Kolosi 1:12 - Nobonob Baibel

¹² ag ig Mamenig amegppa, “Ena heme,” akkulag. Aɗinu? Nug he, ag keeke oh, Nug ag aoglagnu tituanom amu, ag amu aoglagnu elele daatteb. Ao, geha ag, amu Kayaknu danab ah oppiaawak ele laa ele, ig oh nuhig ɗo maɗoɗ, amahlak ele ooppa daattem amu, ig oh ele aognig.

Kolosi 1:12 Referans Kwoze

Aposel 20:32

Am gemu da ag Naɗi eppegppa maatte, nuhig ehanittak okkai hamu megatte, nai amu waappa daaglagnu ele aakku maadttem. Nuhig ehanittak hamu mekkak, amuam heeb, ag ɠagattag, amu keeke, aug bia, Kayak Nug oppiaawak danab madakkunu aum ele, ag amu oh aoglagnu elele.

Epesus 1:11

Ig Kristusnu uɗat okkaippa Kayak bekkod daattem. Kayak Nug keeke oh attem bekkunu dabmette amu, anamib bette amunu, Nug ig nuhikkudnab daagnignu dabmaama meikkom daatta, ig Nug bekkod daattem.

Epesus 1:18

Da Nug heeb, ahilag dabmak amahleb, butti aɗi ag aɗi keekenu Nug ag onilagppa eum ele amu, ag amunu dabmak ɠagattag aona, ag maɗoɗppan gamag doon, itittak enanagnab oh Nug nuhikkud danab ah oppiaawak ele oh aoglagnu nai qakka tituanom ele amu, ag amu oh dooglagnu ele unuqidttem.

Epesus 3:6

Nai lokkumak dayom amu inam. Gemu Nai Enanu ɠagattagppa ameg laa, amuam iitta aɗi, ag Juda ele laippu ouqak daatteb. Ig oh laippu daattem. Ag anam daanna, keeke oh Kayak Nug Juda aoglagnu nai qakka aum amu, iitta aɗi ag Kristus Jesusnu daatteb ele, ag ele amu aoglag.

2 Korint 5:5

Kayak Nugib ig anam daagnignu ib babaittom daatte. Kayak Nug genabnab genab geha keeke amu oh megakkunu ippunigkkunu Nug nuhig Ouɗi, keeke lonnu onig awak bia, ig mekkom.

Rom 8:17

Amu ig Kayak bekkod daattem dayeb, ig geha keeke Nug megakkunu dabmette ele aognig. Laa ele amu, Kayak Nug keeke Kristus medakkunu dabmette amu, ig Nug ele oh amu aognig. Yo, ig Kristus uug mawom, uug amu genab tuɗidta maognig dayeb, dimppa ig Nug hab aabppa dayak enanag awom ele, ig amu ele aognig.

Hibru 3:14

Aɗinu? Ig Kristus ele tamanit, laippu daagnignu ib am laippuib. Laa iitta. Ib amuam inam. Ig tatam Kristusnu oonigppa genab doomut amu, ig amuib aɗapput ukkeb, mauhak haen ihinigppa ele ooppa genab doyak nuhignu amu aakkuib aɗagnig dayeb, amuppa ig genab Kristus ele tamanit daattem.

Jon 14:6

A amu, Jesus Nug nob ma aum. “Da am ⌊Kayak gumitta ukkaknu⌋ ib. Laa ele amu, da am doyak diig genabibnu diig, amu da bau dayaknu diig ele. Danab nug Kayak gumitta gokkunu amu, daib nug ehanidppi gokkunu elele daattem.

Revelesen 21:23

Aab okkai amuppa amu aam kalam ele aa aab amu amahlak laa medakkunu ii daattep. Aɗinu? Kayaknu binag amahlak oppiaawak ele am amahlak medatte, amu Sipsip Nag am aab amunu lam daatte.

Hibru 12:23

Amu ag Kayak bekkod tatamnu, Kayak Nug ag onilag matu hab aabppa yom daatteb, ag amu dilag qagmak naɗi amuppa wappig. Ag Kayak, Nug am danab oh epeɗiadtte ele amu, Nug gukkuidna wappig. Amu ag danab anukkanu, Kayak Nug ahilagnu, “Genab tutukku hak danab,” aum, ag mauhadna hab aabppa elelenab daatteb ele amu, ag gemu daatteb, ag oolagppa genab dootteb ele, ag amu gumadna, ahilagppa teppig.

Kolosi 2:2

Da ag Kolosi, laa da ii aniɗppig ele, ag diignu doyak tutukku oh en okkai bia aoglagnu, da ag oh oo ɠagattag qak aon, nug oo mauhak ele dooglagnu, da diig amunu uɗat anam hettem. Ag diignu doyak tutukku oh en okkai bia aoglagnu diig am, amuppa ag Kayaknu dabmak lokkumak dayom, amuam Kristus aakkuib dooglag.

Epesus 5:20

Ag haen oh ihinig Naɗi Jesus Kristus onigppa keeke ohnu Kayak Mamenig amegppa, “Ena heme,” aon aig!

1 Korint 8:6

Amge ihinignu, Kayak laippuib daatte, Nug am ig Mamenig, Nug am keeke ohnu diig daatte amunu, ig am nuhignuib bau daattem. Naɗi ele am laippuib daatte, Nug am Jesus Kristus. Kayak Nug nuhigppa keeke oh hattom, amu ig nuhigppa bauklel aottem.

Rom 15:27

Am genab ag oolag ena daye, akka ahilag dabmakppa anam heppig. Aɗinu? Ag Jerusalem dilagnu keeke nob eɗua mettak bia hekkulagnu daatte dootteb. Ag anam hekkulagnu dottebnu diig am, Kristusnu nai nug Juda ahilagppanu aha, iitta aɗi dilagppa ukkom amunu, iitta aɗi ag beɗunignu keeke, amuppa Juda danab keeke nob eɗun mattaglag am ena dootteb.

Prowerb 16:1

Danab ah ag ahilag dabmakppa aɗi aɗi hekkulagnu maittak aotteb. Anam amge, Yawe Nug aɗi keeke bekku amu, Nug dabmaama he bette.

Prowerb 4:18

Amu genab tutukku hak danab ippulag am digmakppa ena daatte, gamagppa enanag daatte, batakppa am enanagnab daatte; am aam haɗaedette, amahlak nakok nakok wanppa daye ukke, aam be, amahlak naɗi daatte, amubia daatte.

Jems 3:9

Ig oɗenigppa amu ihinig Naɗi, ig Mamenig, Nug binag meta, amu ig danab Kayak Nug Nug bia hattom amu, ig oɗenigppa amu, ig danab laa eheɗ laa awaknu anak waappa daaglagnu madittem.

Hibru 3:1

Amunu O ig lainkad, ag Kayaknu danab ah oppiaawak ele, Nug ag ig ele hab aabppa daagnignu tituanikkom amu, ag Kristus Jesus, Nug am ihinig ooppa genab doyaknu mana mettak ikki danab, Nug am ihinig ooppa genab doyaknu totol danab daatte ele amu, ag nuhignu atognona dabmena autna aweg!

Kolosi 3:17

Ag nai madittebtai, o iitta ag uɗat hettebtai, o iitta ag aɗi keeke hetteb amu, ag Jesus onigppa Mame Kayak amegppa, “Ena heme,” anana, ag keeke amu oh Naɗi Jesus onigppaib heig!

Kolosi 3:15

Kayak Nug ag tamaniak laippu maɗoɗ ele daaglagnu ag onilagppa eum amunu, Kristusnu maɗoɗ, Nug ig megatte ele, maɗoɗ amu nug hanhan ag oolag gumebeb oiyeg! Amu ag hanhan Kayak amegppa, “Ena hen megattem,” aon aig!

Epesus 5:4

Ag nai oppiaawak iitta, nai dabmak tutukku iittappanu, amu qiɗ hak nai nau ele amu, ag amu mattiglagnu elele iitta. Ag amu aib madippig. Iitta. Ag amu uuna, Kayak amegppa, “Ena heme,” anan dayeg!

Epesus 4:6

Kayak ele laippuib daatte. Nug am ig oh Mamenig. Nug danab oh dilag Okkai daatte, Nug danab ohppa nuhig uɗat hette amu, Nug danab oh oolagppa daatte.

1 Korint 9:23

Am Nai Ena aha okkai mekkunu, da nai amuppan itittak ena aokkulnu ele, da uɗat anam anam hettem.

Rom 11:17

Kayak Nug danab laa, nug dattanu olip ad ebekkud laala qiialatta awowa, ebekkud ii qiialattak daappig oolagppa olip dakkuɗ eppeg laa awa tuɗitte bau daatte, amubia Kayak Nug he, ag iitta aɗi ag gemu ena bau daatteb. Ag iitta aɗi ag gemu amu ag am olip dakkuɗ eppeg bia, gemu amu ag ɠagattag, kobol ena ele Kayaknu aotteb, eppekkud diɗippa keeke ena aotteb bia.

Rom 9:23

Nug amu heumnu diig am, amuppa Nug laa Nug ahilagnu oo gai-iita doya oo metta ehanittak kobol dim lamittom, Nug ag anukka Nug ele daaglagnu tituanattom amu, Nug nuhig binag amahlak oppiaawak okkainab ele ippuanattom.

Jon 20:17

Nug anam a amu, Jesus aum. “Na da aib aɗailme, da Mame toppa ii gomi. Amge na da oɗel aona, da lailad gumadna gona, amelagppa inam a! ‘Da, da Mamel, Nug am ag Mamelag ele, da dahil Kayak, Nug am ahilag Kayak ele, da Nug gumitte gottem,’ ” awa aum.

Jon 4:23

Amge haen aakku uɗiom, danab ag Nug noobppa dup noa binag mak genab hekkulagnu amu, ag Kayak Ouɗi, nuhig ehanittakppa, amu doyak diig genabib eleppa Mame noobppa dup nona binag mekkulag. Dup noa binag mak anam amu, Mame Nug oo daatte.

Matyu 25:34

Anam maattoya, da king daattem amunu, da danab ah naɗiap-ppa maadmi ele amelagppa akkul. ‘Ag inam doig! Mame Nug ag itittak ena mattom! Da Mamel Nug ɗo maɗoɗ ahilagnu haen wan bau beebe babaitta mattom.

Daniel 2:23

O Kayak, na da mamelad aɗi dilag Kayak, da na amenppa, ‘Ena heme,’ ainne, da na binan humattem. Na da doyak dabmak ena ele meɗan, na ɠagattag ele meɗame. Ig na keeke laanu oɗ mettaut, na da ippuniɗme. Na hee, ig kingnu tul niiak attem dayom amu, ig aakku amu doomut,” awa aum.

Sam 116:7

Nug anam he, da dakka da amelppa, da dahilnu inam ami. “Yawe Nug nahip-ppa ena heum amunu, na baula maɗoɗ daye!” Da anam ami.

Sam 97:11

Nug he, amahlak am genab tutukku hak danab ah dilagppa amahaltte. Nug he, ag maɗoɗppan gamag ahak aotteb.

Sam 79:13

Ig nahipad danab ah ig am sipsip nahip dadppa gikkiɗah latteb bia daattem amu, na anam heppe, ig na amenppa, “Ena hen mekkame,” hanhan akkunig. Ao, menuattak huu laippu bia anen anen ag na aɗi heme doona, ag na binan mekkulag.

Sam 36:9

Aɗinu? Na aakkuib am bau dayaknu diig. Na aakkuib hee, danab ah ag bau daaglagnu keeke aon, bau daatteb.

1 Stori 29:20

Dawit nug anam unuqitta, nug eɗua danab qagmeppig ele amelagppa aum. “Ag Yawe, ahilag Kayak, ag Nug binag meig!” awa aum. Nug anam a, danab oh ag Yawe, ag mamelkad aɗi dilag Kayak, ag Nug binag meppig. Ag amu hewona, ag Nug noobppa, Dawit noobppa ele gatelag qaun ona, gomelna autna aona, ag iɗulag wanppa mena daappig.

1 King 6:7

Ag mettid lag amu haknu men otaɗppig amu, men aoppig, aben amuppa ag men amu otaɗadna bappaidppig. Bappaitteg amu, ag akkan uɗiegeg, ag Yawenu mettid lag heppig. Ag lag amu heppig, haen amuppa amu hama oqotti, hebeb oqotti, am tul laala aenppa hak oh oqottilag laa ii oum.

Revelesen 22:14

Danab nug nuhig lamen iha oppiaawak daatte bia, aun aɗi ag Jesus tiigppa oppiaawak daatteb, amu diig amunu ag aab okkainu od oɗeppa wana, aabppa nona, ad bauklelnu meu lakkulagnu elele daatteb amu, ag itittak ena aoppig daatteb.

Revelesen 22:5

Gatatu baula ii daama. Lamnu amahlak am aam amahlaknu uɗat ele baula ii daama. Aɗinu? Naɗi Kayak Nug amahlak mattebeb, ag haen oh king daaglag.

1 Jon 1:3

Ag uɗug imu ebqetteb ele amu, ag ig ele oh oonig laippu ele nug dootta daagnignu, ig aɗi anidta doomut ele amu, ig ag amelagppa iikku attem. Aria, oo laippu ele nug doya dayak ihinig amu, amuam Mame Kayak, amu Nug bekka Jesus Kristus ele, aa ig ele oh amuppa daattem.

1 Pita 5:1

Nai imunu amu, da ahilkad ikki danab ag oolagppa daatteb, da ahilagnu nai imu iikku yaattem. Da ele am ikki danab daattem, amu da amelppanab Kristus Nug uug mawe anitten, amunu da aɗi heehe anttomnu mattiak danab daattem. Da ag ele, ig oh geha Kristusnu binag amahlak oppiaawak ele heeb miag atieb, ig amu ooppa daagnig amunu, da ag ikki danab ag uɗat inam hekkulagnu ag maɗadakkulnu nai imu yaattem.

Taitus 2:14

Kristus Nug ig ihinig nau hak ohnu qagaiettakppanu eɗua uhuqak hekkunu, ig nuhikkudnab danab ah oppiaawak ele daatta, kobol ena tutukku aakkuib hekkunignu dabmak aognignu amu, Nug ihinignu mauhom.

2 Korint 11:14

Ag Korint daatteb ele amu, ag amunu aib ottaippig. Aɗinu? Ig doottem, Satan nug nukka hanhan kobol nuhig he eɗue, nug gaɗappaib amahlak engel bia bette.

Epesus 2:18

Amunu ig ameg aɗit amu, ig oh Kristusnu uɗat okkaippa, Kayak Ouɗi laippunu ehanittakppa, ig oh Mame toppa gokkunignu elele.

Epesus 5:8

Anukka ag gatatuppa daadttappig, amge Naɗi Nug gemu ag amahlakppa maattom. Amahlaknu meu am kobol ena, genab tutukku hak kobol, amu doyak diig genabib ele amunu, ag kobol Kayak Nug amunu oo hette ele amu doon aonna, ag amahlaknu danab oitteb, amubia ag amahlakppa oiyeg!

Epesus 5:11

Gatatu uɗat, meu iitta ele, dimittim danab ag hetteb ele amu, ag anam aib heppig. Iitta. Ag gatatu uɗat am nau, ag amu miag atippeg, danab ah oh antteg!