Kolosi 2:14 - Nobonob Baibel

¹⁴ Am ɗo nai yaak oh am ihinig ib oo ne dayom, amge Kayak Nug ib oo nak am loppaɗom. Ɗo nai nug am ig hettoɗikka hippalikkom, amge Kayak Nug ihinig aab amu awa, Jesus beɗuppa ma, Nug ad emaitakppa atula he, aab ihinig oh aakku iitta meum.

Kolosi 2:14 Referans Kwoze

Aisaia 44:22

Ag hipunin heppig, amge da hei, ulah lombig ye ukka ii daatte, amubia da ahilag hipunin oppii ii daatteb. Ao, ag hipunin heppig, amge aam he, buttuanu buttuɗai iitta mette, amubia da uhuqen mattai, hipunin ahilag ii daatteb. Da ag hipuninnu qagaiettakppanu eɗua uhuqak hein mattami amunu, ag dahilppa eɗun uɗieg!” Yawe Nug anam atte.

Aisaia 43:25

⌊Ag hipunin henana, padal mekkulagnu elele,⌋ amge da, da Yawe, da diilnu dabmak anuqak awewe, da ahilag hipunin uhuqen madattem. Da ahilag hipunin uhuqen matten, da daul atie, baula dab-ii-mettem.

Hibru 8:13

Nug nug tituana nai qakkak baunu anam anana, nug tituana nai qakkak tatamnu amu Nug he, alag meum. Amu keeke nug alag ma, nug kaino bia nakoknab dayaya, iitta mette.

Hibru 7:18

Mana mettaknu danab baknu ɗo anukkanu am ebehi iitta, am meu enanag laa he ii beum amunu, Kayak Nug qe iitta meum.

Kolosi 2:20

Ag am Kristus ele oh laippu mauhppig amunu, ag wan imuppan ɗo, ɠagattag iitta ele, ag ɗo amu uuppig dayeb, aɗinu gemu ag eɗun wan danab oitteb bia oitteb? Am aɗinu ag eɗun ɗo meu iitta amu waappa daatteb? Ɗo amuam inam.

1 Pita 2:24

Ig hipuninnu begbeg maɗi nid daamtanu, ig Kayak dim lamidta genab tutukku hak danab daagnignu, Jesus Nug ihinig hipunin oh ad emaitakppa mawom. Genab, Jesus nug guittak awe, ig amuppa elele daattem.

Aposel 3:19

Amunu Kayak Nug ahilag hipunin uhuqa matteb, ag oppiaawak daaglagnu, geha Naɗi Nug haen ena madakkunu, Nug heeb, Kristus, Kayak Nug ahilag ehanittak daakkunu tituanom ele amu, Nug uɗikkunu, ag oolag eɗun Kayak dim lamitteg! Kayak Nug anukka laa tituanom ele amu, Nug am Jesus.

Aisaia 57:14

Amu laa Nug ⌊Yawe oɗe awa, inam⌋ akku. “Ag ib babaitteg! Ag ib babaitteg! Ag dahilad danab ah eɗun, ahilag wanppa uɗiglagnu, ag ib oonaknu keeke oh heppeg iitta maɗ!” awa akku.

Sam 51:1

O Kayak, na ig danab ah, na ihinignu oo mauhaknab doottem amunu, na dahilnu oot gai-iitta doon oot meɗan ehaniɗkkutnu oɗ medattem. Yo, na ig danab ah, na ihinignu na oot bodoetta, le ma auta autanab aotte amunu, na dahil hipunin uhuqna meɗakkutnu unuqidttem.

Namba 5:23

Mana mettak danab nug eheɗ laa awaknu anak waappa dayaknu nai imu buk itoɗiak laappa ya, nug yaak amu iheb, le ninig ele amuppa nokku.

2 Tesalonaika 2:7

Ɗo ii dim lamittak kobol amu gemu uɗia lokkumak haaha daatte, amge ɗo ii dim lamittak kobol okkai memanu, laa nug ib oo nette ele amu, nug anam heebeb ukkeb, laa nug heeb, ib oo nak amu iitta meeb amu, ɗo tappe nak kobol am okkai mekku.

Sam 51:9

Na dahil hipunin oh uhuqna meɗan, na amunu baula ii dabmemanu oɗ medattem. Ao, na heppe, eheɗ hak dahil oh iitta mekkunu unuqidttem.

Esta 3:12

King nug anam aum amunu, kalam digmaknu deɗ 13ppa Haman nug kingnu nai yaak danab onilagppa e uɗieg, nug ag amelagppa aɗi nai gumak danab anuqaknab, amu prowinsnu gawana, amu prowinsnu anuqak danab ele dilagnu yaaglagnunab a, amu ag aakku ahilkad yaaknu kobolppa, amu ahilkad nai aben abenppa nai yaappig. Ag anam yaaeg, nug uɗug amu ohppa King Ekserksis onig ya, nug king doyaknu at ringppa daatte, amuppa kingnu at pepa amuppa qataqattom.

Nehemaia 4:5

Danab aɗit amu aa awa awa qettak nai naunab danab uɗat imu hetteb dilagnu mattiya malapiɗ amunu, na aab aa beɗulahppa daatte daut atimanu, na ahilah hipunin ii uhuqna matamnanu oɗ medattem.” Da anam Kayak unuqidmi.

Luk 1:6

Aa oh Kayak noobppa tutukku oittapiɗ. Aa Naɗinu haknunab anak, ɗo nai oh ele Kayaknu neekkakppa eleleib dim lamidpiɗ.

Esta 8:8

Amge ɗo nai king onigppa yaak daatte, nuhig doyaknu at ringppa daatteppanu mak ele amuppa daatte amu, ɗo nai amuam heeb iitta mekkunu ib laa iitta. Anam daatte amunu, aa aɗi nai Hamannu dabmak Juda bemanu yaaglahnu dabmekkulah amu, aa nai amu ɗoppa yoya, aa da, king, aa dahil doyaknu at ringppa daatteppa yaak amuppa at mewoya, aa nai amu da onilppa mepeɗ ukkaɗ!” awa aum.