Kolosi 1:14 - Nobonob Baibel

¹⁴ Amu Nug tiigppa Nug ig hipuninnu qagaiettakppanu eɗua uhuqak ha mekka, ⌊amuppanu laih amu⌋ ig hipuninnu uhuqak aomut.

Kolosi 1:14 Referans Kwoze

Epesus 1:7

Kayak Nug nuhig doyak dabmak ena ele oh, nuhig diignu doyak tutukku oh eleppa Nug dabmekka, Nug nuhig ehanittak okkai hamu mettak naɗinab megakka, Nug Jesus Kristus tiigppa Nug ig hipuninnu qagaiettakppanu eɗua uhuqak ha mekka, ⌊amuppanu laih amu⌋ ig hipuninnu uhuqak aomut.

Hibru 9:22

Aria ɗo kobolppa, tiigppaib keeke oh bia oppiak daakkunu daatte. Amu tiig ii ne amu, Kayak Nug hipunin ii uhuqtte.

Hibru 9:12

Kristus Nug meeme tiilkad, amu makau nakkud tiilkad ele awa, Oo Gunnab eleppa ii noum. Iitta! Nug nukka Nug tiig awa, haen laippu aakkuib Oo Gunnab Ele, Nug amuppa noa, Nug tiigppa Nug qagaiettakppanu eɗua uhuqak hanhannu ha mekkom.

Revelesen 5:9

Ikki danab 24 ag anam hena, ag ahi bau laa inam edappig. “Na buk itoɗiak amu aona, qataqak oh tolakkutnu ehah ele. Aɗinu? Ag heeg, na mauhme, amu na danab ah huu ohppanu, nai ohppanu, beɗulag iɗu iɗu ohppanu, wanppan wan ohppanu ele na tiinppa hipuninnu qagaiettakppanu eɗua uhuqak hena, Kayak mettame.

Galesia 3:13

Ɗo ig eheɗ laa awaknu anak waappa daattemnu atte, amge Kristus Nug Kayak naippa yaak, “Danab oh ag ad attan aihadtteb ele, danab amu ag eheɗ laa awaknu anak waappa daatteb,” Nug nai amu attenu qagaiettak awa, amuppa Nug qagaiettak amuppanu eɗua uhuqak ha megakka, nob nau amu awa ehanikkom.

Matyu 20:28

Yo, nug Danab Bekkalag da, da hettem amubia haɗ! Am inam. Danab Bekkalag da, da wan imuppanu danab ah ag da ehaniɗkkulagnu ii uɗimi. Iitta. Da ag ehanadkkulnu uɗimi, amu da dahil mauhakppa danab ah kuɗum eɗue diiadkkulnu ele uɗimi,” awa aum.

Epesus 5:2

Ag nug oo mauhakppa, Kristus Nug ihinignu oo mauhe, Nug nukka Nug bau dayak nuhig ig ehanigkkunu uua, ihinignu mauhom bia oiyeg! Kristus Nug danab ag doɗ main Kayak muttuɗig ena dookkunu medatteb bia, nukka nuhigppa anam heum.

1 Jon 2:2

Nug ad emaitakppa mana mettak bia dayaya, ihinig eheɗ haknu nob nau Nug tiigppa iitta mekkunu he elele mettom. Amge Nug ihinignuib anam ii heum. Iitta. Nug danab ah wan atu ohppa daatteb ele amu, Nug amu dilagnu ele heum.

1 Pita 3:18

Kristus Nug hipunin uhuqa mettaknu haen laippu aakku mauhom. Nug baula ii mauhma. Nug beɗuppa aab laa iitta, amge Nug ig danab, ig beɗunigppa aab ele, Nug ig omaikka, Kayak toppa wakkunu Nug mauhom. Ag heeg, Nug beɗu mauhom, amge Kayak Ouɗi Nug he, Nug eɗua hibaitta, bauklel daatte.

Sam 130:4

Amge na am hipunin uhuqa mekkaknu diig daattem amunu, ig danab, ig nahipnu ig ebehinig oh bodoetta le mette.

1 Jon 2:12

O nid naunau dahilad, Jesus Kristus onigppa Kayak Nug hipunin ahilag uhuqa mattom amunu, da ahilagnu yaattem.

Taitus 2:14

Kristus Nug ig ihinig nau hak ohnu qagaiettakppanu eɗua uhuqak hekkunu, ig nuhikkudnab danab ah oppiaawak ele daatta, kobol ena tutukku aakkuib hekkunignu dabmak aognignu amu, Nug ihinignu mauhom.

1 Timoti 2:6

Nug danab ah oh dilagnu Nug nukka Nug bau dayak nuhig uua, amuppa Nug haenppanab Kayak Nug danab oh eɗua diikkun hette ippunikkom.

Kolosi 2:13

Anukka amu ag hipunin digdig henan, ag oo alagnu kobol dim lamittegeg, kobol amu nug ag aqe mauhak bia daattappig. Amge Kayak Nug Kristus maɗette ahe, ag ele bau mattom. Nug ig oh hipunin hemut amu, Nug hipunin amu oh uhuqa mekkom.

Epesus 4:32

Ag lailkad dilagppa oo bodoettak kobol henana, ag oo bodoetta le mak kobol ahilagppa heig! Kayak Nug Kristusnu uɗatppa ahilag hipunin uhuqa mattom, amubia ag nug hipunin uhuqa mettak heig!

Aposel 20:28

Amunu ag akka ahilagnu dabmenan daanna, amu Kayaknu danab ah, Kayak Ouɗi Nug ag gumak ikki danab ahilag daaglagnu otiattom ele amu, ag amu dilag ele oh dabmenan dayeg! Ag Kristen tamaniak, Kayak Nug nukka Nug tiigppa nuhig tamaniak amu daden meum ele amu, ag nuhig tamaniak amu tutukku gumatteg!

Aposel 10:43

Nuhignuib propet ag inam yaappig. ‘Aun aɗi ag Jesusnu oolagppa genab dootteb ele amu, Kayak Nug, Nug onigppa, hipunin ahilag uhuqa madakku.’ ” Pita nug anam aum.

Kolosi 3:13

Ag nug oo makppa daanna, amu ag oolagppa lailag laa nug layagnu eheɗ ha ⌊oo eɗueb, nug eɗua layag uhuqa medakkunu oɗ metteb amu⌋ layag amu nug eheɗ hak amu, Naɗi Nug ihinig eheɗ hak oh uhuqa mekkom, amubia nug uhuqa mettaɗ!

Aposel 2:38

Aon aeg am, Pita nug amelagppa aum. “Kayak Nug ahilag hipunin uhuqatta madakkunu amu, ag oh akka anen anen ag oolag eɗueb, Jesus Kristus onigppa layattak aweg! Ag anam heppeg, Kayak Nug nuhig Ouɗi ag ɗo hamu mettak bia madakku.

1 Jon 1:9

Ig ihinig hipunin Kayak amegppa miagib mattignig dayeb, Nug oo metta ii uuak kobol, aria nai doya mala hettoɗia epeɗia elele mettak kobol ele dim lamittatta, Nug ihinig eheɗ hak oh uhuqa mekka heeb, ig oppiak daagnig.

Revelesen 14:4

Danab amu ag ah ele gappai kobolppa ag akka ag dubuttid ii medappig; ag oppiak daatteb. Ag Sipsip Nag aben ohppa gotte amu, ag Nug dim lamidtteb. Amu Kayak Nug danab amu wanppanu danab ah oh oolagppanu hipuninnu qagaiettakppanu eɗua uhuqe, ag ee meu tatam eɗua, ofa Kayak medakkunu daatte, ag amubia ofa Kayak, Sipsip nag ele mataknu daatteb.

Luk 5:20

Meeg dayeye, Jesus Nug ahilag ooppa genab doyak antta, Nug oɗe danab amegppa aum. “Layal, nahip hipunin oh amu da uhuqe medattem,” awa aum.

1 Korint 1:30

Kayak Nug aakku he, ag Kristus Jesusnu daatteb. Kristus Nug am doyak dabmak ena, ig Kayaknu aottemnu diig. Gemu ig genab tutukku hak danab daattem, ig oppiaawak ele daattem, amu ig gemu qagaiettakppanu eɗua uhuqak aomut daattem, amu oh Kristus, nuhigppaib beppig daatteb.