Kolosi 1:29 - Nobonob Baibel

²⁹ Diig amunu da dahil ɠagattag ohppa da uɗat amu hekkulnu heɗiag okkai hettem. Kristus Nug nukka da uɗat anam hekkulnu ɠagattag okkai nuhig da meɗa, Nug da tappaɗilele hettem.

Kolosi 1:29 Referans Kwoze

1 Korint 15:10

Amge Kayak Nug da ehanittak okkai hamu meɗe, da gemu attem daattem amu ehanittak nuhig amuppa da aakku daattem. Nug da ehanittak okkai hamu meɗe amu, da ii kakidmi. Iitta. Da uɗat ɠagattag hei uɗie, gemu ele hettem. Totol danab laa ag da uɗat ɠagattag hettem bia ɠagattag ii hetteb, amge da dakka ii hettem. Iitta! Kayak Nug da ehanittak okkai hamu meɗe, da amuppa amu hettem.

Epesus 1:19

Amu ele, da ag nuhig ɠagattag okkainab, batak iitta ele, ɠagattag amu ig ooppa genab doyak ele, ihinigppa niitte, ɠagattag amu ihinigppa uɗat hette ele amu, ag ɠagattag amu ele dooglagnu unuqidttem. Ɠagattag amuam Kayak Nug nuhig ɠagattagppa he, Jesus eɗua hibaittom, amu aakkuib.

Epesus 3:7

Kayak Nug nuhig ɠagattagppa nuhig ehanittak okkai hamu mettak meɗa, da Nai Ena imu mehuqkkulnu nuhig maɗi nid meiɗom daattem.

Pilipai 2:13

Aɗinu? Kayak Nug hanhan, ag Nug oo niitte bia, nuhig uɗatnu dabmaknab aon, amu hekkulagnu oolagppa uɗat hette.

Kolosi 2:1

Da ag Kolosi danab, Laodisia danab, amu danab oh da iɗul ii anidppig ele, da ag imu dooglagnu ool daatte. Da Kayak ag ehanadkkunu, da haen oh uɗat heɗiag ele hettem.

2 Tesalonaika 3:8

Ag ihinignu oolag uug qemanu ig amun tuqan ele ee aognignu uɗat ɠagattag hetata, ig danab laanu ee hamu ii lattamut. Iitta. Ig daden meta lamut.

1 Tesalonaika 2:9

Ao ig lainkad, ag ihinig uɗat okkai uug ele amu ag anidna dooppig. Ig tuqan amun ele eppenigppa uɗat hetata, ig Kayaknu Nai Ena ele mehuqmut. Aɗinu? Ig ahilag ee keeke hamu aopput, ag ihinignu oolagppa uug doomnanu ig anam hemut.

Kolosi 4:12

Epapras, ahilag nid laa, Kristus Jesusnu maɗi nid, nug ele ag humadtte. Haen oh nug nuhig unuqittak ɠagattagppa nug ag ehanattatta, Nug Kayak heeb, ag Kayaknu dabmaknab awak pehettan doon, anamib ɠagattag daanna, danab kalulag ele daanna, ag dabmak aɗit ele iitta daaglagnu unuqidtte.

1 Korint 12:11

Kayak Ouɗi laippu amu, Nugib nuhig ɗo hamu mettak amu oh he bette. Nug dabmette bia danab anen anen aɗi hekkulagnu ehah amu madatte.

Rom 15:20

Da uɗat amu heinne amu, da danab laa ag tatam tamaniak buueg beum daatte amuppa nai mehuqkkulnu ool ii daatte. Iitta. Da aben laalappa Kristus onig ii dooppig ele, ahilagppa Nai Ena madikkulnu da ool okkainab daatte.

Revelesen 2:3

Da doottem, na da onilnu eheɗ laala na beɗunppa be doome; gemu ele doottem. Anam amge na uug doyaya eɗittaknuib dabmak awak kobol dim lamidna, na amuppa na gai-iitta ii meme.

2 Timoti 2:10

Amunu amu, da ool ɠagattag qetten, da Kayak Nug danab ah nuhikkud tituanattom, ag ele Kristus Jesusnu eɗua awikkak aon, haen oh hab aabppa daaglagnu, da ag ehanadkkulnu heinne, uug imu oh maottem.

Pilipai 1:30

Amu ag uug da haen matu matu maomi anidppig, gemu ele da uug amuib mawewe daaiyi, ag dootteb amunu, ag da ele layam ena daat, uug amuib maotu!

Pilipai 1:27

Anam, amge aɗi kobol bekku amu, ahilagnu keeke anuqak daatte am, ag oiyak ahilagppa, ag Kristusnu Nai Ena ag amu attem oiglagnu ippunadtte amu, ag anam dim lamidnana tutukku eleleppa oiyeg! Ag anam heppeg amu, da ag anadkkulnu gokkultai, iitta da naippulagib dookkultai am keeke okkai iitta, amge da ag oolag laippu ele daanna, ag dabmak laippu tamanin, ag nug ehanidnana, Jesusnu ooppa genab doyak ahilag aɗan daatteb dookkul.

Epesus 3:20

Kayak, Nug nuhig ɠagattag ig oonigppa uɗat hette ele, Nug amuppa keeke okkai okkai, ig amunu dabmekkunignu, o Nug oɗ mettagnignu elele iitta. Ao, Nug amu eɗittak okkainab hekkunu elele; amu binag amahlak oppiaawak ele nuhigppa dayaɗ!

2 Korint 13:3

Da anam heppi, ag genab tutukku dooglag. Kristus Nug da oɗelppa nai maditte. Doyeg! Kristus Nug ahilagnu ha, Nug uɗat nuhig ii bodoedatte. Iitta! Nug ahilagppa uɗat ɠagattag hette.

2 Korint 11:23

Ag Kristusnu maɗi nidte? (Da gemu dahil dabmak eɗile, da nai madittem.) Kristusnu uɗatppa amu da ag eɗadttem. Dahil hak ɠagattagppa da ag eɗadmi, Jesusnu nai mehuqaknu maniguittakppa dayak am da ag eɗadmi. Danab ag da muɗi qaun eleppa mataɗileg, kuɗumnab batom, amuppa da genab ag eɗadmi. Aria, laa ele, haen kuɗum da mauhkkulnu miag daami, ag am anam bia iitta.

2 Korint 5:9

Anam daatte amunu, ig ii mauhmut, haen imuppa, ihinig mauhak dimppa ele amu ig kobol oh, Naɗi Nug oo daatte, amubia hekkunignu dabmak ɠagattag aottem.

1 Korint 12:6

Uɗat digdig, amu haknu ib piɗe piɗe ele daatte, amge Kayak laippu, Nugib uɗat amu haknu ɠagattag danab oh ag uɗat amu hekkulagnu madatte.

Rom 15:30

O lailad, da ag ihinig Naɗi Jesus Kristusnu, amu Kayak Ouɗinu oo mauhak ihinignu dootte, amu ele dabmebeppeg, ag da aɗi aɗi uug maottem ele, ag da ele ig oh ig Kayak dahilnu unuqidkkunignu ahilkad dabmak maɗedattem.

Luk 13:24

“Ag od hogogdoak ele noaknu ebehilag qaiettaɗ! Da ag amelagppa attem, danab kuɗum ag od oɗe nakokppa nokkulagnu hekkulag, amge ag elele iitta.

Hibru 12:4

Ag am hipunin qeppeg nekkunu ban heppig, amge ban amuppa ag tiilag ii ne mauhppig.

Kolosi 2:12

Ag layattak aoppig, haen amuppa ag Kristus ele laippu ouqena daappig; ag Nug ele oh laippu moɗppa boumak daappig. Ele amu, ag layattak aoppig, haen amuppa ag ele Kayak Nug nuhig ɠagattagppa uɗat he, Jesus eɗua hibaittom oolagppa genab doyegeg, ag Kristus ele oh laippu eɗun hippaidppig daatteb.