Kolosi 2:22 - Nobonob Baibel

²² Keeke ag ig ii aɗamtanu, ii lamatanu, ii lauɗidmatanu atteb ele amu, keeke amu oh am dimppa iitta mekku. Ɗo amuam danab dabmakppanuib. Keeke genabnab iitta.

Kolosi 2:22 Referans Kwoze

Aisaia 29:13

Am Naɗi Nug atte. “Danab ah imu ag oɗelagppan nai mattiakppa da gumiɗna uɗitteb. Ao, ag nai mattiak ahilagppa da binal meɗatteb, amge ag oolag da ii meɗatteb. Ag dup nona binal metteb, amge ag danab dilag dabmakppaib, amu ag danab dilag ɗoppaib amu hetteb.

Taitus 1:14

Ag Juda dilag kaya hamu, amu danab laa ag doyak diig genabib dimettan, haknunab nai laala metteb ele amu, ag Krit ag nai hamu amu, haknunab nai amu ele dim lamidmananu na appe doyeg!

1 Korint 6:13

Ee nug ig oonignu daatte, ig oonig nug ee aokkun daatte, amge aa oh am gemunuib. Kayak heeb, aa oh iitta mekkulah. Aria, ee nug ig oonignu daatte, ig oonig ee aokkunu daatte, amge ig beɗunig amu, ig amuppa gappai hekkunignu ii daatte. Iitta. Ig beɗunig am Naɗinu keeke, amu Naɗi Nug ig beɗunig atognotte.

Jon 6:27

Ag ee aon lappeg, beɗulag ɠagattag qeeb, wan imuppaib ena daaglagnu aib anuqak dooppig. Iitta. Ag Kayak nai aon dabmenan, bauklel hanhannu aoglagnu anuqak doyeg! Mama Kayak Nug da ag amu madakkulnu ɠagattag meɗom amunu amu, Danab Bekkalag da, da ag madakkulnu elele,” awa aum.

Daniel 11:37

King amu nug mamekkud aɗi dilag kayak dab-ii-mema. Nug ah ag kayak laanu oolag mauhtte ele, nug laa amu dab-ii-mema. Ge! King amu nug kayak laalanu ii dabmema. Aɗinu? Nug nukka, nug kayak laa oh, Kayak genab ele eɗattak daatte dabmekku.

Aisaia 29:18

Haen amuppa ⌊Yawe Nug heeb,⌋ danab daulag ituak ele, ag danab laa buk itoɗiak ebqeebeb dooglag. Danab amelag gaɗuak ele ag, ag baula gatatu ooppa ii daamna. Iitta! Ag neegkkulag.

Revelesen 17:18

Aria, na ah anidme ele, nug am aab okkai, nug wanppanu king oh ikkilag daatte,” awa aum.

Kolosi 2:21

“Na amu aib aɗame! Na amu aib lame! Na amu eppenppa aib lauɗidme!”

2 Pita 2:12

Amge hambuppuak ippunittak danab ag am keeke ii doottebnu dabittak nai maditteb. Ag am doɗ dabmak iitta ele daatteb bia daatteb. Ag am doɗ dakkuɗ ag aɗi aɗi hekkulagnu daatteb amu, ag dabmenan ii hetteb. Iitta. Ag hakib hetteb, amubia ippunittak danab hambuppuak imu ag anam hetteb. Ag am doɗ pelemppa aɗualadta, aqadkkunignuib menuattak bia daatteb. Ag geha doɗ dakkuɗ bia padal mekkulag.