Kolosi 1:15 - Nobonob Baibel

¹⁵ Kayak Bekka Nug am Kayak, danab laa nug Nug anidkkunu elele iitta, Nug bianab aakku daatte. Nug am keeke oh Kayak he beum daatte, Nug amunu ikki anuqaknab daatte.

Kolosi 1:15 Referans Kwoze

Hibru 1:3

Aam lettod ye, amahlak amia ukke, danab ah anidtteb, amubia Kayak Bekka Nug Kayak binag amahlak oppiaawak ele he, danab ah anidtteb, amu Nug Mameg daatte, amubianab daatte. Nug keeke oh nuhig naippa ɠagattag aqadtte. Nug nuhig mauhakppa Nug danab dilag hipunin uhuqa mattaknu ib ooɗom. Nug ib amu ooɗowa, Nug eɗua hab aabppa ta, Nug Kayak, Nug dagom onig ɠagattag ele, Nug Nug eppeg naɗiap-ppa daatte.

Jon 14:9

Pilip anam a amu, Jesus aum. “Pilip, haen elabnab da ag ele daamut, am na iite dooiɗttem? Danab nug da aniɗtte amu, nug Mama anidtte. Am aɗinu na Mama anidkkutnu oɗ meɗattem?

Jon 1:1

Kayak Nug keeke oh digma heum, haen amu ii nak amu Kristus, Nug onig laa Nai Kayak Ippunigtte, Nug dayom. Nug Kayak noobppa dayom amge anamib iitta, Nug ele Kayak dayom.

2 Korint 4:4

Danab amu ag Jesusnu oolagppa genab ii dootteb. Aɗinu? Satan, nug wan imunu kayak hambuppuak daatte, nug ag Kristusnu dabmak pehettak aomnanu ib oo neum. Nug anam heum amunu ag Kristus, Nug genab Kayak attem daatte bianab daatte, ag nuhignu Nai Enanu amahlak, Kristus Nug binag amahlak oppiaawak ele ippunigtte amu, ag amu ii anidtteb.

Jon 1:18

Danab laippu laa nug haen laa Kayak ii anttom. Iittanab. Kayak Bekka laippunab, Nug Kayak ele ouqak daattep amu, Nug aakkuib anitta doya, Kayak ippunikkom.

Jon 1:14

Am Kristus, onig laa Nai Kayak Ippunigtte, Nug danab beɗu awa, ig oonigppa dayom. Ig oonigppa dayeye, ig nuhig binag amahlak oppiaawak ele anidmut. Binag amahlak oppiaawak ele amuam laa Nug Kayak Bekka laippunab daatte, Nug Kayak, nuhigppanu uɗiom amu, am nuhig aakku. Doyak diig genabib, amu ehanittak okkai hamu mettak kobol ele, amuam nuhigppa ambaknab ele daatte.

Pilipai 2:6

Amuam inam. Nug am Kayak genab dayom, amge Nug Kayak daatte, Nug amubianab daakkunu wagai ii meum.

Sam 89:27

⌊Nid danab tatamnu ag nid anuqak daan binalag, aulag okkai ele aotteb, amubia⌋ nug nid ⌊danab⌋ naanaeg dahil daakkunu otikkul. Ao, nug wanppa king okkai naɗinab, king laa oh eɗattak daakku.

Rom 8:29

Aɗinu? Danab aun aɗi ag Kayaknu oolag mauhkku amu, Nug ag anukka doyattom. Nug doyattom amunu, Nug ag kuɗum Nug Bekka ele oh daan, Bekka Nug ag oolagppa ag awalag nid naanaeg daakkunu, ag Bekka daatte bia daaglagnu, Kayak Nug maittaknab amu awom.

1 Timoti 1:17

Amu Kayak, Nug am keeke ohnu king hanhan daatte, Nug ii mauhtte, ig Nug anidkkunignu elele iitta, Nug aakkuib am Kayak. Binag, amu binag amahlak oppiaawak ele hanhan alet ele nuhigppa dayaɗ! Genab.

Revelesen 3:14

Nug anam ana, Nug nai tuɗitta aum. “Na nai da attem imu Laodisia Kristen tamaniaknu ikki danab, nuhignu inam ye! Nai imu, laa Nug nuhigppa Kayaknu mattiak tutukku daatte, Nug oo metta ii uuak kobol dim lamitta, Nug laa aɗi heehe anttomnu mattiak danab dayaya, nai genabib maditte, Kayak keeke hattom amu ele Nug atognoadtte, amu nuhigppan uɗitte.

Hibru 1:6

Laa ele amu Kayak Nug Bekka naanaeg wanppa meeb uɗikkunu haaha, Nug inam ele aum. “Kayaknu engel oh ag Nug noobppa dup nona binag meig!” awa aum.

1 Timoti 6:16

Nug nukka aakkuib ii mauhtte; hanhan daatte. Amahlak ig gukkuidta gokkunignu elele iitta ele amu Nug amuppa daatte. Danab laippu laa ele Nug ii anttom, laa anidkkunu ele elele iitta. Nug binag amu nuhig ɠagattag haen oh ele nuhigppa dayeɗ! Amu genab.

Jon 15:24

Da kobol danab hekkunu elele iitta, danab laa ii heum ele ahilagppa ii helom amu, ag hipuninnu aab iitta daalob, amge ag anadna, hamu bia doona, da amu da Mamel ele ag ihinihnu nau ninig ele dooppig.

Jon 3:16

Kayak Nug wanppan danab ah dilagnu oo huana mauhom amunu, Nug Bekka laippunab me uɗiom. Nug me uɗiom amunu, aun nug nuhignu ooppa genab dootte ele, nug padal ii mema. Iitta! Nug bauklel hanhannu aokku.

Kolosi 1:13

Nug ig hipuninnu ɠagattag hippalikkakppanu uhuqikkom. Nug ig eɗua awikka, Nug Bekka Jesus, Nug nuhignu oo mauhtte amu, Nug nuhig ɗo maɗoɗ ooppa daagnignu meikkom.

Hibru 11:27

Moses nug Kayaknu ooppa genab doyom amunu, nug Isip wan uua, aha ukkom. Nug Paronu oo nauhak amunu oo ii baɗom. Amu danab ag Kayak amelagppa anidkkulagnu elele iitta, amge Moses nug anttom bia daya, nug uug doyaya eɗittaknuib dabmak awak kobol dim lamitta dayom.

Namba 12:8

Iitta. Haen da nug ele nai madittep amu, ii nug anidɗaɗa nai madittep. Da nai miagib madittem, nai tonak ii madittem. Nug da, da Yawe, nug da attemun amu aniɗtte. Anam aakku daatte amunu, aɗinu aa dahil maɗi nid Moses, aa nuhignu nai eheɗ akkulahnu ii baɗaya, nai eheɗ nuhignu apiɗ,” awa aum.

Eksodas 24:10

Ag tena amu, ag ⌊nakok uma daanna, neekkeg ukke,⌋ Israel dilag Kayak anidppig. Yawe baeg waappa amu, keeke laa dayom, am keeke otala wan tonak laa ele. Keeke amunu amu, neekkak nuhig am men sapaia, amubia; am hab oppiaawaknab, amubia daye anidppig.