Kolosi 2:10 - Nobonob Baibel

¹⁰ Nugib okkai ohnu, amu okkainab ohnu ele ikki daatte. Nuhigppaib amu Kayak Nug aɗi keeke madakkunu hette amu, am ahilagppa ambette.

Kolosi 2:10 Referans Kwoze

Epesus 3:19

Aria, da ag Kayaknu oo mauhakppa ɠagattag daaglagnu unuqidttemnu diig laa am, keeke ena ena Kayak Nug nuhigppa ambak daatte amu, Nug keeke amu ahilagppa elele elele madakkunu, ag Kristusnu oo mauhak, danab dilag dabmak eɗidtte amu, ag oo mauhak amu ele dooglagnu elele daaglag.

1 Pita 3:22

Jesus Nug eɗua hibaitta, Nug hab aabppa teum. Nug Kayak eppeg naɗiap-ppa daatte. Engel oh, laa ag gumaknu ehah ele oh, aria ɠagattag digdig oh ele, ag oh Nug waappaib daatteb.

Hibru 5:9

Jesus Nug uug amu oh mawom amuppa Nug mana mettak ikki danab daakkunu elelenab mettom, amu Nug danab oh nuhig nai dim lamidtteb ele amu, Nug am ahilag ehanatta eɗua diiak hanhannu diig beum daatte.

Jon 1:16

Ehanittak okkai hamu mettaknu kobol nuhigppa ambak daatte amunu, ig nuhigppa itittak ena digdig aakku aomut.

Kolosi 3:11

Amunu kobol bau amuppa laa nug Juda danab, o Grik danab, o gaɗa otaɗak, o gaɗa ii otaɗak, o Rom danab, o Skitia danab, o begbeg maɗi nid, o begbeg maɗi nid iitta daatte, amu oh am keeke hamu; huu anen anen dayak amubia ii daatte. Iitta. Kristus Nug nukka ag ikkilag daatte, amu Kristus Nug nukka nuhikkud danab iɗu iɗu ohnu oolagppa noum daatte.

Matyu 28:18

Anam heegeg, Jesus Nug ag gumatta doa, amelagppa aum. “Kayak Nug da keeke oh wanppanu, habppanu ele ikkilag daakkulnu meiɗom

1 Korint 15:24

Aria, amu dimppa Kristus Nug gabman uɗat, ikki dayak uɗat, amu ɠagattag digdig ele amu oh heeb, iitta meppeg, Nug ɗo maɗoɗ amu Kayak, ig Mamenig, Nug eppegppa meeb dayeb, haen aakku gogppa tekku.

Epesus 3:10

Kayak Nug dabmak inam awom. Gemu Kristen tamaniak ooppan danab ah amu, ag nuhig doyak dabmak ena ele digdig kuɗum am miag atippeg, ikki danab, amu danab ag gumaknu ehah ele, ig danab ig ag ig amenigppa anidkkunignu elele iitta, ag ohnab dooglag.

Kolosi 2:15

Nug Satannu daup laa ag gumak uɗat ɠagattag ele hetteb, amu laa ag gumak uɗak okkai ele hetteb amu, Nug ɠagattag ahilag aɗatta, ad emaitakppa Nug ag eɗattowa, nug danab amelagppa diia, keeke hamu bia hattom.