Kolosi 1:21 - Nobonob Baibel

²¹ Anukka ag Kolosi danab ah ag dabmak eheɗ aon, kobol nau ele heppig amunu, ag Kayaknu kekeɗ daappig. Ag Kayak ele ouqak ii daappig, piɗe laih daappig.

Kolosi 1:21 Referans Kwoze

Epesus 2:12

Haen amuppa amu ag umanab Kristus iittappa daadttappig. Ag Israel baekkudppa ele ii daadttappig. Kayak Nug he, Nug Israel ag ele nug tituanna nai qakkan, Kayak Nug Israel ag nuhikkud daan, keeke ena laala ele aoglagnu nai qakka aum, amge ag iitta aɗi ag amu ooppa ii daadttappig. Ag wan imuppa daappig amu, ag keeke ena laa dimppa bekkunu ameg mak ele ii daappig. Iitta. Ag hamu daappig. Ag Kayak ele ii dooppig, umanab daappig.

Epesus 4:18

Iitta aɗi amu, ahilag dabmakppa am gatatuib. Ag dabmak ena iitta, ag oolag ɠagattag eppe, Kayak dimettanna, Nug dim lamidkkulagnu oolag ii daatte amunu, ag Kayaknu bau ena iinab aoppig.

Epesus 2:19

Anam daatte amunu, ag iitta aɗi ag baula wan laihnu danab, o aab diig danab iitta, ag amubia iitta. Ag Kayaknu danab ah oppiaawak ele, ag ag ele huu laippu; ag ele Kayak bekkod.

Rom 1:30

layag baeg qak anak kobol, Kayaknu nau ninig ele doyak kobol, laa dilagnu eheɗ doya nai tappe nak kobol, beɗuppa tak kobol, ag akka onilag humana amunu nai mattiak kobol ele hetteb. Ag kobol nau bau digdignu dabmena hetteb, amu ag anilkad mamelkad oɗelag dim ii lamidtteb.

Jems 4:4

Ag danab ah naunab. Ag Kayak uuna, kobol laala dim lamadtteb ele. Ag danab nug wan kobolnu oo hette ele, nug aakku Kayaknu kekeɗ daatte iite dootteb? Ge, laa nug wan kobolnu layam daakkunu dabmak awa, dabmak amu dim lamidtte, nug Kayaknu kekeɗ daatte.

2 Samuel 22:24

Anam amu, Kayaknu neekkakppa da oolppa kaliak laa ii daatte. Ao, da hipunin hepanu da dakka da hipuninppanu awaitten daattem.

Epesus 2:15

Nug ameg aɗit amu ouaqateb, ameg aɗit dilah danab ag danab bau bena, ameg laippu daaglagnu, Nug nuhig mauhakppa Nug ɗo nai, amuppa ɗo digdig dim lamidkkunignu yaak dayom amu, Nug amu hokalom. Kobol amuppa nug he, ig Juda, ag iitta aɗi ele, ig oh maɗoɗ daattem.

Esekiel 14:5

Da Israel danab ah oh, ag da uuiɗna, kayak hambuppuak dim lamadtteb amu, ag dabmak amu uun, eɗun daib dim lamiɗkkulagnu, da anam hekkul,’ awa atte.