Kolosi 2:12 - Nobonob Baibel

¹² Ag layattak aoppig, haen amuppa ag Kristus ele laippu ouqena daappig; ag Nug ele oh laippu moɗppa boumak daappig. Ele amu, ag layattak aoppig, haen amuppa ag ele Kayak Nug nuhig ɠagattagppa uɗat he, Jesus eɗua hibaittom oolagppa genab doyegeg, ag Kristus ele oh laippu eɗun hippaidppig daatteb.

Kolosi 2:12 Referans Kwoze

1 Pita 3:21

Aria, ag gemu daatteb amu, ag am Noa aɗi, ag aɗi keeke ippunigtteb bia daatteb. Ag ele leppa ehanittak aotteb. Amuam layattak, amge layattak am beɗunigppanu dubuttid ihaknu keeke iitta. Iitta. Layattakppa ⌊ag oolag eɗueb,⌋ ahilkad ooppan oiyak ippunittaknu ulum am ag oolagppa eheɗ laa ii daatte ippunatte, ag amuppa Kayak oɗe genab dim lamidkkulagnu Nug amegppa ahilag nai ɠagattag qettan maditteb. Amunu diig am Jesus Kristus, Nug mauhakppanu eɗua hibaittom.

Galesia 3:27

Ag Kristus ele ouqena, Nug onigppa layattak aoppig amu, ag Kristus oiyom bia oiglagnu daatteb. Ag oh Kristus ele ouqak daatteb.

Aposel 2:24

Amge Kayak Nug mauhak oolagppanu uhuqa he, eɗua hibaittom. Mauhak Nug aɗakkunu elele iitta.

Epesus 3:17

ag ahilag ooppa genab doyakppa Kristus Nug ag oolagppa daakkunu, amu Kayaknu oo mauhak ag ɠagattag aqeb, ad diɗi nug wan aɗe ad ɠagattag daatte, amubia ag ɠagattag daaglagnu unuqidttem.

Rom 4:24

Iitta. Ihinignu ele aakku atte. Ig Kayak Nug he, Jesus, ihinig Naɗi, Nug eɗua hibaittom amu, ig nuhignu oonigppa genab doottem, amu Kayak Nug ihinig ooppa genab doyaknu amu ele antta, ihinignu, “Ag am genab tutukku hak danab,” atte. Amunu nai amuam ig oh, ihinignu nai.

Epesus 4:5

Aria Naɗi laippuib daatte, oonigppa genab doyak laippuib daatte, amu layattak ele laippuib daatte,

Epesus 2:8

Ag Kayaknu oolagppa genab dooppig amu, amuppa Kayak Nug ehanittak okkai hamu matta, Nug ag eɗua diia, bauklel mattom. Nug ahilag uɗat, Nug amunu dabmaama ii mattom. Iitta! Nug ag ahilag daakkunu hamu mattom.

1 Korint 15:20

Amge anam iitta. Kristus Nug mauhe, Kayak Nug genabnab he, Nug eɗua hibaittom. Nug datta ee tatam oɗue digmen aotteb, amubia Nug danab mauhak amu, Nug ag oolagppanu Nug tatam anuqa eɗua hibaittom.

Hibru 12:2

Amu ig amenig ukkeb, Jesus, Nug am ooppa genab doyaknu diig daatte, Nug ooppa genab doyak ihinig elelenab medakku diig ele amu, ig Nug anidtu! Jesus Nug anukka maɗoɗppan gamag ahak geha dimppa anidkkunu dabmeum amunu, Nug ɠagattag dayaya, ad emaitakppa uug doyaya, guittak awa mauhom. Ad emaitakppa mauhaknu amu uɗa nak ele, amge Nug dimppa maɗoɗppan gamag ahak okkai aokkunu dabmaama, uɗa nak amunu dab-ii-meum; am keeke hamu bia doyom. Nug amu hewowa, Nug hab aabppa, Kayak eppeg naɗiap-ppa heɗep na dayom.

Hibru 6:2

layattak digdignu nai, eppeg danab qaɗeppa maknu nai, Kayak Nug mauhak danab maɗetteb eɗua hibaittaknu nai, Kayak Nug danab ah oh ag epeɗiatteb, ag hanhan nob ena o iitta nob nau aon daaglagnu nai ele amu, ig nai amuib ii mattimta.

Epesus 5:14

Aɗinu? Amahlak am he, keeke oh miag atiak bena daatteb. Diig amunu nai imu Kayak naippa niitte. “Na niittem ele amu, na ahe! Na mauhakppanu eɗun hippaidppe, Kristus na amahlak medakku.”

Epesus 3:7

Kayak Nug nuhig ɠagattagppa nuhig ehanittak okkai hamu mettak meɗa, da Nai Ena imu mehuqkkulnu nuhig maɗi nid meiɗom daattem.

1 Korint 12:13

Kayak Ouɗi Nug he, ig oh beɗu laippu bia daattem. Laala am Juda danab, laala am iitta aɗi danab. Laala am begbeg maɗi nid, laala am begbeg maɗi nid iitta. Yo, ig oh Kayak Ouɗi Nugib aomut.

Rom 7:4

Amunu O lailad, gemu ag laa, Nug mauhe, Kayak he, Nug eɗua hibaittom ele amu, nuhig daaglagnu, ag ig ele oh ig Kayaknu kobol ena hekkunignu, ag Kristusnu mauhakppa, danab laa mauha ɗo waappa ii daatte, amubia ag ɗo waappa ii daatteb.

Aposel 14:27

Aa uɗiya Antiok beya, aa Kristen tamaniak qagmadya, aa amelagppa Kayak ahilahppa aɗi heum amunu oh mattiya, aa inam ele apiɗ. “Kayak Nug he, iitta aɗi ag ele oolagppa genab dooppig,” aoya apiɗ.

Luk 17:5

A amu totol danab 12 ag Naɗi amegppa appig. “Na heppe, ig ihinig ooppa genab doyak amu okkainab maɗ!” aon appig.

Aposel 2:32

Aria anam amunu, ag doyeg! Kayak Nug he, Jesus eɗua hibaittom. Ig oh Jesus eɗua hibaittom amu anidmut amunu, ig iikku madittem.

Kolosi 1:29

Diig amunu da dahil ɠagattag ohppa da uɗat amu hekkulnu heɗiag okkai hettem. Kristus Nug nukka da uɗat anam hekkulnu ɠagattag okkai nuhig da meɗa, Nug da tappaɗilele hettem.

Kolosi 2:13

Anukka amu ag hipunin digdig henan, ag oo alagnu kobol dim lamittegeg, kobol amu nug ag aqe mauhak bia daattappig. Amge Kayak Nug Kristus maɗette ahe, ag ele bau mattom. Nug ig oh hipunin hemut amu, Nug hipunin amu oh uhuqa mekkom.