Kolosi 3:10 - Nobonob Baibel

¹⁰ ag danab bau beppig daatteb. Amu Kayak Nug danab bau amu heum. Amu Nug ag hanhan doyak madatta he, ag bau bena, Nug biaib daatteb.

Kolosi 3:10 Referans Kwoze

Rom 12:2

Danab laa ag wannu haen imuppan kobolnuib guattak oitteb, ag amubia aib oippig. Iitta! Kayak Nug heeb, ahilag dabmak ena bau beeb, ag oiyak bauppa oiyeg! Ag anam henana, ag Kayak, Nug ag aɗi hekkulagnu dabmaknab aotte, ag amu dooglag. Ag amu doona, ag Kayak Nug aɗi haknu ena dootte, aɗi haknu enanag dootte, aɗi haknu elelenab dootte amu, ag amu ele dooglag.

Epesus 2:10

Amu Kayak Nug nuhig doyakppa he, ig bemut. Ge, Kayak Nug he, ig Kristus Jesusnu daatta, ig kobol ena hekkunignu daattem amunu, ig ig oninig humagnignu elele iitta. Kayak Nug ig amuppa oignignu anukka babaitta mekkom.

Kolosi 3:12

Amu ag am Kayaknu danab, Nug ahilagnu oo mauhe, ag tituanattom daatteb amunu, ag kobol imu dim lamitteg! Ag laa dilagnu oo bodoetta le meeb, ahilagnu oo bodoettak kobol dim lamidna, ag akka ag onilag qeppeg neeb, ag lailkad dilagppa oo bodoetta wagai ii mak kobol dim lamidna, ahilagnu ele oo maɗoɗ kobol heig!

2 Korint 5:17

Amunu aun nug Kristusnu daatte, nug am danab bau. Anukka dayom amubia am iitta. Nuhigppa keeke oh am bau daatte.

Sam 51:10

O Kayak, na heppe, da ool unuqag oppiak ele daakkunu oɗ medattem. Ao, na heppe, dahil dabmak tutukku ele dayeye, na dim lamidkkulnuib hekkulnu unuqidttem.

Esekiel 11:19

Ag amu heppeg, da heppi, ag daib dim lamiɗkkulagnu oolag daakku. Da dabmak bau ag oolagppa mekkul. Da heppi, oo alag ahilagppa ii daama. Iitta! Da heppi, ag daib dim lamiɗkkulagnu oolag daakku.

Kolosi 3:14

Oo mauhak kobol nug kobol ena laa oh laippunab tamanidtte amunu, ag ele laa dilagnu oolag mauhaɗ!

Esekiel 36:26

Da amu hewoya, da ag oolag alag hiɗe, oolag bau madakkul. Da heppi, ag dabmak laa ele aɗan oiglag. Ag oolag alag am ɠagattagnab, men bia, amge da amu hiɗen, oolag bau, oolag ena, ɠagattagnab men bia iitta, oolag amu da ag madakkul.

1 Jon 2:5

Amge aun laa nug nuhig nai dim lamidtte amu, Kayaknu oo mauhak am genab ambak nuhigppa daatte. Amuppa ig doottem, ig nuhigppa daattem.

Rom 13:14

Ag amu oh aib heppig. Ag Naɗi Jesus Kristus ele ouqena, nuhig kobol ele aon oiyeg! Am ag beɗulagnu dabmak nau dim lamidkkulagnu aib dabmeppig.

1 Jon 2:3

Amu ig Kayaknu haknunab anak dim lamidttem dayeb amu, ig amuppa ig Nug doota oittem aakku doottem.

Rom 8:29

Aɗinu? Danab aun aɗi ag Kayaknu oolag mauhkku amu, Nug ag anukka doyattom. Nug doyattom amunu, Nug ag kuɗum Nug Bekka ele oh daan, Bekka Nug ag oolagppa ag awalag nid naanaeg daakkunu, ag Bekka daatte bia daaglagnu, Kayak Nug maittaknab amu awom.

Jon 17:3

Bauklel hanhannu, amuam danab ag na Kayak, na nakkaib am Kayak genab, amu da, na bekkat, na da meiɗe uɗimi amu, ag i oh dooitkkulagnu daatte.

Esekiel 18:31

Ag eheɗ hak heppig amu, ag tuɗidna aib heppig. Ag dabmak bau aona, oolag bau ele aon dayeg! Israel danab ah, ag aɗinu mauhkulag hetteb?

Revelesen 21:5

Am laa nug sia king ⌊anuqak,⌋ amuppa daatte ele Nug aum. “Amu gemu da keeke oh bau hadattem!” awa aum. Anam ana amu Nug baula ele aum. “Keeke imu oh na ye! Aɗinu? Nai imuam genab, danab ah ag oolagppa genab dooglagnu elele,” awa aum.

Epesus 2:15

Nug ameg aɗit amu ouaqateb, ameg aɗit dilah danab ag danab bau bena, ameg laippu daaglagnu, Nug nuhig mauhakppa Nug ɗo nai, amuppa ɗo digdig dim lamidkkunignu yaak dayom amu, Nug amu hokalom. Kobol amuppa nug he, ig Juda, ag iitta aɗi ele, ig oh maɗoɗ daattem.

Galesia 6:15

Danab nug Kristus Jesus ele ouqak daattep amu, nuhigppa gaɗa otaɗak kobol, o iitta gaɗa ii otaɗak kobol, aɗit amu oh am keeke hamu. Kayak Nug he, ig danab Kristusnu uɗat okkaippa bau menuak aot daattem amuib am keeke ena, keeke genabnab daatte.

2 Korint 3:18

Amu keeke laa ig iɗunig ii haut-tte, Naɗinu binag amahlak oppiaawak ele ihinigppa uɗiaya, aam ameg lettodppa ya gotte, ig nuhig binag amahlak oppiaawak ele amubia heta daattem amu, Naɗi Nug ig Nug bia daagnignu baolikkekke, ig nuhig binag amahlak oppiaawak ele tuɗid tuɗid aot daattem. Naɗi Nug am Ouɗi, amu Nug anam aakku hette.

Rom 13:12

Tuqan iitta mekkunu hette; wagɗak bekkunu miagnab daatte amunu, ig gatatunu kobol oh dimadatta, ig amahlaknu bannu bala aot beɗunigppa metu!

Galesia 3:27

Ag Kristus ele ouqena, Nug onigppa layattak aoppig amu, ag Kristus oiyom bia oiglagnu daatteb. Ag oh Kristus ele ouqak daatteb.

Aisaia 52:1

Ag Juda danab ah, ag aheg! Ag danab nug niiom aha, bala mette, ag amubia ahan, ɠagattag, lamen bia takkan dayeg! Ao, ag Juda danab ah, ag Yawenu tituanak daatteb amu, ag ahan, ag ah nug aha, lamen enanagnab tagatte bia bala ahilag enanagnab Kayak eppegppanu takkeg! Aɗinu? Danab nau, danab Kayaknu neekkakppa ag oolagppa dubuttid tak ele, ag uɗin, baula eheɗ ii hattamna.

Hibru 6:6

danab amu ag nena qena, Kayak dimettaglag dayeb amu, ag anam henana, ag oolag eɗueb, Kayak toppa wakkulagnu ib laa iitta. Aɗinu? Ag kobol amuppa Kayak Bekka baula ad emaitakppa atulna, ag Nug ad emaitakppa danab ag nuhignu uɗa laaittak nai akkulagnu aihtteb.

Aisaia 59:17

Amu ban danab nug kekeɗ ele ban hekkunu, nug guppiɗ laa qahaɗ bia momoppa pale dayeye, nug igippa aen hat mewowa, bannu lamen ele tagatte amu, amubia Yawe Nug nuhig kekeɗ ele ban hekkulagnu keeke oh babaitta malom. Nuhig guppiɗ qahaɗ bia am genab tutukku hak kobol. Nuhig aen hat igippanu am ehanatteb, padal ii memananu kobol. Beɗuppanu lamen nuhig am kekeɗ ag eheɗ heppignu nob tutukku madakkunu dabmak aakku. Aria, nuhig lamen, lamen laa qaɗeppa daakkunu, amuam uɗat hekkunu daatte yag-nab-bak doyak aakku.

Job 29:14

Da genab tutukku hak kobol amu, da lamen bia amu takkami. Ao, nai doya mala hettoɗia epeɗia elele mettak kobol am dahil lamen elab, da ikkilppan lamen ele bia dayom.

Genesis 5:1

Adam buɗubppan danab onilag bukppa yaappig am inam. Tatam Kayak Nug Adam heum amu, Nug Nug bia heum.

Rom 6:4

Ig layattak aomut amunu, amuppa ig aakku Kristusnu mauhakppa, ig ele laippu mauhmut. Ig anam mauhut, Kayak Nug ig Kristus ele laippu boumikkom daamut. Ig anam daamutnu diig am, Mama Nug nuhig ɠagattag okkai amuppa he, Kristus eɗua hibaittom, amubia Nug heeb, ig ele oiyak bau aot oignignu elele daagnig.

2 Korint 4:16

Ig am dabmak amu aottem amunu, Kayak uɗat hekkunignu amu ig ii bodoedattem. Ao, genab, ig beɗunig amuam nauhkkun hette, amge deɗ oh Kayak Nug ig oonig bau ɠagattag medatte.

Pilemon 1:6

Am da nahipnu unuqittette, da Kayak amegppa na ig ele oh, ig Jesusnu ooppa genab doyak dim lamidttem ele amu, ig itittak ena digdig oh, ig Kristusnu aottem amu, na amunu diig tutukku dookkutnu ele unuqidttem.