Kolosi 1:22 - Nobonob Baibel

²² Amge Kristus Nug danab beɗu awa, ad emaitakppa mauhom, ib amuppa Kayak he, ag nuhikkud danab ah oppiaawak ele, ag nuhig neekkakppa ag oolagppa kaliak laa iitta ele, amu eheɗ laa iitta ele daaglagnu ag Nug ele oolag laippu daatteb.

Kolosi 1:22 Referans Kwoze

Epesus 5:27

amu Kristen tamaniak Nug noobppa enanagnab, dubuttid, o keeke nau laa ele iitta, enanag, oppiaawak, ooppa kaliak laa iitta ele, ba dayebeb aokkunu, Kristus Nug bau dayak nuhig uua mauhom.

Jut 1:24

Aria Kayak Nug ag dabmatta auta aweb, ag ii nena qemananu elele daatte, Nug nukka ag diia, Nug noobppa, aben amuam binag amahlak oppiaawak ele, appa nuhig neekkakppa ag oolagppa kaliak laa iitta ele, maɗoɗppan gamag ahak naɗi eleppa maatteb daaglagnu ele elele daatte.

Hibru 10:10

Jesus Kristus Nug Kayaknu dabmaknab awak dim lamitta, haen laippu aakkuib Nug nukka Nug beɗu mana mettak bia Kayak mettom. Amuppa Nug he, ig oppiaawak danab bemut daattem.

Epesus 1:4

Kayak Nug wan ii beum haenppa Nug ihinignu oo mauhe, Nug ig Kristusnu uɗat okkaippa ig nuhikkud danab ah oppiaawak ele daagnignu, ig danab ah oonigppa kaliak laa iitta ele daagnignu tituanikkom.

Taitus 2:14

Kristus Nug ig ihinig nau hak ohnu qagaiettakppanu eɗua uhuqak hekkunu, ig nuhikkudnab danab ah oppiaawak ele daatta, kobol ena tutukku aakkuib hekkunignu dabmak aognignu amu, Nug ihinignu mauhom.

Rom 7:4

Amunu O lailad, gemu ag laa, Nug mauhe, Kayak he, Nug eɗua hibaittom ele amu, nuhig daaglagnu, ag ig ele oh ig Kayaknu kobol ena hekkunignu, ag Kristusnu mauhakppa, danab laa mauha ɗo waappa ii daatte, amubia ag ɗo waappa ii daatteb.

Hibru 10:20

Jesus Nug ib bau, ib amuppa ig bauklel aottem ele buua mekkom. Anukka danab ag Oo Gunnab Eleppa gokkulagnu am ib keldoak dayom. Lamen naɗi laa aihak dayom ele amu, nug ib amu keldoum, amge Jesus Nug mauhak nuhigppa lamen naɗi amu pattiɗa, ib babaitta mekke, ig Oo Gunnab Eleppa nokkunignu elele daattem.

2 Korint 11:2

Kayak Nug ig danab ihinignu huana dabmaama, Nug nukka ig nuhignu tituanikkom, amubia da ele ahilagnu anamib dabmettem. Ao, da ah makkun, oiyak nuhig oppiakib, nug mameg danab laanu ah daakkunu nug baeg aɗatte bia, da ag oppiak amubia daabppeg, ag Kristus medakkulnu hettem.

2 Pita 3:14

Amunu O lailad, ag keeke amu ameg mena daatteb amunu, ag oolagppa oppiak daaglagnu, ag danab oolagppa kaliak laa iitta ele daaglagnu, ag Kayak, Nug ele maɗoɗ daaglagnu, ag wagai menana dayeg!

1 Tesalonaika 4:7

Aɗinu? Kayak Nug ig dubuttid ele oignignu ig oninigppa ii eum. Iitta. Dubuttid iitta, oppiaawak oignignu eum.

Sam 51:7

Na dahil hipunin oh uhuqna meɗan heppe, da oppiaawak daakkulnu oɗ medattem. Ao, na heppe, da oppiaawak bein, lamen hakkab bia daakkulnu unuqidttem.

Job 25:5

Nuhig neekkakppa kalam ena ii amahaltte; hoɗoppai ele ag oppiak ele ii daatteb.

Job 15:15

Kayak Nug nuhikkud laa nuhignu tituanak daatteb ele dilagnu, ag eheɗ laa ii hemananu ooppa genab ii dootte dayeb; nuhig neekkakppa hab ele oppiak ii daatte dayeb amu,

2 Samuel 22:24

Anam amu, Kayaknu neekkakppa da oolppa kaliak laa ii daatte. Ao, da hipunin hepanu da dakka da hipuninppanu awaitten daattem.

2 Korint 4:14

Aɗinu? Ig doottem, Kayak Nug he, Naɗi Jesus Nug eɗua hibaittom, anamib geha Nug ig ele, Jesusnu ɠagattagppa ig ele maɗekkeb, ig eɗut hippaidpput amu, Nug ig ag ele oh omaikkeb gota, Nug ele oh laippu ouqak daagnig.

2 Korint 5:18

Am Kayak nukkaib he, amu oh bette. Anukka ig nuhig kekeɗ daamut, amge Kristusnu uɗat okkaippa amu Nug he ig Nug ele oonig laippu bemut daattem. Anam daautut, ig danab laa amelagppa Kayak Nug ag eɗua diieb ag Nug ele oolag laippu daaglagnu oo daatte apput dooglagnu meikkom.

Kolosi 1:28

Ig Kristus, nuhignuib danab oh amelagppa attem. Ig danab oh anen anen ag dabmena autna aona, ag Kristusnu bena daanna, ag genab tutukku hak danab elelenab beppeg, ig ag omaladta, Kayak noobppa gokkunignu elele daagnignu, ig doyak dabmak ena ele ohppa danab oh ippunittak nai, amu dabmettak nai ele ippunadttem.

1 Pita 3:18

Kristus Nug hipunin uhuqa mettaknu haen laippu aakku mauhom. Nug baula ii mauhma. Nug beɗuppa aab laa iitta, amge Nug ig danab, ig beɗunigppa aab ele, Nug ig omaikka, Kayak toppa wakkunu Nug mauhom. Ag heeg, Nug beɗu mauhom, amge Kayak Ouɗi Nug he, Nug eɗua hibaitta, bauklel daatte.