Kolosi 3:1 - Nobonob Baibel

¹ Kayak Nug he, ag Kristus ele oh eɗun hippaidppig amunu, ag keeke attannu, aben amuppa Kristus Nug Kayak eppeg naɗiap-ppa heɗep na daatte amu, ag keeke amuib aoglagnu dabmenana oiyeg!

Kolosi 3:1 Referans Kwoze

Rom 8:6

Danab nug oo alagnu keekenu dabmak anuqak awawa oitte, danab amu nug mauhkku. Danab nug Kayak Ouɗinu keekenu dabmak anuqak awawa oitte, danab amu nug bauklel awa, maɗoɗ daakku.

Matyu 6:33

Amge tatam ag Kayaknu ɗo maɗoɗnu, amu genab tutukku kobol ele hekkulagnu anuqak dooppeg, geha Nug keeke amu oh ele ag madakku.

2 Korint 4:18

Anam daatte amunu, keeke ig amenigppa anadttem ele, ig amunu keeke am anuqak dab-ii-mettem. Iitta. Ig keeke ig amenigppa ii anidttem ele, ig amunu am keeke anuqak dabmak aottem. Aɗinu? Keeke ig amenigppa anidttem ele am haen tutuib daakku, amge keeke ig amenigppa ii anidttem ele am geha hanhan daakku.

Kolosi 3:2

Ag hanhan keeke attan amunuib dabmak aweg! Wanppanu keeke amu, ag amunu dabmak aib aoppig.

Matyu 6:20

Amge ag ahilag en hab aabppa qagmeig! Hab aab appa amu, tiig qak, dittuɗ ele am keeke laa heeg ii nauhtte, amu yab danab laa ele dayaya, keeke yab ii aotte.

Hibru 12:2

Amu ig amenig ukkeb, Jesus, Nug am ooppa genab doyaknu diig daatte, Nug ooppa genab doyak ihinig elelenab medakku diig ele amu, ig Nug anidtu! Jesus Nug anukka maɗoɗppan gamag ahak geha dimppa anidkkunu dabmeum amunu, Nug ɠagattag dayaya, ad emaitakppa uug doyaya, guittak awa mauhom. Ad emaitakppa mauhaknu amu uɗa nak ele, amge Nug dimppa maɗoɗppan gamag ahak okkai aokkunu dabmaama, uɗa nak amunu dab-ii-meum; am keeke hamu bia doyom. Nug amu hewowa, Nug hab aabppa, Kayak eppeg naɗiap-ppa heɗep na dayom.

Luk 12:33

Ag ahilag keeke oh maadppeg, danab daden meppeg, men doɗo aona, daɗek danab ehanadna matteg! Ag anam hekkulag amu ag men doɗo inaknu hogot, alag ma nauhkkunu elele iitta ahilkadnu diiglag. Ag aakku ahilag en ii iitta memanu hab aabppa qagmekkulag. Appa amu yab danab laa nug ii daama, dittuɗ ele ag keeke laa ii heppeg nauhma.

Sam 16:11

Na bau dayaknu ib da ippuniɗme. Ao, na da ele daattep amunu, da maɗoɗppan gamag ahak okkainab doottem, Ge, haen da na eppen naɗiap-ppa dayeye, da enanag doottem, hanhan anam dookkul.

Hibru 1:3

Aam lettod ye, amahlak amia ukke, danab ah anidtteb, amubia Kayak Bekka Nug Kayak binag amahlak oppiaawak ele he, danab ah anidtteb, amu Nug Mameg daatte, amubianab daatte. Nug keeke oh nuhig naippa ɠagattag aqadtte. Nug nuhig mauhakppa Nug danab dilag hipunin uhuqa mattaknu ib ooɗom. Nug ib amu ooɗowa, Nug eɗua hab aabppa ta, Nug Kayak, Nug dagom onig ɠagattag ele, Nug Nug eppeg naɗiap-ppa daatte.

Luk 22:69

amge dimppa Danab Bekkalag da, da Kayak Ɠagattag Oh Ele amu, da Nug eppeg naɗiap-ppa daakkul,” awa aum.

Kolosi 2:20

Ag am Kristus ele oh laippu mauhppig amunu, ag wan imuppan ɗo, ɠagattag iitta ele, ag ɗo amu uuppig dayeb, aɗinu gemu ag eɗun wan danab oitteb bia oitteb? Am aɗinu ag eɗun ɗo meu iitta amu waappa daatteb? Ɗo amuam inam.

Hibru 8:1

Aria, nai ig attem ele, nuhig diig am inam. Ig mana mettak ikki danab Melkisedek bia ele, Nug matu hab aabppa Kayak, dagom onig ɠagattag ele, Nug eppeg naɗiap-ppa heɗep neum daatte.

Rom 8:34

Aun nug danab ah amu hipuninnu nob nau aoglagnu akku? Auntai, laa iitta. Aɗinu? Jesus Kristus Nug nukka aakkuib mauhowa, Nug eɗua hibaitta, gemu Nug hab aabppa Kayak eppeg naɗiap-ppa dayaya, ihinignu Kayak unuqidtte.

Hibru 10:12

Amge Kristus Nug am haen laippu aakkuib hipunin uhuqaknu mana mettak hanhannu aakku heum. Nug anam hewowa, Nug Kayak eppeg naɗiap-ppa heɗep na dayom.

Matyu 26:64

Nug anam a amu, Jesus Nug oɗeppa awa aum. “Na ame. Amge da ag amelagppa attem. Dimppa Danab Bekkalag da, da Kayak Ɠagattag Oh Ele eppeg naɗiap-ppa daabppi aniɗna, amu ele ag lombig hab waappa daatteb, da lombig amuppa dayeye uɗippippi aniɗkkulag,” awa aum.

Epesus 4:10

Nug tatam wan ooppa nowowa, Nug, laa iitta, Nugib eɗua attan ele teum. Nug keeke oh nuhigppa ambak daakkunu, Nug hab attan eɗatta attannab teum.

Mak 14:62

Nug anam oɗ mette amu Jesus Nug aum. “Yo, da iikku, amu dimppa ag Danab Bekkalag da, da Kayak Ɠagattag Oh Ele eppeg naɗiap-ppa daabppi aniɗna, amu ele ag lombig hab waappa daatteb, da lombig amuppa dayeye uɗippippi aniɗkkulag,” awa aum.

Hibru 1:13

Kayak Nug Bekka amegppa anam aum, amge Nug anukka engel nuhig laa amegppa inam laa iinab aum. “Na da eppel naɗiap-ppa daappe ukkeb, da nahip kekeɗ na waatppa maadkkul.” Iitta! Nug Jesus amegppa aakkuib amu aum.

Aposel 2:34

Amuam genab daattenu diig am, Dawit ⌊beɗu⌋ hab aabppa ii teum. Iitta. Nug mauhe, ag nug boumppig, amge Dawit nug anukka aum. ‘Yawe Nug dahil Naɗi amegppa inam aum. “Na da eppel naɗiap-ppa daappe ukkeb, da nahip kekeɗ na waatppa maadkkul,” ’ awa aum, ⌊amunu Dawit nug Jesus ippunigkkunu anam aum⌋.

Luk 20:42

Dawit nug nukka buk Samppa amu inam yom. ‘Yawe Nug dahil Naɗi amegppa inam aum. “Na da eppel naɗiap-ppa daappe ukkeb,

Mak 16:19

Naɗi Jesus Nug anam a amu Kayak Nug he, Jesus Nug hab aabppa ta, Kayak eppeg naɗiap-ppa heɗep na dayom.

Mak 12:36

Aɗinu? Kayak Ouɗi Nug he, Dawit nug inam aum. ‘Yawe Nug dahil Naɗi amegppa inam aum. “Na da eppel naɗiap-ppa daappe ukkeb, da nahip kekeɗ na waatppa maadkkul.” ’

1 Pita 3:22

Jesus Nug eɗua hibaitta, Nug hab aabppa teum. Nug Kayak eppeg naɗiap-ppa daatte. Engel oh, laa ag gumaknu ehah ele oh, aria ɠagattag digdig oh ele, ag oh Nug waappaib daatteb.

Aposel 7:55

Ag anam heppig, amge Kayak Ouɗi am Stiven ooppa ambe, nug tutukku hab aabppa neekka, Kayaknu binag amahlak oppiaawak ele hab aabppa antta, Jesus Nug Kayak eppeg naɗiap-ppa hibaitta dayeye anttom.

Matyu 22:44

Nug inam aum. ‘Yawe Nug dahil Naɗi amegppa inam aum. Na da eppel naɗiap-ppa daappe ukkeb, da nahip kekeɗ na waatppa maadkkul.’

Prowerb 15:24

Danab doyak dabmak ena ele dilagnu amu, ahilagnu bau dayak ib am taata gotte; ag mauhak abenppa nomananu anam hette.

Sam 110:1

Yawe Nug dahil Naɗi amegppa inam atte. “Na da eppel naɗiap-ppa daappe ukkeb, da nahip kekeɗ na waatppa maadkkul,” awa aum.

Eklisiastis 10:2

Danab nug doyak dabmak ena ele, nug ib ena awa oikkunu daatte; danab nug Kayak dab-ii-maama ii dim lamidtte ele, nug ib eheɗ awa oikkunu daatte.

Epesus 5:22

Ah ag Naɗi waappa daatteb, amubia ag gamulkad waalagppa dayeg!