Kolosi 1:19 - Nobonob Baibel

¹⁹ Aɗinu? Kayak oo niiom bia Nug he, Kayak attemnab daatte, nuhigppa aɗi kobol keeke ambak daatte ele, amu oh amu anamib aakku Jesus nuhigppa anam dayom.

Kolosi 1:19 Referans Kwoze

Kolosi 2:9

Ag Kristen, ag amu dabmettaglagnu diig amu, Kayak Nug attemnab daatte, nuhigppa aɗi kobol keeke ambak daatte ele amu, amu oh Jesus Kristus nuhigppa aakku dayeye, Nug ele am danab daatte.

Jon 1:16

Ehanittak okkai hamu mettaknu kobol nuhigppa ambak daatte amunu, ig nuhigppa itittak ena digdig aakku aomut.

Epesus 1:23

Tamaniak am Jesus beɗu. Jesus Nug am ikki daatte. Tamaniak am Nug beɗu laa oh, eppeg, baeg keeke, amubia. Nug aben ohppa keeke ohppa ambak daatte.

Kolosi 2:3

Nuhigppaib doyak dabmak ena ele oh, amu doyak oh ele lokkuma daatte.

Kolosi 3:11

Amunu kobol bau amuppa laa nug Juda danab, o Grik danab, o gaɗa otaɗak, o gaɗa ii otaɗak, o Rom danab, o Skitia danab, o begbeg maɗi nid, o begbeg maɗi nid iitta daatte, amu oh am keeke hamu; huu anen anen dayak amubia ii daatte. Iitta. Kristus Nug nukka ag ikkilag daatte, amu Kristus Nug nukka nuhikkud danab iɗu iɗu ohnu oolagppa noum daatte.

Epesus 1:3

Ig Kristusnu daattem amunu, Kayak Nug ig hab aabppanu itittak ena oh mekkom. Anam amunu, ig Nug, Nug am ihinig Naɗi Jesus Kristus Mameg amu, ig Nug binag metu!

Jon 3:34

Yo, laa Kayak me uɗiom amu, Nug Kayak nai maditte. Aɗinu? Kayak Nug nuhig Ouɗi ambak medatte.

Epesus 4:10

Nug tatam wan ooppa nowowa, Nug, laa iitta, Nugib eɗua attan ele teum. Nug keeke oh nuhigppa ambak daakkunu, Nug hab attan eɗatta attannab teum.

Luk 10:21

Haen amuppa Kayak Ouɗi Nug he, Jesus Nug maɗoɗppan gamag ahak doya, Nug aum. “O Mame, na hab wan ele dilah Okkai daattem, amu na ⌊wan imuppan dabmakppa⌋ danab laala ag doyak dabmak ena ele, danab laala sul okkai heppig ele, na amu dilagppa keeke imu lokkumna, nid naunau ippunadme amunu, da na onin humattem. Yo, Mama, na amu hekkutnu enanag doome, amunu na heme,” awa aum.

Epesus 1:5

Nug anukka dabmaknab awom, oo ele niiom bia amu, Nug Jesus Kristusnu uɗatppa ig tainig mawa, Nug bekkod daagnignu meikkom daattem.

1 Korint 1:21

Wan danab ag akka ag ahilag doyak dabmak ena eleppa Kayak mattin anidkkulagnu elele iitta; ag ahilag doyak dabmak ena eleppa amu hekkulagnu am ib iitta. Anam amge Kayak Nug danab ah eɗua diikkunu ib iikku babaittom. Ag ad emaitaknu Nai Ena ig mehuqttem amu doona, ag Kristusnu oolagppa genab dooglag amu, Kayak Nug eɗua diikku. Danab laa ag Nai Enanu, “Am dabmak tutukku iitta,” aon atteb.