Kolosi 1:26 - Nobonob Baibel

²⁶ Anukka Nai Ena amu danab buɗub oh amelagppa hanhan lokkumak dayom, amge gemu Nai Ena am Kayaknu danab ah oppiaawak ele, Nug ag amu anidkkulagnu oo daye he, amelagppa miag beum.

Kolosi 1:26 Referans Kwoze

Luk 8:10

Oɗ mettaeg amu Jesus Nug aum. “Ag dahilad amu, Kayak Nug ag Kayaknu ɗo maɗoɗnu keeke diig lokkumak amu dooglagnu doyak mattom amunu ag dootteb, amge da danab laa amelagppa keeke danab ag dootteb ii dootteb ele ouaqata ippuanattak naippaib madittem. Amunu diig am, ‘Ag neegkkulag, amge ag diig tutukku anidkkulagtai, o tutukku iitai anidkkulag. Ag nai daulagppa dooglag, amge ag nai meu am tutukku dooglagtai, o tutukku iitai dooglag,’ ” awa aum.

Matyu 13:11

Aeg amu Nug inam aum. “Ag dahilad amu, Kayak Nug ag Kayaknu ɗo maɗoɗnu keeke diig lokkumak amu dooglagnu doyak mattom amunu, ag dootteb, amge danab laa, ag am iitta ⌊amunu ag meu dooglagnu da ag amelagppa keeke danab ag dootteb ii dootteb ele ouaqaten ippunatten madittem⌋.

2 Timoti 1:10

Amu lokkumak dayom, amge gemu ihinig Eɗua Awikkak Danab, Kristus Jesus, Nug uɗia he, miag atiom. Nug mauhaknu ɠagattag he iitta me, ig attemun bauklel aognig amu Nug Nai Enappa ippunikkom.

1 Korint 2:7

Amu nai ig mehuqttem ele, nai amuam Kayaknu doyak dabmak ena ele, nuhig dabmakppa daye, danab dilag neekkakppa miag atiak ii daya, lokkumak dayom ⌊uɗie, gemu batak⌋. Amu Kayak Nug wan ii beum haenppa, Nug nuhig doyak dabmak ena ele amuppa ig binag amahlak oppiaawak ele aognignu maittak awom daatte.

Mak 4:11

Oɗ mettaeg amu Jesus Nug aum. “Ag dahilad amu, Kayak Nug ag Kayaknu ɗo maɗoɗnu keeke diig lokkumak amu dooglagnu doyak mattom amunu, ag dootteb, amge danab laala, ag dahil nai dim ii lamidtteb, ag nai danab nug keeke danab ag dootteb ii dootteb ele ouaqata ippunadtte, nai amuppaib anidtteb.

Sam 25:14

Laa ag Yawenu ebehilag oh bodoetta le mette amu, Yawe Nug ag ele layam batatte. Nug ag ehanatte, ag nuhignu nug tituana nai qakkak nainu meu dootteb.

Kolosi 2:2

Da ag Kolosi, laa da ii aniɗppig ele, ag diignu doyak tutukku oh en okkai bia aoglagnu, da ag oh oo ɠagattag qak aon, nug oo mauhak ele dooglagnu, da diig amunu uɗat anam hettem. Ag diignu doyak tutukku oh en okkai bia aoglagnu diig am, amuppa ag Kayaknu dabmak lokkumak dayom, amuam Kristus aakkuib dooglag.

Kolosi 4:3

Ag ihinignu ele, ig Kayaknu dabmak Kristusnu, tatam lokkumak dayom, ig nai amu mehuqkkunignu amu, ag Kayak Nug ib babaitta megakkunu unuqitteg! Da nai amu mehuqaknu amu, da maniguittakppa daattem.

Matyu 20:7

Anam a amu, ag nai nob mena appig. ‘Danab laa nug ig uɗat laa ii mekkom,’ aon appig. Ag anam aeg, nug ag amelagppa aum. ‘Ag ele grep dad dahilppa gona, uɗat heig!’ awa aum.