Kolosi 3:13 - Nobonob Baibel

¹³ Ag nug oo makppa daanna, amu ag oolagppa lailag laa nug layagnu eheɗ ha ⌊oo eɗueb, nug eɗua layag uhuqa medakkunu oɗ metteb amu⌋ layag amu nug eheɗ hak amu, Naɗi Nug ihinig eheɗ hak oh uhuqa mekkom, amubia nug uhuqa mettaɗ!

Kolosi 3:13 Referans Kwoze

Epesus 4:32

Ag lailkad dilagppa oo bodoettak kobol henana, ag oo bodoetta le mak kobol ahilagppa heig! Kayak Nug Kristusnu uɗatppa ahilag hipunin uhuqa mattom, amubia ag nug hipunin uhuqa mettak heig!

Mak 11:25

Laa ele amu, haen ag ⌊anen anen, ag⌋ unuqidnana, ag Mamelag, hab aabppa daatte, Nug ahilag hipunin uhuqa madakkunu amu, danab laa nug ahilagnu eheɗ heum dayeb, ag hipunin amu uhuqna metteg!

Jems 2:13

Aɗinu? Danab laa nug layagnu oo gai-iitta doya oo metta ehanittak kobol ii dim lamidtte, nug layag eheɗ heumnu nob nau medatte, nug nob nau amu medakkunu ii uutte amu, Kayak Nug danab amu hettoɗiakppa nob nau medakku. Amge danab laa nug layagnu oo gai-iitta doya oo metta ehanidtte, nug hipuninnu nob nau ii medatte amu, nug geha hettoɗiakppa nob nau ii aoma. Oo gai-iitta doya oo metta ehanittak kobol am nob mettak kobol eɗidtte!

Epesus 4:2

Ag onig qe nak kobol dim lamidna, oolag bodoettak ele daana, ag oolag maɗoɗ ele dayeg! Ag oo mauhak kobol dim lamidna, ag nug ehanidnana dayeg!

Matyu 6:12

Laa hipunin megappig, ig uhuqta mattamut, amubia na hipunin ihinig uhuqna megakkutnu na unuqidttem.

2 Korint 6:6

Laa amu, ig ihinig oppiak kobolppa, ihinig oo mettak kobolppa, ihinig laa dilagnu oo maɗoɗ dim lamittak kobolppa, ihinig laa dilagnu oo bodoettak kobolppa, Kayak Ouɗi ihinigppa daatteppa, ig ihinig oo mauhak kobol genabppa, ihinig nai genab mattiak kobolppa, amu ihinig Kayaknu ɠagattagppa keeke hak kobolppa, ig am Kayaknu maɗi nid daattem ippunadttem. Ig Kayaknu ban haknu keeke eppenig naɗiap-ppa, nanehppa ele aɗattem amuppa amu,

Galesia 6:2

Ag nug ehanittak henana, uug ahilkad maweg! Ag kobol amu henana, ag Kristusnu ɗo elele dim lamidkkulag.

2 Korint 2:10

Ag danab laanu hipunin uhuqna medatteb dayeb, aria da ele hipunin amu uhuqen medattem. Amu hipunin laa da uhuqen medakkulnu dayomtai o iitta ii dayomtai, amge anam dayom dayeb, da uhuqen mettami ele amu, da ahilagnu dabmak anuqak awen, Satan nug ig bubuikka eɗigmanu, da Kristus noobppa hipunin amu uhuqen mettami. Satan nug ig ib digdigppa ig eɗigkkunu hette amu, ig amunu kaaka ii daattem.

Luk 23:34

((Ag anam heeg, Jesus Nug unuqitta aum. “Mame, na ahilag hipunin imu uhuqna matte! Ag hetteb imu amu,, ag pehettak ii doona hetteb,” awa aum.)) Amu daup amu ag nuhig lamen aoglagnu otina, ameg waɗele mewona, aun nug ameg atten aokku amu, ag om yaakppa hena aoppig.

Luk 11:4

Laa hipunin megatteb, ig uhuqta madattem amubia na hipunin ihinig uhuqna megakkutnu na unuqidttem. Na ippun ena, ig nau hekkunignu eeɗak iittappa omaigppe gokkunignu oɗ medattem,’ ” awa aum.

Matyu 5:44

Amge da ag amelagppa attem. Ag ahilkad kekeɗnu ag oolag mauhaɗ! Amu aun laala ag ahilagppa eheɗ hadatteb amu, ag Kayak ahilagnu unuqitteg!

1 Pita 2:21

Amu Kayak Nug ag kobol amu dim lamidkkulagnu onilagppa eum. Aɗinu? Kristus Nug guittak naɗi ag ehanadkkunu awom. Nug heumppa amu, Nug antte oo maittaknu kobol, ag kobol nuhig amu dim lamidkkulagnu ag ippunatta mattom.

Rom 15:7

Anam amunu, ag Kayak binag mettaglagnu Kristus Nug ag diiom bia ag oh ag lailkad diippeg, oolag laippu dayeg!

Kolosi 3:12

Amu ag am Kayaknu danab, Nug ahilagnu oo mauhe, ag tituanattom daatteb amunu, ag kobol imu dim lamitteg! Ag laa dilagnu oo bodoetta le meeb, ahilagnu oo bodoettak kobol dim lamidna, ag akka ag onilag qeppeg neeb, ag lailkad dilagppa oo bodoetta wagai ii mak kobol dim lamidna, ahilagnu ele oo maɗoɗ kobol heig!

Epesus 5:2

Ag nug oo mauhakppa, Kristus Nug ihinignu oo mauhe, Nug nukka Nug bau dayak nuhig ig ehanigkkunu uua, ihinignu mauhom bia oiyeg! Kristus Nug danab ag doɗ main Kayak muttuɗig ena dookkunu medatteb bia, nukka nuhigppa anam heum.

Prowerb 19:11

Danab nug doyak dabmak ena ele daatte amu, doyak dabmak ena amuppa nug oo maɗoɗ ele dayak danab daatte; haen danab laa nuhigppa eheɗ he, nug eheɗ hak amu uhuqa medatte, kobol amunu danab ah ag nug binag metteb.