Kolosi 3:12 - Nobonob Baibel

¹² Amu ag am Kayaknu danab, Nug ahilagnu oo mauhe, ag tituanattom daatteb amunu, ag kobol imu dim lamitteg! Ag laa dilagnu oo bodoetta le meeb, ahilagnu oo bodoettak kobol dim lamidna, ag akka ag onilag qeppeg neeb, ag lailkad dilagppa oo bodoetta wagai ii mak kobol dim lamidna, ahilagnu ele oo maɗoɗ kobol heig!

Kolosi 3:12 Referans Kwoze

Epesus 4:32

Ag lailkad dilagppa oo bodoettak kobol henana, ag oo bodoetta le mak kobol ahilagppa heig! Kayak Nug Kristusnu uɗatppa ahilag hipunin uhuqa mattom, amubia ag nug hipunin uhuqa mettak heig!

Epesus 4:2

Ag onig qe nak kobol dim lamidna, oolag bodoettak ele daana, ag oolag maɗoɗ ele dayeg! Ag oo mauhak kobol dim lamidna, ag nug ehanidnana dayeg!

1 Jon 4:19

Kayak Nug tatam ihinignu oo mauhom amunu, ig oo mauhak kobolppa oittem.

Kolosi 3:10

ag danab bau beppig daatteb. Amu Kayak Nug danab bau amu heum. Amu Nug ag hanhan doyak madatta he, ag bau bena, Nug biaib daatteb.

2 Pita 1:10

Amunu, O lailad, Kayak Nug ag onilagppa ewa, ag tituanattom, diig amunu ag Nug dim lamidkkulagnu wagai meig! Aɗinu? Ag anam hena amu ag iinab nena qemana.

1 Tesalonaika 5:15

Danab ag ahilagppa kobol nau laa heppeg, ag amunu eɗun nob nau aibnab meppig. Ag haen oh kobol ena, lailkad amu danab laa ele ahilagppa hekkulagnu ɠagattag dayeg!

2 Korint 6:6

Laa amu, ig ihinig oppiak kobolppa, ihinig oo mettak kobolppa, ihinig laa dilagnu oo maɗoɗ dim lamittak kobolppa, ihinig laa dilagnu oo bodoettak kobolppa, Kayak Ouɗi ihinigppa daatteppa, ig ihinig oo mauhak kobol genabppa, ihinig nai genab mattiak kobolppa, amu ihinig Kayaknu ɠagattagppa keeke hak kobolppa, ig am Kayaknu maɗi nid daattem ippunadttem. Ig Kayaknu ban haknu keeke eppenig naɗiap-ppa, nanehppa ele aɗattem amuppa amu,

Jeremaia 31:3

Amu anukka Yawe Nug ig Israel danab gumikka uɗia, Nug mattiaya inam aum. “Da oo mauhak tuqa ii awak eleppa ahilagnu ool mauhom, gemu ele amu hettem. Ao, da oo mauhaknab kobol dim lamittette, dahilppa uɗiglagnu eeɗadmi.

Esekiel 16:8

Na anam ena mena dayeye, dimppa da baula laih gokkulnu na daameppa uɗie, da neekki ukke, na anitten, na elele ena mena, na danab aokkutnu elele daame anidmi. Da anam anitte, da na dahil ah daakkutnu tituanitten, bam iitta daamnanu lamen mette, da nahip danab daakkulnu dahil nai ɠagattagnab qetten mattii, na da ele ewau daagnihnu i nug tituanɗa nai qakkaɗa, na dahil aakku daame.’ ” Naɗi Yawe, Nug anam awa atte.

Galesia 5:6

Danab nug Kristus Jesus ele ouqak daattep amu, nuhigppa gaɗa otaɗak kobol, o iitta gaɗa ii otaɗak kobol, aɗit amu oh am keeke hamu. Nuhigppa keeke laippuib am okkai daatte. Amuam danab nug ooppa genab doya, laa dilagnu oo mauhtte.

1 Pita 1:2

Ag Jesus Kristus oɗe dim lamidkkulagnu, Jesus tiigppa oppiak bena daaglagnu amu, Kayak, ig Mamenig, Nug anukka ag doyattom, amu amuppa Nug, ag nuhikkud danab ah daaglagnu tituanatte, nuhig Ouɗi he, ag oppiaawak daatteb. Ag amu, Kayaknu ehanittak okkai hamu mettak, amu nuhig maɗoɗ ele ahilagppa naɗi daaglahnu ool daatte.

2 Timoti 2:10

Amunu amu, da ool ɠagattag qetten, da Kayak Nug danab ah nuhikkud tituanattom, ag ele Kristus Jesusnu eɗua awikkak aon, haen oh hab aabppa daaglagnu, da ag ehanadkkulnu heinne, uug imu oh maottem.

Rom 1:7

Amu da Pol, da ag Rom danab, Kayak ahilagnu oo mauhe, ag nuhikkud danab ah oppiaawak ele daaglagnu onilagppa eum ele amu, da ahilagnu yaattem. Kayak, ig Mamenig, amu ihinig Naɗi Jesus Kristus ele, ahilah ehanittak okkai hamu mettak, amu ahilah maɗoɗ ele ahilagppa daaglahnu ool daatte.

Taitus 1:1

Da Pol, da Kayaknu maɗi nid, amu Jesus Kristusnu totol danab ele daattem. Kayak Nug da laa Nug ag tituanattom ele, da ahilag ooppa genab doyak ehanidkkulnu, da ele doyak diig genabib, doyak amuam ag Kayaknu neekkakppa genab tutukku hak danab daaglagnu ippunadtte amu, da ag doyak amu ele ippunadkkulnu meiɗe uɗimi.

Matyu 24:31

Uɗien, trampet gayebeb, da dahilad engel heppi, ag gona, danab ah dahilad da tituanadmi amu aben oh wanppanu, habppanu ele qagmaadna, diin uɗiglag.

Luk 18:7

Nug ah amu ehanidkkunu aum amu, Kayak Nug danab ah nuhikkud, Nug ag tituanattom ele amu, ag hanhan tuqan amun ele deɗ oh unuqidppeppeg amu, Kayak Nug ag iite ehanadma? Nug ag baubau oɗmak haknu amelag maama, paha ii ehanadma? Anam iitta.

Aisaia 63:15

O Yawe, na hab attan daattem. Na daattemppa amu, aben amuam oppiaawak ele, am binag amahlak oppiaawak ele. Amu na neegppe neeb, ⌊uug nau digdig ihinigppa bette⌋ anidkkutnu oɗ medattem. Na anukka nahip ɠagattag okkai eleppa ehanigme amu, gemu na anam ehanigkkutnu yag-nab-bak anukka doome bia iitai doottem? Na anukka ihinignu kobol qinonob hak ele, oo bodoetta le mak kobol eleppa ehanigme, amge gemu na anam bia ii hettem.

Luk 1:78

Kayak ihinig Nug oo gai-iitta doya oo metta ehanittak kobol naɗi ele amunu, Nug ig ehanigkku. Geha Nug heeb, hab aabppanu amahlak uɗia, ig amahaligkku.

Mak 13:27

Da uɗien, da dahilad engel heppi, ag gona, danab ah dahilad da tituanadmi amu aben oh wanppanu, habppanu ele qagmaadna, diin uɗiglag.

Epesus 4:24

Laa amu, ag oolag bau, Kayak Nug, Nug bia, genab tutukku hak kobol dim lamitta, Kayaknu oppiaawak ele daakkunu babaittom amu, ag amu aon, danab bau oiyeg!

Aisaia 42:1

Yawe atte. “Antteg! Imuam dahil maɗi nid; da nug haen oh elele daakkunu ɠagattag medattem. Ao, imu amu, da nug tituanmi; da nuhignu enanagnab doottem. Da dahil Ouɗi Nug medappi, dahil maɗi nid nug danab ah oh nai doya mala hettoɗia epeɗia elele mettak kobol ippunadkku.

2 Timoti 1:9

Kayak Nug ig eɗua awikkom, ig nuhikkud danab ah oppiaawak ele daagnignu oninigppa eum. Nug ihinig uɗat nobnu oninigppa ii eum. Iitta. Nug nukka Nug maittak awom amu, Nug nuhig ehanittak okkai hamu mettak, Kristus Jesusnu uɗatppa beum, Nug amu dabmaama, oninigppa eum. Nug ehanittak okkai hamu mettak amu ig megakkunu anukkanab, keeke ii dayom haenppa, babaitta ig mekkom daatte.

Pilipai 1:8

Kayak Nug Jesus Kristus ihinignu oo mauhak dootte, amubia da ahilagnu oo mauhak doye, da ag anadkkulnu ool okkai daatte amu, Nug dootte; Nug ab dooglagnu elele.

Epesus 1:4

Kayak Nug wan ii beum haenppa Nug ihinignu oo mauhe, Nug ig Kristusnu uɗat okkaippa ig nuhikkud danab ah oppiaawak ele daagnignu, ig danab ah oonigppa kaliak laa iitta ele daagnignu tituanikkom.

Rom 9:11

amge Kayak Nug danab tituanadtte, Nug nug tituana nai qakkak amu danabnu uɗat dabmedatta ii hette, Nug nukka nuhig doyak dim lamitta hette ele amu, Nug amu miag atiak daakkunu, haen aa anilah nid aɗit amu ii menuatom amunu, aa kobol ena, kobol eheɗ laa ii hepiɗ ele,

Mak 13:22

Aɗinu? Geha danab laa ag hambuppuna, ‘Da am Kristus,’ o ‘Da am propet,’ akkulag. Ag anam anana, ag epponak keeke danab haknu elele iitta, amu kobol danab haknu elele iitta laala ele hekkulag. Ag amuppa Kayak danab ah, nuhikkud tituanattom ele, ag ag hambuppualadkkulagnu hekkulag, amge elele iitta.

Mak 13:20

Anam daatte amunu, Naɗi Nug haen amu tutuib daakkunu, haen amu ii okkullo, danab ah oh padal melob, amge Kayak Nug danab ah nuhikkud tituanattom ele, Nug amu dilag dabma, haen tutu okkulkku.

Matyu 24:22

Anam daatte amunu, Kayak Nug haen amu tutu daakkunu, haen amu ii okkullo, danab ah oh padal melob, amge Kayak nug nuhikkud tituanattom ele, Nug amu dilag dabma, haen tutu okkulkku.

Jeremaia 31:20

Ag anam atteb, amge Israel danab ah ag am da bekkalad, da ahilagnu oo doyaknab iite doottem? Da ahilagnu ool huana iite mauhtte? Da ahilag eheɗ haknu dabmein, bu madakkulnu haen kuɗum attem, amge da amu heinne, da ahilagnu dabmettem, ahilagnu daul ii atitte. Da amu hettem amunu, da ag ele laippu daagnignu ool naɗi daatte. Da ahilagnu ool doyeb, ool matten ehanadkkul.” Yawe Nug anam awa atte.

Aisaia 65:22

⌊Gemu haen kuɗum kekeɗ ag uɗin, ahilag keeke aotteb, amge⌋ haen amuppa da heppi, ag laulkad buuppeg, laa ag uɗin amuppa ii daamna. Da heppi, ag keeke ebappeg, laa ag uɗin ii lamana. Aɗinu? ⌊Da ag ehanadkkul.⌋ Amu dahilad danab ah ag ad haen elab daatteb bia daaglag. Ao, danab ah da ag tituanadmi amu, ag aɗi keeke ag eppelagppa hetteb ele amu, ag uɗat amunu meunu haen elabnab oolag gamag ahakku.

Aisaia 65:9

Da heppi, Jakop buɗub, amuppanu danab kuɗum bekkulag. Ao, Juda buɗub, amuppanu danab kuɗum dona, ag wan dahilppa daan oiglag. Danab ah da ag tituanadmi ele, ag dahil wanppa daan oiglag. Ao, dahilad maɗi nid maɗi ah ele ag aguppa daaglag.

Aisaia 45:4

Da Jakop buɗub, ag dahilad maɗi nid maɗi ah ele amu, da ag eheɗ daatteb anidttem amunu, da ahilagnu dabmak anuqak awewe, ehanadkkulnu hettem. Ao, da Israel danab ah, da ag tituanadmi amu, da ag eheɗ daatteb anidttem amunu, da ahilagnu dabmeinne, da ehanadkkulnu hettem. Da ehanadkkulnu hettem amunu Sairus, da na oninppa ein, uɗat imu mettami. Na da ii dooiɗttem, amge da na binan okkai mettami.

Revelesen 17:14

Medappeg, ag Sipsip Nag ele ban hena, Sipsip Nag Nug ag oh eɗadkku. Aɗinu? Nug am naɗi dilag Naɗi, amu king dilag King. Amu laa Nug ag onilagppa eum, Nug ag nuhig daaglagnu tituanattom, ag nuhignu oo metta ii uuak kobol dim lamidtteb ele, danab amu ag oh Sipsip Nag ele daana, ban eɗidkkulag,” awa aum.

2 Jon 1:13

Da daattem imuppa, ah laa na nug ele am eappinag amu, Kayak Nug ah amu nuhig tituanom ele, nid nuhikkud ag na humidtteb.

Matyu 24:24

Aɗinu? Geha danab laa ag hambuppuna, ‘Da am Kristus,’ o ‘Da am propet,’ akkulag. Ag anam anana, ag epponak keeke danab haknu elele iitta okkainab, amu kobol danab haknu elele iitta laala ele hekkulag. Ag amuppa Kayak danab ah, nuhikkud tituanattom ele, ag agnab hambuppualadkkulagnu hekkulag, amge elele iitta.

Rom 13:14

Ag amu oh aib heppig. Ag Naɗi Jesus Kristus ele ouqena, nuhig kobol ele aon oiyeg! Am ag beɗulagnu dabmak nau dim lamidkkulagnu aib dabmeppig.

1 Korint 13:4

Danab nug oo mauhak dootte ele, nug laa dilagnu paha eheɗ ii dootte, amu nug laa dilagnu oo bodoettak dootte. Nug laanu ameg qe oo elele ii dayak kobol ii hette. Nug nukka onig ii humatte, nug dada ii hette.