Biblia Todo Logo
Bib sou entènèt

- Piblisite -




Kolosi 1:27 - Nobonob Baibel

27 Lokkumak nai amuam enanagnab, danab oh dilagnu. Amu Kayak Nug danab ah nuhikkud ag amu dooglagnu heum. Nai lokkumak amuam iikku. Am Kristus, ag oolagppa daatte. Nugib ag omalatteb gona, Nug ele hab attan ena daaglag.

Gade chapit la Kopi




Kolosi 1:27
39 Referans Kwoze  

Haen amuppa amu, da Mame nuhigppa daattem, ag am dahilppa daatteb, da ahilagppa ele daattem amu, ag amu dooglag.


Ag hipunin heppig amunu, ag beɗulag mauhtte, amge Kristus ag oolagppa daatte dayeb, ag ouɗilag bauklel daatte. Aɗinu? Kayak Nug ahilagnu, “Genab tutukku hak danab,” aum.


O nid naunau dahilad, ag am Kayaknu amunu, ag propet hambuppuak eɗadppig. Aɗinu? Laa ag oolagppa daatte amu, Nug onig, ɠagattag ele am wan imuppan okkai eɗittak.


Da Kristus ele oh ad emaitakppa aihlop bia mauhmi amunu da gemu bau ii daattem. Iitta. Kristus Nug da oolppa bau daatte. Anam daatte amunu, dahil oiyak wan imuppa oh amu da Kayak Bekkanu oolppa genab doyeye oittem. Nug dahilnu oo mauhe amu dahilnu ele mauhom.


Ag am Kayaknu mettid lag, Kayak Ouɗi Nug ag oolagppa daatte amu, ag amu iite dootteb?


Antte! Da lag odppa dayeye, od qeqalele daattem. Aun laa nug doya od matuleb amu, da lag ooppa noppi, nug ele ee lakkunih.


Nug am Kayak Ouɗi; doyak diig genabib diig. Wanppan danab ah wannu kobol dim lamidtteb ele, ag Nug aoglagnu am elele iitta. Aɗinu? Ag Nug ii anidtteb, amu ag ele Nug ii dootteb. Amge ag da ele geha iikku daatteb, ag am Nug dootteb, Nug ag ele daatteb, dimppa Nug ag oolagppa ele daakku.


O nid dahilad, da ag Kristen bekkulagnu guittak naɗi, ah nid menukkunu guittak dootte, amubia doomi, amu gemu da ag Kristus daatte bia bekkulagnu guittak amubia baula doottem.


Da Pol, da Kayak, eɗua awikkak ihinig daatte amu, Nug Bekka Jesus, nuhig ehanittakppa ig ena daagnignu dabmak aɗat ameg mettem amu, da haknunab anak ahilahppa Kristus Jesusnu totol danab daattem.


Nuhigppaib doyak dabmak ena ele oh, amu doyak oh ele lokkuma daatte.


Judas laa amu nug anam a, Jesus Nug aum. “Danab laa nug dahilnu oo mauhak dootte dayeb, nug dahil nai ele dim lamidkku. Aria, danab amunu amu da Mamel Nug nuhignu oo mauhkku. Amu da Nug ele, i nuhigppa nepuɗ, ig oh laippu, danab ewam lag laippuppa daatteb, amubia haen oh daagnig.


Ig Kayaknu mettid lag amu kayak hambuppuak dottolkad ele ouaqadkkunigte? Amu oh am iitta! Ag dootteb Kayak bauklel ele nuhig mettid lag amu igib iikku. Anukka Kayak Nug nuhikkud danab ah dilagnu inam aum. “Geha da ag ele oh daatta, ag oolagppa oikkul. Da ahilag Kayak daakkul, ag am dahilad danab ah daaglag.”


Amunu kobol bau amuppa laa nug Juda danab, o Grik danab, o gaɗa otaɗak, o gaɗa ii otaɗak, o Rom danab, o Skitia danab, o begbeg maɗi nid, o begbeg maɗi nid iitta daatte, amu oh am keeke hamu; huu anen anen dayak amubia ii daatte. Iitta. Kristus Nug nukka ag ikkilag daatte, amu Kristus Nug nukka nuhikkud danab iɗu iɗu ohnu oolagppa noum daatte.


Da na diit ahilagppa miag atimi. Amu na dahilnu oot mauhtte, oo mauhak amu ag oolagppa daakkunu, da dakka, da ele ag oolagppa daakkulnu amu, da baula na diit ippunadkkul,” awa unuqittom.


Kristusnu uɗat okkaippaib ameg aɗit amu ag ouaqe, laippu bena, ag Kayak Ouɗippa, Kayak Nug daakkunu laug aakku betteb.


Aun nug da teppul tiil ele latte amu, nug dahilppa daatte, da ele nuhigppa daattem.


Kayak Nug nuhig doyak dabmak ena ele oh, nuhig diignu doyak tutukku oh eleppa Nug dabmekka, Nug nuhig ehanittak okkai hamu mettak naɗinab megakka, Nug Jesus Kristus tiigppa Nug ig hipuninnu qagaiettakppanu eɗua uhuqak ha mekka, ⌊amuppanu laih amu⌋ ig hipuninnu uhuqak aomut.


Amu Kayak dahil, Nug ag keeke laa nuhig neekkakppa ag aoglagnunab daattenu tutu meppeg antta, Nug keeke ena ena oh Kristus Jesusnu uɗatppa nuhigppa daatte amu, Nug amuppa elelenab madakku.


Nug amu heumnu diig am, amuppa Nug laa Nug ahilagnu oo gai-iita doya oo metta ehanittak kobol dim lamittom, Nug ag anukka Nug ele daaglagnu tituanattom amu, Nug nuhig binag amahlak oppiaawak okkainab ele ippuanattom.


Ig oonigppa genab doout, Naɗi Jesus, nuhig uɗat okkaippa, ig Kayaknu ehanittak okkai hamu megatte ele amu aot, ɠagattag daattem. Amu ig Nug ele hab aabppa enanagnab daagnignu ameg meta, ig maɗoɗppan gamag ahak doottem.


Ag tatam nai doyak diig genabibppanu, amuam Jesusnu Nai Ena, ag amu doon, keeke Kayak Nug hab attan ahilagnu tituanom amu, ag amu aoglagnu ele doona, gemu ag aoglagnu dabmak aɗan oitteb amunu, ag ooppa genab doyak ahilag, oo mauhak ahilag ele aɗan daatteb.


Amu inam. Ihinigppa uug bette amuam nakokib; am haen tutu aakkuib daatte. Geha dimppa hab aabppa amu ig bau hanhan, ena dayak amu aognig. Hab aabppa bau ena dayak amuam ig beɗunignu uug nakok imu huanak eɗadtte.


Amu ele danab ah ag, ‘Antteg, ippa ina daatte,’ o iitta ‘Antteg, laih uppa uma daatte,’ ii amana. Aɗinu? Kayaknu ɗo maɗoɗ amu ag oolagppa daatte,” awa aum.


Aeg amu Nug inam aum. “Ag dahilad amu, Kayak Nug ag Kayaknu ɗo maɗoɗnu keeke diig lokkumak amu dooglagnu doyak mattom amunu, ag dootteb, amge danab laa, ag am iitta ⌊amunu ag meu dooglagnu da ag amelagppa keeke danab ag dootteb ii dootteb ele ouaqaten ippunatten madittem⌋.


Am gemu da Kayak amegppa, “Ena heme,” awe attem. Nug ig ehanikkekke, ig Kristusnu ɠagattagppa ban eɗidtata, Kayak nai mehuqutut, danab ag aakku Kristusnu dootteb. Doyak amuam muttuɗig enanag aben ohppa gotte, amubia hette.


Genab! Kayaknu doyak dabmak ena ele, aria doyak nuhig ele, keeke aɗit amuam okkainab, unuqagnab ele daattep. Ig danab ig maittak nuhig oh diig mattita anidkkunignu elele iittanab. Amu ig ib oh Nug dim lamidtte ele, ig elelenab doognignu ele elele iitta.


Kayak Nug nahipnu ena ha auta awawa, oo bodoettak kobol dim lamittatta, amen mak haen elab dayaya, Nug oo maɗoɗ kobol dim lamidtte amu, na amunu keeke hamu biate doottem? Amu na Kayak Nug na oot eɗukkunu oo daatte amunu, Nug nahipnu kobol enanag hette iite doottem?


Amu gog tak haenppa ig genab bauklel aognig, dabmak amuam ig dabmak digdig dim lamidmatanu, uub mameg nug uubnu anka eum daatte, amubia aɗaikke daattem. Ihinig ehanittak amuam keeke genab, hab attannu Kayaknu mettid lag Oo Gunnab Eleppa omaikka gotte.


Swiv nou:

Piblisite


Piblisite