Kolosi 1:5 - Nobonob Baibel

⁵ Ag tatam nai doyak diig genabibppanu, amuam Jesusnu Nai Ena, ag amu doon, keeke Kayak Nug hab attan ahilagnu tituanom amu, ag amu aoglagnu ele doona, gemu ag aoglagnu dabmak aɗan oitteb amunu, ag ooppa genab doyak ahilag, oo mauhak ahilag ele aɗan daatteb.

Kolosi 1:5 Referans Kwoze

Epesus 1:13

Ag Epesus daatteb amu, ag ele nai doyak diig genabibppanu, amuam Kayak Nug ag eɗua diikkunu ib babaittomnu Nai Ena, nai amu doonna, ag Kristusnu oolagppa genab dooppig amunu, ag Kristusnu daatteb, amu ag Kayak Nug nuhig Ouɗi, anukka Nug megakkunu nai qakka aum amu, ag genab nuhikkudnab daatteb miag atiak daakkunu, Nug nuhig Ouɗi ag mattom.

2 Timoti 4:8

amu gemu nob ena da aokkulnu amu, Kayak Nug aakku meum daatte. Nob ena amu Naɗi, Nug danab ah tutukkuib epeɗiadtte ele, Nug eɗua hibaittaknu deɗppa da meɗakku. Amge dakkaib iitta. Aun laa oh ag Nug eɗua uɗikkunu tappaɗidna daatteb ele, Nug ag ele madakku.

Taitus 1:2

Doyak diig genabib amuam he, ag bauklel hanhannu aoppig daatteb dootteb. Kayak, Nug hambuppuak nakok laa iinab maditte amu, Nug ag bauklel hanhannu amu aoglagnu anukkanab, keeke ii heum haenppa nai qakka aum.

Kolosi 1:27

Lokkumak nai amuam enanagnab, danab oh dilagnu. Amu Kayak Nug danab ah nuhikkud ag amu dooglagnu heum. Nai lokkumak amuam iikku. Am Kristus, ag oolagppa daatte. Nugib ag omalatteb gona, Nug ele hab attan ena daaglag.

1 Pita 2:2

Amu ag danab laa nug ee enanag laa lana enanag dootte, amubia ag Naɗinu enanag doona, ag Nug bekkod daatteb amunu, ag ena mekkulagnu, nid yuɗ ag huh aoglagnu oolag okkainab daatte amubia, ag Kayak nai, ag amu dooglagnu oolag dayaɗ!

Kolosi 1:23

Anam amge, keeke laa ag Nai Ena am ena baknu dabmak aɗa dayak ippunigtte, am dabmak amuppanu eeɗatteb, ag Jesusnu Nai Ena doona, oolagppa genab dooppig ele, ag ooppa genab doyak amu uuna, ag nena qemananu, ag tuɗidna, ooppa genab doyak amu ɠagattag aɗan ɠagattagnab daaglagoitte. Jesusnu Nai Ena ag dooppig ele amu, danab wan ohppa daatteb, ag amunu mehuqak dooppig. Amu da Pol, da am nai amunu maɗi nid daattem.

1 Korint 15:19

Ig Kristusnu oonigppa genab doota, ig Nug ehanigkkunu dabmak aɗat oittem ele amu, ig wan imuppaib nuhig ehanittak aognignu daattem daalo, amu ihinignu gadonnab.

Hibru 7:19

Aɗinu? Ɗo nug he, keeke laa elelenab ii beum, amge Kayak Nug ib laa ooɗom. Ib amu nug ɗo eɗittak, enanag. Amu ib amuppa ig Kayak toppa wakkunignu elele daattem.

1 Tesalonaika 2:13

Ig ag amelagppa nai mehuqmut amu, ag wanppanu danab dilag nai bia ii aoppig. Iitta. Ag nai amunu, am Kayak nai, tutukku doonna aoppig amunu amu, ig haen oh Kayak amegppa keeke amunu ele, “Ena heme,” aot attem. Nai amunu amu ag oolagppa genab dootteb ele amu, nug ag oolagppa uɗat ɠagattag heehe, meu aakku bette.

1 Jon 3:3

Am danab ah ag Kristus anidna, Nug daatte bia daaglagnu dabmak aɗan oitteb ele, ag Kristus Nug oppiak daatte, ag amubia oppiak daaglagnu hetteb.

Galesia 5:5

Amge ihinignu amu Kayak Ouɗi Nug ehanikkekke, ig ooppa genab doyak ihinigppa, ig Kayak Nug ihinignu, “Genab tutukku hak danab,” awa akkunu ameg metta, keeke amu bekkunu haen tapaɗidta daattem.

2 Korint 5:19

Amu nai ihinig amu iikku. Kayak Nug Kristusnu uɗatppa danab ah oh ele oolag laippu daaglagnu ib babaitta, Nug ag ahilag hipuninnu nob madakkunu ii dabmeum. Aria Nug he, danab ah ag Nug ele oolag laippu bekkulagnu ib babaittak daatte, Nug nai amu mehuqaknu uɗat amu ig mekke hettem.

Aposel 23:6

Aria, Pol nug anam a daaegeg, nug doyom, hettoɗiak okkai danab laala ag am ɗo gumak danab-Sadyusi, amu laala ag ɗo gumak danab-Parasia amunu, nug hettoɗiak okkaippa ewa aum. “O lailad, da am ɗo gumak danab-Parasia laa. Da mamel ele am ɗo gumak danab-Parasia. Danab mauhppig, dimppa ag eɗun hippaidkkulagnu amu, da dabmak amu aɗe ameg mein daattem amunu, diig amunu, gemu da iikku hettoɗiakppa daattem,” awa aum.

1 Pita 3:15

Iitta. Ag oolagppa Kristus Nugib am ahilag Naɗi daatte doyeg! Keeke ena ag aoglagnu dabmak aɗan oitteb ele amu, laala ag amunu diignu oɗ madappeg, ag nai nob mekkulagnu bappaidna daaglag,

1 Korint 13:13

Amunu ib ewam imu daatteb; ooppa genab doyak kobol, ena bekkunu dabmak aɗa oiyak kobol, aria laa dilagnu oo mauhak kobol ele aakku. Ib ewam amu oh daatteb, amge ib ewam amu oh oolagppa ib anuqaknab daatte, amuam laa dilagnu oo mauhak kobol.

Aposel 24:15

Da amu oolppa genab doottem, amu da keeke laa elenu dabmak aɗa ameg ma dayak doottem, danab imu hetteb, amubia. Amuam Kayak Nug geha heeb, genab tutukku hak danab, amu danab nau ele oh ag eɗun hippaidkkulag.

Sam 31:19

⌊O Yawe⌋ na danab ah ag nahipnu ebehilag oh bodoetta le mette ele, na amu dilagppa keeke ena ena ehanadkkutnu hena, bappaidna aɗattem. Yo, na danab ah ag padal mak eɗidna ena daaglagnu nahip-ppa uɗitteb ele, na amu dilagppa danab ah oh noolagppa kobol ena ena hettem.

1 Timoti 1:15

Nai imuam genab, meu ele amunu ag aona, oolagppa genab dooglagnu ele elele. Nai am inam. Jesus Kristus Nug wan imuppanu hipunin danab ah eɗua diiadkkunu uɗiom. Hipunin hak danab ah oh eɗattak am daib.

2 Tesalonaika 2:16

Aria, ihinig Naɗi Jesus Kristus Nugnab, amu ig Mamenig Kayak, Nug ihinignu oo mauhom, Nug nuhig ehanittak okkai hamu mettakppa oo ɠagattag qak hanhannu, ena baknu dabmak aɗa oiyak enanag ele mekkom amu, aɗit amu aa hepeɗ,

Kolosi 3:16

Kristusnu nai enanag meu ele ag oolagppa daakkuoitte! Ag akka akka doyak dabmak ena eleppa nug ippunidnana, nug ehanittak ele heig! Ag oolagppa Kayak amegppa, “Ena hen mekkame” anana, ag sam, mettidnu ahi, amu Kayak binag maknu ahi ele etteg!

Rom 10:8

Amge nai amu aɗi atte? Am inam atte. “Nai amu na guguittaknab daatte, na oɗenppa, na ootppa ele daatte.” Nai amuam ooppa genab doyaknu nai; nai ig mehuqttem ele.

Aposel 10:36

Nai amunu diig am Jesus Kristus, Nug wan ohppan dilag Naɗi daatte amu, Nug nuhig uɗat okkaippa maɗoɗ daakkunu ib ooɗe, Kayak Nug maɗoɗnu Nai Ena amu me, Israel dilagppa uɗiom, am anamib daatte.

Luk 12:33

Ag ahilag keeke oh maadppeg, danab daden meppeg, men doɗo aona, daɗek danab ehanadna matteg! Ag anam hekkulag amu ag men doɗo inaknu hogot, alag ma nauhkkunu elele iitta ahilkadnu diiglag. Ag aakku ahilag en ii iitta memanu hab aabppa qagmekkulag. Appa amu yab danab laa nug ii daama, dittuɗ ele ag keeke laa ii heppeg nauhma.

Aposel 13:26

O lailad, ag laala Abraham buɗubppan danab, amu ag laala iitta aɗi danab ag Kayaknu ebehilag oh bodoetta le mette amu, ag oh doyeg! Kayak Nug danab eɗua diiadkkunu aum amu, Nug ig oh, ihinignu aum.

Galesia 2:5

Amge ig Nai Ena ag iitta aɗi, ahilagppa hanhan daakkunu oonig dayom amunu, ig gaɗalag Kristen dilag nai amu nakoknab laa ii dabmemut.

Galesia 2:14

Aria, ag Nai Ena ippunigtte amubia ii oippig anidmi amunu, da ag noolagppa Pita amegppa ami. “Na Juda danab, amge na iitta aɗi ⌊ag Kristen daatteb, amge ag Juda dilag dimittimnuib ɗo oh ii dim lamidna oitteb amu,⌋ na ag oitteb bia oittem. Anam amunu, na attem hena, na gemu iitta aɗi, ag Juda kobol amu dim lamidkkulagnu ɠagattag hettem?

Epesus 4:21

Iitta. Ag nai dooppig ele amu, ag Jesusnu aeg iite dooppig? Ag Kristen beeg, ag nuhig nai genab aeg iite dooppig? Yo, ag anam dooppig.

2 Pita 1:12

Ag keeke amu oh dootteb, doyak diig genabib ele aoppig amu, ag amuppa ɠagattag hippaidna daatteb, amge da amu ohnu hanhan dabmak ahilag maɗedakkulnu hettem.