele, ag nai amu kobol ena ahilagppa qeppeg nekkunu oo daatte.

1 Pita 2:13

Ag Naɗi Jesusnu dabmak anuqak aona, ag gabman eppeg laih laih oh, Kayak maattom daatteb waalagppa dayeg! Amuam king, nug am okkainab, laa oh eɗattak daatte,

Sam 119:10

O Yawe, da nahip dabmak dookkulnu meul ohppa dabmettem. Na heppe, da ɗo nahip dim lamittaknu ib amu apiɗidpanu oɗ medattem.

1 Pita 1:22

Ag gemu ag doyak diig genabib dim lamidtteb, amuppa ag danab oolag ihan oppiak daatteb amunu, ag oo mauhak kobol genabppa ag lailkad dilagnu oolag mauhtte. Ag anam daatteb, amge ag tuɗidna, ag lailkad dilagnu oolkad unuqagppanu oo mauhaknab doyeg!

Rom 14:6

Amu danab laa nug deɗ laanu gun dootte, danab amu, nug Naɗinu dabmaama anam dabmette. Amu danab laa nug ee oh latte, nug Kayak amegppa, “Ena ha meɗom,” anana latte amunu, nug ele Naɗinu dabmaama anam hette. Aria, danab laa nug ee oh ii latte, nug ele Naɗinu dabmaama, teppu laa lamanu gun mette, amuppa nug ele am Kayak amegppa, “Ena ha meɗom,” awa atte.

Sam 119:34

Da nahip ɗo dim lamidkkulnu, da meul ohppa anam hekkulnu amu, na ɗo nahipnu diignu doyak tutukku meɗakkutnu oɗ medattem.

Jeremaia 3:10

Israel ag anam heegeg, da ag uug nau mattami, amu Juda, ag da ippunadmi bia da dim lamiɗkkulagnu uun hetteb amu, ag anidppig, amge ag genab eɗun dahilppa ii uɗippig. Iitta. Ag ameg qakkak hakib hena, gaɗalagib eɗun dahilppa uɗippig.” Yawe Nug anam atte.

Sam 119:145

O Yawe, da meul ohppa na unuqidttem. Da nahip ɗo dim lamidkkulnu amu, na da oɗelppa aokkutnu oɗ medattem.

Matyu 6:16

Amu haen ag ee ohnu kud men daatteb amu, ag iɗulag aib tiguguɗom. Hambuppuak danab ag ee ohnu kud men daatteb, haen amuppa danab laa oh ag anam hetteb anidkkulagnu, ag heeg, iɗulag tiguguɗtte. Da genab ag amelagppa attem. Hambuppuak danab, ag anam hetteb amu, ag ahilag hak amunu nob ena oh aakku aon malappig.

Epesus 5:22

Ah ag Naɗi waappa daatteb, amubia ag gamulkad waalagppa dayeg!

Sam 103:1

Da Yawe onig humakkul. Ao, da ool unuqag, meul oh ele, da amuppa Yawe onig oppiaawak ele humakkul.